Idles, iraultza samurraren marruma
Hutsuneek bizi gaituzte. Hats hartzea ahalbidetzen diguten bideak behar ditugu tarteka-marteka, putzu eta putzu artean, agintari urliek "laguntzeko" (gehiago? berriz ere betikook? zertarako?) eskatzen diguten bitartean edo kasuan kasuko zingiratik indartsuago aterako garela (kar-kar) agintzen diguten bakoitzean. Bart, Idlesek adore apur bat eskaini digu itomen kolektibo eta pertsonaletan, Santana 27 Bilboko aretoan eman duen ordu eta erdiko emanaldi suharrean; bada zerbait.
90 minutu zehatzetan, ordutegia zehatz-mehatz betez eta abaila betean (ez da inongo geldialdirik egon, nahiz eta kantuen afinazio ezberdinen kariaz hamaika aldiz aldatu dituzten tresnak), Idlesek hogei bat kantu interpretatu ditu tregoarik gabe.
"Colossus" bere bigarren diskoa irekitzen duen kantuarekin hasi, eta "Rottweiler" lan hori ixten duen kantuarekin bukatu bitartean, bost musikariek lau diskoen errepaso zikliko eta kementsua egin dute, "Brutalism" (2017) eta "Joy as an act of resistance" (2018) bat-batekoagoak eta kanonikoagoak eta "Ultra Mono" (2020) eta "Crawler" (2021) gorabeheratsuagoak eta sakonagoak (soinu lodiagoa dute, sekuentzia eta sintetizadoreei esker).
Jon Beavis bateriaren kolpe ikusgarriek (irmotasun eta erregulartasun erakustaldia, 90 minutuan), Adam Devonshireren baxu sarkorrak, eta Mark Bowenen eta Lee Kiernanen gitarrek apainduta, zeinak lehen bi diskoetan efektiboago aritzen baitira eta azken bi diskoetakoetan disonante, zaratatsuago eta apaingarriago, Joe Talbot kantariak punkaren amorruz eta indarrez, raparen kadentziaz eta fraseatze egokiz ("The Beachland Ballroom", "MTT 420 RR"…) bota ditu bere hitz bizkorgarriak.
Publikoak gogoz parte hartu du lehengoen zaporea hartu duen kontzertuan, punkaren bortizkeriaz baina estilo horren jatorrizko nihilismotik ("no future") urrun dauden leloak kantatuz, ahotan hartuz humanismoz beteriko mezuak, bere buruari garrantzi neurrigabea eman gabe ("zaborra naiz", kantatzen dute "I'm scum"en), baina presazkoa denari dagokion garrantzia emanez botatakoak ("inork hitz egingo balizu zuk zeure buruari hitz egiten diozun bezala, muturrekoa emango nioke. Maitatu zeure burua", esaten dute atzo entzun ahal izan genuen "Television" kantuan). Jauzi eta izerdi artean, hizpide izan dira maskulinitate toxikoa, migrazioa (hunkigarria "Danny Nedelko" oihu betean entzutea), zaurgarritasuna, errukia, zaintza, adikzioak…
Idlesentzat, kontua ez da saihestezintzat saltzen digutenaren abaroan bertan goxo gelditzea, bidea ez da, berebat, nork bere burua ihesbide-aisialdiari soilik eskaintzea, ezpada gauzak elkarrekin aldatu, nork bere burua aldatuta lehenengo.
Idlesek pogoak eta besarkadak proposatu ditu bart, eta baita asmatu ere. Publikoa abegi onez hartu du taldeak bere etxean, hutsegiteak onartzen dituen etxean, "Danke" bere kantuak (lau diskorekin dagoeneko kudeatzen zaila den errepertorioan falta izan da bart, "Samaritans" nire kutuna bezala) agintzen duen eta salmahaian (jendez mukuru, 30 euroko elastikoen eta 45 euroko jertseen prezioak gorabehera) erosgai zegoen jertse batek jasotzen duen bezala. Bart Bilbon behintzat, eurek ez dute huts egin.
Zure interesekoa izan daiteke
Azkena Rock Festival: rock-and-rolla besterik ez, baina atsegin dugu
Ostegunean hasiko da, Gasteizen, euskal rockzaleen urteko hitzordu behinena, kutsu klasikoz, ohi bezala, Alice Cooper, The Adicts, Circle Jerks, Evaristo, Superchunk, Therapy? eta Social Distortionen eskutik berbarako, baina gaur-gaurko taldeekin ere, hala nola Carpenter Brut, Hallas, 70eko oihartzunak gorabehera, Alcalá Norte eta Sleaford Mods.
Peiremans+ taldeak abenduko birako kontzertuetako sarrera guztiak saldu ditu
Gorka Urbizuk, Imanol Ubedak, Marino Goñik eta Txikik osatzen duten taldeak minutu gutxian saldu ditu Biarritzen, Azpeitian, Gasteizen, Iruñean, Donostian eta Bilbon eskainiko dituzten emanaldietarako txartel guztiak.
Honelakoa izango da Juanes, Antonio Orozco, Rigoberta Bandini eta Süneren kontzertua ostiral honetan, Bilbon
Emanaldiak Casilda Iturrizar parkean izango dira ostiralean, ekainak 12, 16:00etatik 22:00etara, eta 23:00etatik 23:30era 1.500 dronek ikuskizuna egingo dute Bilboko zeruan.
Kode: “Mugatuak sentitzen ginen hastapenean genuen rock estiloan”
Kode bikoak “Suntsitu.001” EPa kaleratu du, punk rockaren bizitasuna, elektronikaren espantsioa eta lelo biribilen erakarmena uztartzen dituzten lau kantuko bilduma. Eki Arizaga eta David Lakarra taldekideekin hitz egin dugu.
BOSek 2026-27 denboraldia aurkeztu du, "Basoa" lelopean
17 kontzertu sinfoniko programatu dira, eta 10 ganbera kontzertu. Leire Bilbao poetak testu proposamenak egingo ditu hainbat kontzertutan, Guernica opera berreskuratuko dute, Xabier Anduaga eta Vanessa Goikoetxea arituko dira bi kontzertutan, ET filma zuzeneko musikaz ikusi ahalko da eta Juanjo Mena BOSera itzuliko da bere agurreko denboraldian, 1999tik 2008ra zuzendu zuen orkestrara.
Bilbao BBK Livek urtebetetze festa ospatuko du igandean Kobetamendin
Mendian jardunaldiak musika eta umorea eskainiko ditu hilaren 7an Bilbao BBK Live jaialdia hartzen duen eremuan, Musika Tresna Birziklatuen Cateura Orkestraren, Suakai Philharmonic nafar taldearen eta Grison musikari eta umoristaren eskutik.
Musika Bulegoa Sariek euskal musikaren sormenerako gaitasuna goretsi dute
Biarritzen egindako ekitaldi batean, sektoreko elkarteak Olaia Inziarte, Jon Sáenz, Maite Ruiz de Erentxun, Sara Zozaya, Maite Larburu, Izaki Gardenak, Ezezez, Ødei, Fermin Muguruza, Javier Corral “Jerry” eta Xabi Aburruzaga saritu ditu.
'Otsaila', Eñaut Elorrietaren abesti berriaren bideoklipa
Milaka lagunek gozatu dute BECen El Ultimo de la Fila taldearen kontzertuan
Manolo Garcia buru duen taldeak bere abestirik ezagunenak eskaini ditu emozioz betetako hitzordu honetan, nostalgia protagonista nagusi zelarik.
Laja trikitilariaren saioak diskora ekarri dituzte
"Laja. Ordu txikitako saioak" lan bikoitzean, Iñaki Garmendia "Laja" 2019an zendu zen azkoitiar musikariaren etxeko grabazioak diskora ekarri ditu Elkar argitaletxeak, Anjel Valdesek doinuok sailkatu eta gero.