Agur, Hertzainak!
1981eko Urtezahar egunean jo zuen lehen akordea jendaurrean Hertzainak taldeak, eta aurki joko du azkena: urtarrilaren 6an, Gasteizen, Mendizabalan paratuko duten karpa batean. Egun horretan eskainiko du taldeak "Azkena gure alde!" agur bira laburreko eta bere ibilbideko azken kontzertua, dena hasi zen hirian bertan.
Lehenago, gaur-biharretan, baina, BECen (eta ostiralean, ETB2n eta eitb.eus-en ere, zuzenean) ikusi ahalko dugu taldea zita bikoitzean, hilaren 16 eta 17an, agertokian direla Josu Zabala taldearen sortzaile eta konposatzaile nagusia, Luis Javier Saiz Txanpi hastapenetik danborrak astindu zituen bateria-jotzailea eta Gari, Iñaki Garitaonaindia, 1983an Xabier Montoia jatorrizko abeslariaren tokia hartu zuenetik 1993an utzi zutenera arte eta gerora taldearen izaeraren zutabe handia izan dena.
Bi kontzertu horien artekoak ez dira artikulu batean sartzen. Taldeak estudioko bost disko luze eta hainbat EP eta single grabatu zituen 1993an desegin aurretik. The Clashen eragina erakusten zuen punk soinutik eta skatik, rockera eta popera egin zuten beren kantuek, eta euskal musikaren historian toki nabarmena zuten aleak utzi zituen: "Ta zer ez da berdin", "Pakean utzi arte", "Hil ezazu aita", "564"… Euskal popa eta rocka ez ziratekeen berdin izango Hertzainak gabe.
"Aitormena" da, agian, nolanahi den, Hertzainaken memoria baldintzatu duen kantua, onerako edo txarrerako. Maxi single batean argitaratu zuten lehenengoz, 1989an, bi bertsiotan: pop rock formatu klasikoan, baxu, gitarra eta bateriak lagunduta, eta Bingen Mendizabalek hari laukotearentzat egindako moldaketa.
1992an, nekea zen nagusi taldekideengan, eta taldearen ibilbidea amaitutzat ematea erabaki zuten. "Euskal merkatuaren txikitasuna eta kanpora ateratzeko zailtasunak" aipatu zituzten arrazoi gisa, eta Josu Zabala taldearen konpositore nagusiaren ahotan "gurea gora egiterik ez izatera kondenaturik dagoen istorioa da".
1993ko urtarrilaren 24an eman zuen "lehenengo azken kontzertua" Hertzainakek. 25 urte geroago, 2018an, ere berpiztu zuten taldea Josu Zabalak eta Garik, Euskalduna jauregian eta Kafe Antzokian bi kontzertu emateko.
Hertzainaken "91.01.19" kontzertu osoa
Orain, BECen eta Gasteizen, "hirugarren eta atzen azken kontzertuak" emango ditu taldeak, sortu zuteneko 40. urteurrenean. Euskal herri musikaren historian toki nabarmena dute, herritarren maitasuna jaso dute bueltan, eta ia 50.000 lagun batuko dituzte hiru kontzertutan, sortu eta lau hamarkadatara. Ez da ahuntzaren gauerdiko eztula, "gora egiterik ez izatera kondenaturik" ei zegoen taldearentzat.
Dantzan bukatzea baino amaiera hoberik ez da.
Albiste gehiago musika
ETS taldearen 20 urteak: Arabako Ekora herritik Madrileraino
Larunbat honetan, omenaldia egin diote ETSri, Ekora bere jaioterrian, taldearen 20 urteko ibilbidea ospatzeko. Hori aitzakia hartuta, Iñigo Etxezarreta buru duen taldearekin bildu gara, 60 abestik eta 500 emanaldi baino gehiagok osatutako ibilbidea gogoratzeko.
Hasi da Donostiako Musika Hamabostaldia, estreinaldiz eta izen handiz beteriko edizio historiko batekin
Donostiako jaialdiaren 86. edizioa abuztuaren 1ean inauguratu da, "Requiem (s)" baletarekin, eta lehen aldiz izango dira Parisko Operako eta Leipzigeko Gewandhausorchesterreko orkestrak.
Donostiako Jazzaldiak "arrakasta handiarekin" eta "sasoi betean" itxi du bere 60. edizioa
Miguel Martinen azken edizioa izan da, zuzendari gisa, baina Donostiako jaialdiaren "zerbitzura" lanean jarraituko du. Martinek ordainpeko 17 kontzertutan harmailak lepo bete direla nabarmendu du, eta gainerakoetan ia beteta egon direla. Doako 52 kontzertuek 158.700 pertsona batu dituzte, eta ordainpekoek, berriz, 20.480.
Jimmie Vaughan blues rockaren izen handia, IV. Bilbao Blues Festival Saria
Jaialdiko txapela jaso du larunbat honetan Vaughanek (Texas, 1951), eta, ondoren, kontzertua eskaini du, Estatuko bakarra. 1976an The Fabulous Thunderbirds talde mitikoa sortu zuen Vaughanek eta, 1989an taldea utzi ondoren, bakarlari gisa aritu zen. Guztira, lau Grammy irabazi ditu.
Bulego taldeak Jazzaldiko publikoa bereganatu du
Donostiako jazz jaialdiaren barruan, energiaz beteriko zuzenekoa eskaini du bart Azkoitiko taldeak Zurriola hondartzan, familiaz eta gaztez osatutako publikoaren aurrean.
Dee Dee Bridgewaterrek, jazzaren izar handiak, Donostiako Jazzaldia saria jaso du
Menphiseko abeslari handiaren lau hamarkada baino gehiagoko ibilibidea saritu nahi izan dute. Bridgewater Donostiako Jazzaldiaren oholtza gainean zuzenean aritu da ostiral honetan. Golardoa jasotzean, "emakume guztien eta bereziki emakume beltzen" alde egindako lana aldarrikatu du.
Latzen taldea oholtza gainean da berriro, 17 urteren ondotik
Egunotan Lakuntzan ospatzen ari diren Hatortxu Rock jaialdiaren azken edizioan agertu da berriro Oñatiko heavy taldea. Bi maketa eta bi diskoren ostean, 1999. urtean banandu ziren. 2007an, laukoteak itzulera bira bat egin zuen, "Hellmuga" diskoan jasoa gelditu zena.
Mississippi Queen & The Wet Dogs bilbotarrek hasiera eman diote Bilbao Blues Festival jaialdiari
Igandera arte, Bilbo bluesaren munduko hiriburua izango da, eta bertan ez da legendarik eta ezustekorik faltako. Ostiral honetan Mississippi Queen & The Wet Dogs, The Kings of Blues eta Blackburn Brothers taldeen txanda izan da.
Jamie Cullumek festa handia bihurtu du Zurriola hondartzako kontzertua
Zurriolako hondartza agertoki bikaina izan da, beste behin, Jamie Cullum britaniar artista entzutetsua hartzeko. Cullum Donostiara itzuli da bostgarren aldiz, jazz, pop eta swing estiloak nahasten dituen errepertorio berriarekin.
The Beach Boys talde kaliforniarrak debuta egin du Donostiako Jazzaldian
Estreinakoz Donostiako jazzaldian, taldearen hainbat garaitako kanta ezagunak jo dituzte. Kaliforniakoen kantak belaunaldien himno bihurtu dira: gaztaroko maitasuna, surfaren kultura eta baikortasuna islatzen duten abestiak.