Euriak ez du itzali Anoetako "akelarre antifaxista"
Fermin Muguruzak eta bere bandak 30.000 lagun bildu dituzte Anoetan, euren "akelarre antifaxistan". Euriak ezin izan du Anoeta estadioan bildu den jendetzaren animoak eten, ezta Palestinaren aldeko aldarri solidarioak. Horrekin batera, abeslariak beste kontzertu bat iragarri du abuztuaren 14rako, Irunen.
Muguruzaren kontzertu guztiak bezala, honako ere ez da izan soilik irungo abeslariaren 40 urteko ibilbidearen ospakizuna, baizik eta askatasunaren eta euskal musikaren aldeko ikuskizuna. Ohikoa denez, adierazpen politikoak eta bertaratutakoen adiskidetasuna izan dira gaueko indarguneetako bat, Europako eskuin muturreko uholde gero eta handiagoari aurre eginez. Izan ere, faxismoaren, kolonialismoaren, arrazakeriaren, kapitalismoaren, matxismoaren eta homofobiaren aurkako beste errezital erraldoi bat izan da Anoetakoa.
Bertaratutakoek hiru ordu eta erdiko kontzertuaz gozatu dute, 38 abestiz osatutakoa. Muguruzak arreta handiz aukeratutako abestien nahasketa eskaini zion publikoari, garai eta fase musikal guztietako konposizioak entzun ahal izateko. Irundarrak adierazi zuen moduan "ekoitzitako disko bakoitzeko abesti bat, gutxienez": Kortaturen Sarri, Sarritik, Korrikako Big Beñat abestira. Kolaborazioak ere izan zituen kontzertuak; Bad Sound System, Xabi Solano eta Gorka Urbizu, besteak beste.
Hurrengo geltokia: Irun
Bien bitartean, Fermin Muguruzak beste "akelarre antifaxista" bat iragarri zuen, oraingoan bere jaioterrian, Irunen. Abeslariak iragarri eta Udalak igande honetan baieztatu bezala, abuztuaren 14an kontzertu berezia izango dute irundarrek.
Horrenbestez, Muguruza bere hirian izango da bere ibilbidearen 40. urteurreneko biran.
"Palestina askatu!"
Gaueko aldarrikapen berezienetako bat palestinarra izan zen. Nahiz eta ez ustekoan harrapatu ez, aldarriak harmailak koloreztatu zituen, bandera gorri, beltz, zuri eta berde palestinarrez betez.
Euripean, milaka lagunek elkartasuna erakutsi zioten Palestinari, Irungo musikariaren kontzertuaren atarian.
Zure interesekoa izan daiteke
Olaia Inziartek "Zerrautsa" diskoa aurkeztu du Bilbao Basque Festen
Olaia Inziarte abeslariak Zerrautsa izeneko bere bigarren diskoa aurkeztu du Bilbao Basque Fest jaialdian. “Zerrautsa” bere barrura egindako bidaia bat da, ahultasunari eta emozioei tartea eginez.
Lan Eskaintza Publikoa egingo da, Donostiako Jazzaldiaren zuzendari berria hautatzeko
Lanpostua aldi baterako betetzeko hautaketa prozesuak ez du emaitzarik eman, bi hautagaik uko egin baitiote lanpostua aldi baterako betetzeari. LEP bidez, behin betiko beteko da postua orain.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
"Agur esan barik" dokumentala aurrestreinatuko du Gatibuk
Gatiburen ibilbideko azken urtean filmatutako lanak taldearen bideari begiratzen dio, Jabi Elortegi zuzendariaren ikuspegitik. Gaur aurrestreina egingo dute Bilbon, eta irailetik aurrera egongo da ikusgai, zinema jaialdietan eta Primeran plataforman.
Juan Diego Flórez, Sokolov eta Juanjo Mena, Donostiako Musika Hamabostaldian
Perutar tenorrak irekiko du jaialdia, abuztuaren 2an, Italiako eta Frantziako opera, zarzuela eta musika hegoamerikarreko piezekin eraikitako programa batean, pianistak Beethoven eta Schuberten obrak interpretatuko ditu eta gasteiztar maisuak "Arriaga harrigarria" kontzertua zuzenduko du.
Sun Ra Arkestra eta Snarky Puppy, Gasteizko jazz jaialdiko kontzertu nagusiak ixteko
Ruben Blades, Gretchen Parlato, Take 6, The Bad Plus, Irene Reigen laukotea eta Magali Sare eta Manel Fortiá bikotea arituko dira Mendizorrotzan. Sarrerak bihar, hilak 27, jarriko dituzte salgai.
Pablo Martín Caminero, Merina Gris eta “Xorieri” Izaroren kantua saritu dituzte MIN sarietan
Carlos Aresek eta Valeria Castrok hiruna sari eraman dituzte musika independentearen Espainiako sarietan; Al cantek jazz álbum onenaren saria eraman du, Zuloak euskarazko disko onenarena eta Izaroren eta Baiucaren arteko lankidetzaren emaitzak ekoizpen onenaren saria, Alejandro Guillanen lanari esker.
Gernikako “lekuek”, musikaz gainezka martxoaren 25etik 29ra
Lekuek festibalak hamaika kontzertu, aurkezpenak, dokumentalak, ikastaroak, DJ saioak eta kale ekimena proposatuko ditu bost egunez: Mourn, Olaia Inziarte, Xiberoots, Guadalupe Plata, Janus Lester…
Sigur Rós talde islandiarrak Bilbon joko du irailaren 15ean
Emanaldia Euskalduna Jauregian izango da, Bilbao Orkestra Sinfonikoarekin batera. Kontzertua Robert Ames zuzendariarekin eta tokian tokiko orkestrekin egiten ari diren biraren parte da.