Abian da Musika Hamabostaldia eta Rotterdamgo Orkestra Filarmonikoak irekiko du Kursaaleko kontzertuen zikloa
Gaur abiatu da Donostiako Musika Hamabostaldiaren 84. edizioa, eta eguneko hitzordu nagusietako bat Rotterdamgo Orkestra Filarmonikoak eskainiko duen kontzertua izango da. Hain zuzen ere, ikuskizun horrek irekiko du Kursaal auditorioko kontzertuen zikloa, 20:00etatik aurrera. Biharamunean ere arituko da Kursaalen, Beethovenen 9. sinfonia eskaintzeko, hain zuzen ere.
Lehendabiziko egun honetan, doako lau kontzertuz gozatu ahalko da: Anacronia Ensemble (12:00etan, Udalbatza aretoan), Nacho Castellanos & Gato Murr (18:00etan, Udalbatza aretoan), Kresala dantza taldea (19:00etan, udaletxeko terrazan) eta Vocalia taldea (20:30ean, San Bizente elizan).
Gainera, Hamabostaldi Solidarioa ekimenaren barruan, Julia Blasco sopranoak eta Luken Munguira tenorrak emanaldia eskainiko dute Aldakonea adinekoen egoitzan. Suzana Nadejde sopranoa, bere aldetik, Zorroaga adinekoen egoitzan arituko da.
Bestalde, Ana Belen Garcia eta Thierry Biscary bikoak abiatuko dute organo zikloa, 20:00etan, Debako Santa Maria elizan.
Kontzertu gehiago
Besteak beste, Mahlerren 8. sinfonia entzun ahalko da abuztuaren 3tik irailaren 1era egingo den jaialdian, agertoki gainean 400 musikari direla, baita Stravinskyren "Oedipus Rex" oratorio erdi-eszenaratua ere, jaialdiak berak ekoitzia.
Kursaal Auditorioko agertoki horretara, dantza itzuliko da Hamabostaldian: Ballet Preljocaj konpainiak "Beltxargen aintzira" aurkeztuko du abuztuaren 7an.
Abuztuaren 16an, Grigory Sokolov pianistak errezital bat emango du, eta, abuztuaren 18an, Mahlerren 8. sinfonia joko dute 400 bat pertsonak: Euskadiko Orkestra eta Nafarroako Orkestra Sinfonikoa, Donostiako Orfeoia, Iruñeko Orfeoia, Easo Eskolania eta Easo Gazte Abesbatza, Sarah Wegener, Mojca Erdmann eta Miren Urbieta-Vega sopranoak, Justina Gringyte mezzosopranoa, Claudia Huckle kontraltoa, AJ Glueckert tenorra, José Antonio López baritonoa eta Mikhail Petrenko baxua.
Abuztuaren 20an, Mitsuko Uchida itzuliko da Kursaalera, Jonathan Bissekin lau eskutara jotzeko.
Jaialdiaren azken txanpan, Anne-Sophie Mutter arituko da berriro Kursaalen, Mutter's Virtuosi kamera taldearekin (abuztuak 26), eta Bremengo Ganbera Filarmonikoak itxiko du Kursaal Auditorioko kontzertuen zikloa.
Victoria Eugenia Antzokiak ikuskizun bakarra hartuko du aurten: Enrike Solinisek sortu eta zuzentzen duen Euskal Barrok Ensemble taldeak "El amor brujo: esencias de la música de Manuel de Falla" ikuskizuna eszenaratuko du.
Albiste gehiago musika
Gipuzkoako Aldundiak Lourdes Iriondo abeslariari emango dio 2025eko Urrezko Domina
Sariaren helburua "Lourdes Iriondok euskararen eta euskal kulturaren biziberritzean garatu zuen lan zabal eta berritzailea gaur egunera ekartzea eta justizia egitea da, bere ondareak lurraldeko historian merezi duen lekua izan dezan".
Estrella Morente, bart Getxon
Granadar kantariak kontzertua eskaini du bart Muxikebarri Getxoko aretoan, Getxo Folk jaialdiaren bigarren gauean. Igandean, Benito Lertxundi omenduko dute espazio berean.
Zetak taldeak Bilbon eskainiko duen bigarren ikuskizunerako sarrerak, agortzear
70.000 sarrera inguru saldu dituzte nafarrek bi egunean. Ekainaren 20ko emanaldikoak berehala agortu ziren, eta 19koak, agortzeko bidean dira.
Xabier Zeberio & Andrés Isasi Musika Eskolako Orkestra, Getxo Folk irekitzen
Xabier Zeberioren zuzendaritzapean, orkestrak jazza, euskal herri musika eta inprobisazioa uztartu ditu Bizkaiko jaialdiaren lehen egunean, "Pause" proiektuko kantuetan.
Zetak taldeak San Mameseko kontzerturako sarrera guztiak saldu ditu, eta bezperan ere joko du
Pello Reparaz buru duen taldeak Mitoaroa III ikuskizun distopikoa taularatuko du ekainaren 19an eta 20an Bilboko estadioan. Bihar, ostegunarekin, jarriko dira ekainaren 19rako sarrerak.
Pello Reparaz: "Jendea epel ez gelditzea zen asmoa, eta lortu dugu"
"Egun On" ETBko saioak elkarrizketa egin dio Pello Reparazi, Zetak-ek "Mitoaroa II" kontzertu errenkada amaitu eta biharamunean. Ekainaren 20an San Mamesen egingo duten ikuskizunari buruz ere hitz egin digu.
-1:eitb-banner?$eitb-banner$&fmt=png-alpha&qlt=80)
Rick Davies Supertrampeko abeslari eta konpositorea zendu da
Britainiar musikariak mieloma zuen duela hamar urtetik, eta 81 urte zituela hil da.
Lady Gaga, Mariah Carey, Sabrina Carpenter eta Ariana Grande, MTV Video Music Awardseko izar distiratsuenak
Ariana Grande pop abeslariak irabazi du MTV Video Music Awards sarietako sari nagusia, eta Lady Gagak eta Sabrina Carpenterrek jaso dituzte ohore handienak New Yorken, jarraitzaileen gogokoenen izarrez beteriko ospakizunean. Grandek urteko bideo onenaren saria irabazi du Brighter Days Ahead lanagatik, eta, ondorioz, jarraitzaileek bozkatutako sarietan gaueko saririk handiena jaso du. Mariah Careyk ibilbidearen saria jaso du, eta bideoklipak egitea zein dibertigarria den azaldu du.
Pello Reparaz: “2084an kokatuko da ‘Mitoaroa III’ ikuskizuna”
Zetak taldeak 2026ko ekainaren 20an eskainiko du San Mames futbol zelaian George Orwellen 1984 obran oinarritutako Mitoaroa III ikuskizuna, 2084an kokatuko den etorkizun distopikoa. “Apustuak, arriskua eta gauza ezberdinak bizitzeko aukera bat da Zetak”, nabarmendu du Reparazek, eta historia egiteko gogoz agertu da.
'Mitoaroa III' ikuskizuna San Mames futbol-zelaira iritsiko da 2026ko ekainaren 20an
Zetak taldeak Bilbo aukeratu du bere ikuskizun arrakastatsuaren hirugarren zatirako, Bizkaia euskal kulturaren erdigunean kokatuz.