Rayeren, Amaiaren, Bad Gyalen eta Kneecapen gaua, Bilbao BBK Liveko bigarrena
Jaialdiaren erdibidean, Belfasteko rap hirukotea eta Bad Gyal, Raye, Amaia, Jessica Pratt eta Amyl and The Sniffers igoko dira oholtzara, besteak beste. Xsakarak eta Sal del Cochek ere joko dute Kobetamendin.
:eitb-banner?$eitb-banner$&fmt=webp-alpha&qlt=80 "Kneecap irlandar hirukoteak 20:00etan joko du Kobetamendin")
Lehenengo gaua joanda, bakarlarien festa aurkezten du batik bat Bilbao BBK Live jaialdiaren bigarren gaualdiko kartelak. Musikagintzaren egungo egoeraren ispilu, bi talde, bi biko, bakarlari baten eta talde baten arteko batuketa eta hamahiru bakarlari arituko dira lau oholtza nagusietan, ostiral honetan.
Kolektibismoaren gainbehera, teknologiaren garapena, lokalak alokatzeko prezio garestiak, rockaren ohiko formatuaren apaltzea… Merezi du horren arrazoietan sakontzea, baina hurrengo baterako utzi beharko dugu. Egia dena da geurean ere argi ikusten dela joera hori, gero eta argiago; Gorka Urbizu, Izaro, Hofe, Olatz Salvador, Odei eta Fermin Muguruza daude egun, behinola Berri Txarrak, Ken Zazpi, Vendetta, Skakeitan, 2zio eta Negu Gorriak zeuden tokian.
Formatua gorabehera, nolanahi den, energia –nola Kneecapen jario indartsuan hala Amyl and The Sniffersen punk azkarrean– eta dotorezia –Amaia, Raye, Sofie Royer eta Jessica Pratten melodiazaletasuna, berbarako– uztartuko dira gaur gauean Kobetan. Gainera, Xsakara eta Sal del Coche bizkaitarrek irekiko dute egitaraua, Nagusia eta Johnnie Walker oholtzetan.
Bad Gyal, Raye, Kneecap, Amaia, Polo & Pan, Rusowsky eta Baiuca izango dira egungo kartelburuak. Raye britainiarrak, esaterako, soul eta dance estiloak uztartzen ditu, My 21st Century Blues diskoan erakutsi duenez: hitz goibelak eta doinu biziak. Haren ondoren, Bad Gyalek Nagusia oholtzako publikoa dantzan jarriko du, “Da Me” hita estreinatu eta gutxira. Kataluniar artistak bigarrenez joko du Kobetamendin; izan ere, bere ibilbidearen hastapenetan, 2018an, ikusi genuen estreinakoz Bilbao BBK Liveko karpan.
Iluntzean, ikus-entzuleek punk-rockaren, rap engaiatuaren eta poparen artean aukeratzeko parada izango dute Amyl and the Sniffers, Kneecap, Sofie Royer eta Amaiaren kontzertuetan.
Kneecap azken orduan batu zaio jaialdiaren kartelari. Galeseko jaialdiko karteletik kanpo utzi dituzte antolatzaileek, Palestinako sarraskiaren kontrako beren mezu irmoak Erresuma Batuan hautsak harrotu eta gero, eta horregatik bertaratu ahal izango dira Kobetamendira.
Afalostean, Rusowsky madrildar artistak kaleratu berri duen DAISY diskoa aurkeztuko du Repsol agertokian, 23:30ean. Gero, Polo & Panen elektronika tropikalak San Miguel oholtza hartuko du, eta Abhir musikari urbanoak karpa beteko du, ordu berean (00:35).
Baiuca galiziar musikariak itxiko du Repsol agertokia, 01:45ean, folklorea eta elektronika garaikidea uztartzen dituen zuzeneko showarekin. Parrandazaleenek bi aukera izango dituzte gaua bukatzeko: technoaren fanek Orbital bikoaren zuzenekoa izango dute San Miguelen, eta erritmo urbanoak funk, drum and bass, UK garage eta reggaetoiarekin uztartuko dituen Jugo3000 jaia (Drumme, Kinara eta Nusar3000 DJen eskutik).
Zure interesekoa izan daiteke
Pello Reparazek hiru kantu abestu ditu kalean, Bilbon,"Mitoaroa III" ikuskizunaren aurkezpenean
Zetak taldeko abeslariak Begi beltz, Hileta kantu nafarra eta Itzulera kantuak abestu ditu Bilbon, kalean.
“Mitoaroa III” ikuskizun “futurista eta aldarrikatzailea” izango da
Zetak taldeak agerraldia egin du gaur Bilbon, ekainaren 19an eta 20an San Mamesen zabalduko duen ikuskizunaren zertzelada batzuk aletzeko.
Zetakek Bilbo erdialdera eraman du "Mitoaroa III"
Mitoaroa III unibertsoko figurak Bilboko Kale Nagusira agertu dira, Zetak taldeak San Mamesen ekainaren 19an eta 20an egingo duen ikuskizunaren lagintxo bat erakusteko.
Live Nationek eta Ticketmasterrek kontzertuen merkatuan monopolioa ezarri dutela ebatzi du AEBko epaimahai batek
Bost astez epaiketa gidatu duen epaileak enpresek zer zigor jasoko duten zehaztu beharko du orain: isunak, kalte ordainak edo negozio eredua aldatzeko eginbideak. Live Nationek adierazi du “handia eta arrakastatsua izatea” ez dela legez kanpokoa.
Xabier Anduagak “Werther” Masseneten opera egingo du Bartzelonan
Maiatzaren 2tik 17ra taularatuko du donostiar tenorrak Goetheren eleberrian oinarritutako opera. Lehenago, apirilaren 19an, gala liriko bat egingo du Liceun bertan, Pretty Yende hegoafrikar sopranoarekin batera. Gainera, Talia Arte Eszenikoen Espainiako Akademiaren sarietarako izendatuta dago Anduaga, lirikako gizonezko interprete onenaren atalean, La sonnambula operan egindako lanagatik.
Pantxoa eta Peio bikoak azken bira bat egingo du agur kontzertuen aurretik
2027ko urtarrilaren 9 eta 10ean BECen azken kontzertuak egin aurretik, bikote historikoak bost kontzertu eskainiko ditu Santutxu Bilboko auzoan (maiatzaren 9an), Baluarte Iruñeko jauregian (maiatzaren 24an), Lesakan (irailaren 5ean), Bergaran (irailaren 16an) eta Lauga Baionako kiroldegian (abenduaren 11n). Sarrerak astelehenean (apirilaren 13an) jarriko dituzte salgai.
BOSek Euskaldunara eramango du Kobetamendi
Ostiralean, apirilak 10, Bilbao Orkestra Sinfonikoak Bilbao BBK Live jaialdian jo duten hainbat talde eta musikariren kantuen bertsio sinfoniko berriak interpretatuko ditu, Euskaldunan. Talde eta artista hauen abestiak prestatu dituzte: The Cure, Depeche Mode, Arcade Fire, Pulp, Radiohead, The Strokes, Florence + The Machine, Muse, R.E.M., Guns N’ Roses, Coldplay eta Rosalía, besteak beste.
Olaia Inziartek "Zerrautsa" diskoa aurkeztu du Bilbao Basque Festen
Olaia Inziarte abeslariak Zerrautsa izeneko bere bigarren diskoa aurkeztu du Bilbao Basque Fest jaialdian. “Zerrautsa” bere barrura egindako bidaia bat da, ahultasunari eta emozioei tartea eginez.
Lan Eskaintza Publikoa egingo da, Donostiako Jazzaldiaren zuzendari berria hautatzeko
Lanpostua aldi baterako betetzeko hautaketa prozesuak ez du emaitzarik eman, bi hautagaik uko egin baitiote lanpostua aldi baterako betetzeari. LEP bidez, behin betiko beteko da postua orain.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.