EOSek Elkanoren mundu bira gogoratuko du bost euskal konpositoreren eskutik
Euskadiko Orkestra Sinfonikoak (EOS) 'Mundubira musika bidelagun' proiektua aurkeztu du gaur, asteartearekin. Horren bidez, Juan Sebastian Elkano protagonista izan zuen lehen mundu biraren 500. urteurrena omenduko dute, eta bost euskal konpositoreri eskatu diete, hortaz, bidaia horren zatietan oinarritutako musika piezak sortzeko.
Bost konpositore hauek parte hartuko dute programan, estreinaldiaren dataren arabera ordenatuta: Mikel Chamizo, Mikel Urquiza, Joël Mérah, Teresa Catalán eta Zuriñe Fernandez Gerenabarrena.
Oriol Roch EOSen zuzendari nagusiak azaldu duenez, orkestrarentzat garrantzitsua zen “Elkanoren figuraren ikerketan laguntzea, betiere musikaren ikuspegitik”. Prozesu horretan, Robert Treviño orkestraren zuzendari titularra “Eresbil euskal musikaren artxiboan murgildu da, Elkano eta haren itsas bidaia gauzatzeko”, azaldu du.
Horren guztiaren emaitza da EOSek bost euskal konpositoreri beste horrenbeste musika lan sortzea eskatu diela, baldintza bakarra jarrita: bidaiaren zati ezberdinetan oinarritzea.
Orkestrak 2019/2020, 2020/2021 eta 2021/2022 denboraldietan estreinatuko ditu bost lanok.
Mikel Chamizok (Tolosa, 1980) ondutako lanak ‘Espedizioaren irteera, 1519’ du izena, eta udazkenean estreinatuko dute; Mikel Urquizak (Bilbo, 1988) ‘Hego Amerika’ konposatu du, eta 2020ko udaberrian estreinatuko dute; Joël Mérahk (Clichy, 1969), bestalde, ‘Ozeano Barea, Asia’ sinatu du, EOSek 2020an estreinatuko duena.
Horrez gain, ‘India, Afrika’ Teresa Catalanek (Iruñea) sortutako lana 2021eko udaberrian estreinatuko dute, eta, ‘Itzulera 1522’, Zuriñe F. Gerenagabarrenarena (Gasteiz, 1965), 2022ko udaberrian.
Zure interesekoa izan daiteke
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamar bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.
Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.
Soziedad Alkoholika eta The Toy Dolls, Bonus Track Durangoko jaialdian
Landako Guneak jaialdiaren bigarren edizioa hartuko du apirilaren 18an, eta oholtza gainean izango dira Segismundo Toxicómano, Kaos Urbano, Kaotiko, Josetxu Piperrak, Juantxo Skalari, El Último Ke Zierre, Manifa, Alfredo Piedrafita, Dinamita eta Disolventex.