Luis Eduardo Aute kantautorea zendu da, Madrilen, 76 urte zituela
Luis Eduardo Aute kantautorea, margolaria, eskultorea, poeta eta zinegilea larunbat goizean hil da Madrileko ospitale batean, 76 urte zituela, familiak aditzera emandakoaren arabera. Aute ostiralean ingresatu zuten eta oraindik ez dago argi bere heriotzak koronabirusarekin zerikusia duen ala ez.
"La Belleza" ren egilea (Manila, 1943ko irailak 13) agertokietatik erretiratuta zegon 2016ko abuztuaren 8an bihotzeko larriak eman zionetik. 48 ordu eman zituen koma egoeran.
Ospitale ezberdinetan izan ostean, Aute etxean zegoen, familiakoen zaintzapean, eta atzo, ostirala, Madrileko osasun zentro batera eraman zuten. Bertan hil da, 11:30ean.
Hileta noiz eta nola egingo duten ez dute oraindik argitu, koronabirusaren ondorioz Madrilen hil-kaperak jartzeko baimenak murriztu egin direlako, heriotzaren arrazoia edozein izanda ere.
Autek agertokietan 50. urteurrena ospatu zuen 2015eko abenduan Mexikon emandako kontzertu batekin eta bere ibilbidea errepasatzen zuen olerki-liburu bat publikatuz: "Sexto animal" (Espasa).
Bihotzekoa izan zuenetik, musikariak omenaldi ezberdinak jaso zituen. Ezagutu zutenek bere “onezia, umiltasuna eta konpromisoa” azpimarratu dute.
Autek 75. urte bete zituenean, Sabinak, Serratek, Ana Belek, Silvio Rodriguezek, Jose Mercek edo Miguel Poveda kideek, besteak beste, kontzertu bat antolatu zuten 2018ko abenduan, Madrileko Wizink Centerren, “animo, animalia” lelopean.
Lehenengo pausoak
Luis Eduardo Aute Manilan jaio zen, eta 11 urterekin Madrilera bizitzera joan zen familiarekin. Bertan arkitektura karrerako urte batzuk ikasi zituen.
Kantautorea Marichu Rosadorekin ezkonduta zegoen 1968tik, eta hiru seme-alaba zituen. Musika munduan "Los Tigres", "Los Pekeniques" eta "Los Sonor" taldeetan eman dituen lehenengo urratsak, gitarra jotzen.
Zure interesekoa izan daiteke
Kneecap taldea Bilbora itzuliko da, ekainean
Bilbao BBK Live jaialdiaren iazko edizioan jo eta gero, Belfasteko hirukoteak “Fenian” disko berria aurkeztuko du oraingoan, Santana 27 aretoan, ekainaren 8an.
Pepo Márquez: “Jada ez dago kontsumo kultural kaltegaberik”
“Antineutral” saiakeran, musikari eta musika industriako profesionalak musika lurralde neutrala izan ote daitekeen galdetzen dio bere buruari (spoilerra, ez), eta inbertsio funtsek, joko eremu horretan sartuta, hankaz gora jarri duten industriaren zentzu kulturalean sakontzen du.
Izaro abenduan itzuliko da, disko berriarekin
Mallabiar kantariak “Arkitektura” disko berria kaleratuko duela iragarri du. 2027ko urtarrilean aurkeztuko du lan hori zuzenean, Irunen.
Arriagak ireki eta Fallak itxiko du Musika-Música jaialdia
Bilboko jaialdiaren 25. edizioa Arriagan hasi, eta Euskalduna jauregian egingo da martxoaren 6, 7 eta 8an.
Baga Bigak 20 urte bete ditu, euskal musikagintzaren ikur bilakatuta
Euskal taldeak eta artistak kudeatzeaz arduratzen dira Baga Bigan, eta horien estrategia lantzen dute: kontzertuak, grabazioak... Urteurrena ospatzeko, Baga Bigak kontzertu berezia antolatu du gaur, larunbata, Euskaldunan, beraiekin aritu diren talde eta artista askorekin elkarlanean.
“Rosas” La Oreja de Van Goghen kantuak mila milioi entzunaldiko marka gainditu du Spotifyn
Donostiako taldearen kantua “Let It Be”, “Imagine”, “Knockin’ On Heavens Door” edo “Like a Prayer” baino gehiago entzun da plataforma horretan.
Judith Jaureguik Victoria Eugeniara eraman du "Homeland"
Donostiar piano-jotzaileak bere hiriko antzokian ("oso leku berezia niretzat") aurkeztu du bart disko berria, Griegen pianorako kontzertua eta Manuel de Fallaren "Noches en los Jardines de España" biltzen dituen lana. Errezitaldian, Chopin, Grieg, De Falla, Komitas Vardapet, Villa-Lobos eta Ginasteraren piezak errepasatu zituen Jaureguik. Datorren hilean, Bilbon (martxoak 7 eta 8), Errenterian (martxoak 26) eta Donibane Lohizunen (martxoak 28) joko du.
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamarreck bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.