Kobetamendik 60 herrialdetako 100.000 musikazaletik gora hartuko ditu Bilbao BBK Live jaialdian
Alfonso Santiago Last Tourren zuzendariak azaldu duenez, Pulp, Kylie Minogue, Raye eta Bad Gyal buru dituen kartelak "geruza asko" ditu, "generoarekin, gizarte- eta hizkuntza-sentsibilitatearekin zerikusia dutenak".
60 herrialdetako 100.000 lagun baino gehiago etorriko dira Bilbao BBK Live jaialdira asteburu honetan, uztailaren 10etik 12ra, ehun bat musikari ikustera. Last Tour antolatzaileak iragarritako kartela azken orduko aldaketarik gabe gozatu ahal izango dute.
Alfonso Santiago enpresaren zuzendariak eta Kontxi Claver Bilboko Ekonomiaren Garapen, Merkataritza, Turismo eta Enplegu zinegotziak jaialdiaren antolakuntzari buruzko xehetasunak eman dituzte. Kobetamendin (Bilbo) egingo da, urtero legez, eta 800 eta 1.000 langile artean hartuko dute parte.
Udal ordezkariaren ustez, Bilbao BBK Live "bisitarien mugiarazle garrantzitsua da, Bilboko musika- eta kultura-industrian parte hartzen du, baina beste zerbitzu batzuk ere mugitzen ditu", eta Bilbon "eragin ekonomiko handia" du eta "lanpostu asko" sortzen du.
Ehun artista, hamaika geruza
Jaialdiko protagonista nagusiak Kylie Minogue, Pulp, Kaytranada, Damiano David, Bad Gyal, Raye, Carolina Durante, Nathy Peluso, Michael Kiwanuka, Ca7riel eta Paco Amoroso izango dira.
Santiagoren arabera, kartelak "geruza asko ditu, generoarekin, gizarte- eta hizkuntza-sentsibilitatearekin zerikusia dutenak". Last Tourrek azpimarratu du % 10 tokiko taldeak direla.
Santiagoren ahotan, Pulp taldearen atzetik ia bi hamarkada daramatzate, eta Kylie Minogue ekartzea 7-8 urteko lana izan da. "Hori horrela da taldeek egutegi bat dutelako, edo biratan ibiltzeari uzten diotelako, edo beste leku batean daudelako. Askotan hainbat urte eman behar dira eskaintzak egiten", azaldu du.
Musika
"Harritzen zaituen eta etxera eramango duzun hori aurkitzeko daude jaialdiak"
Kobetamendi prest dago ostegun, ostiral eta larunbatean Bilbao BBK Live jaialdiaren hemeretzigarren edizioa hartzeko. Alfonso Santiago jaialdiaren zuzendariak berorren hainbat alderdi aletu dizkigu. (jatorrizko adierazpenak, gaztelaniaz)
Sarrerak 60 herrialdetan baino gehiagotan saldu badira ere, ikusleen % 15-18 Madrildik etorriko dira, eta beste asko, Bartzelonatik. Era berean, bertako publiko-kopurua hazi egin da.
1.100 langile, zuzenean kontratatuta
Bestalde, antolakuntzari dagokionez, Santiagok zehaztu du 1.100 pertsona daudela kontratatuta zuzenean, horietatik % 80 euskal herritarrak, eta "2.500 pertsonak zeharka egiten dute lan" jaialdian. Iazko festibalaren eragin ekonomikoa 24 milioi eurokoa izan zen, Last Tourren datuen arabera, eta kopuru hori "iraunkor" mantentzen da.
Duela bi urtetik hona, Bilbao BBK Livek soinu, bideo eta argiztapen sistema ezohikoa erabiltzen du Europan. Agertokiaren aurrean kokatutako dorre batetik lan egin beharrean, kontrolak beste leku batean daude jarrita. "Konplexuagoa da arlo teknikoan, baina erabiltzailearen esperientzia nabarmen hobetzen du", azaldu du Santiagok. Azpimarratu duenez, "hilabete dezente" behar izan dira taldeak konbentzitzeko, baina "orain sistema barneratuta dute".
Publikoak dagoeneko eskura ditzake eskumuturrekoak, BBK aretoan (astearteko 20:00ak arte), San Mamesen eta Barakaldoko BECen (asteazkenetik aurrera, 10:00etatik 2:00etara).
Autobusak egongo dira, debalde, Ansioko metro geltokitik (Barakaldo) eta San Mames inguruan. Gainera, 3,5 euroko prezioan, aurrez eskatutako autobus-zerbitzua dago erabilgarri, igoerarako soilik. Erreserbak jaialdiaren webgunearen bidez egin daitezke.
Musikari buruzko albiste gehiago
La Oreja de Van Gogh taldeak zurrumurruak zokoratu ditu: Amaia Montero itzuli egingo da
Taldeak ofizialki baieztatu du Amaia Montero itzuli egingo dela, Leire Martinez irten eta urtebetera. Gainera, jakinarazi dute Pablo Benegasek taldea utziko duela, oraingoz.
La Oreja bueltan da... Amaiarekin?
Urtebete sare sozialetan argitalpenik gabe egon ostean, talde donostiarrak irudi zuri bat argitaratu du, eta Instagrameko profilaren biografian esaldi hau irakur daiteke: "Elkarrekin bakarrik du zentzua". Gainera, duela urtebete Leire Martinezen martxa iragartzeko argitaratutako komunikatua ezabatu dute.
La Oreja de Van Goghek jarraitzaileak aztoratu ditu sare sozialetako azken argitalpenarekin
Leire Martinezen agurra iragarri eta urte oso bat sareetan ia ezer argitaratua gabe egon ondoren, talde donostiarrak irudi zuri bat argitaratu du gaur arratsaldean.
Fermin Muguruza: "Bira garrantzisua izan da ikusteko non nengoen, non egon naizen eta non nago orain"
Fermin Muguruzak birako azken kontzertua eskainiko du bihar, Iruñean. Berezia izango dela dio musikariak; izan ere, familia eta ezagunak izango ditu bertan. Muguruzak errepasoa egin du azken bira honek utzitako momenturik goxoenak azalduz; horien artean, Madrilgo kontzertua eta birak utzitako irakaspenak.
Taylor Swiftek 'The Life of a Showgirl' estreinatu du eta poparen erreginaren tronuari eutsi nahi dio
'The Life of a Showgirl' lanak pop zirraragarria, antzerkigintza eta eszenatokien gainean eman dituen ia bi hamarkaden errepasoa uztartzen ditu. Artista bere musikaren inoiz baino jabeago ageri da.
Sarako leizeak, ozenki marrumaka
Urriaren 4an eta 5ean, Marrumaka jaialdia egingo dute Sarako leizeen arkupetan; Gorka Urbizuk, Ibil Bedik, Kaskezurrek, Ezezezek eta Lumik joko dute, bestek beste.
Euskal Herriko musika sektorearen topagune profesionala, Tabakaleran
Gaur hasi eta bihar, asteazkenarekin, bukatuko da Must + Pro, “musikaren profesionalek elkarren esperientzien berri izateko, sektorearen erronkei buruz hausnartzeko eta lotura berriak sortzeko ekitaldia".
Euskadiko Orkestrak Berlioz eta Ravelen lanekin abiatuko du denboraldi sinfoniko berria
Irailaren 29an Gasteizko Jesus Guridi kontserbatorioan joko dute, irailaren 30ean eta urriaren 1ean Kursaalen, urriaren 3an Baluarten eta urriaren 4an Euskaldunan.
Kneecap taldeko abeslariaren aurkako "terrorismo" salaketa bertan behera utzi dute
Taldeko managerrak pozik hartu du erabakia, eta honakoa esan du: "Kneecap historiaren alde egokian dago; Erresuma Batua, ez".
Etzakit taldea agertokietara itzuliko da: 'Lauak berriro elkartzea polita iruditzen zitzaigun'
Lehen kontzertua eman eta zehatz-mehatz 31 urtera –taldearen lehen emanaldia 1995eko Errege bezperan izan zen–, Etzakit hernaniar triki pop taldea agertokira itzuliko da, 2026ko urtarrilaren 5ean, Oialume dantzalekuan, “etxean”. Xabier Solano (trikitia eta ahotsa), Jon Mari Beasain (gitarra), Aitor Zabaleta (baxua) eta Ander Barrenetxea (bateria) batera oholtzaratuko dira berriz, 2003an taldearen ibilbidea amaitutzat eman eta gero, Etzakit (Elkar, 1998) eta Goiz edo noiz? (Elkar, 2000) diskoetan bildu zituzten kantuak berreskuratzeko.