Donostiako Jazzaldiak "arrakasta handiarekin" eta "sasoi betean" itxi du bere 60. edizioa
Miguel Martinen azken edizioa izan da, zuzendari gisa, baina Donostiako jaialdiaren "zerbitzura" lanean jarraituko du. Martinek ordainpeko 17 kontzertutan harmailak lepo bete direla nabarmendu du, eta gainerakoetan ia beteta egon direla. Doako 52 kontzertuek 158.700 pertsona batu dituzte, eta ordainpekoek, berriz, 20.480.
Miguel Martin, Donostiako Jazzaldiaren zuzendaria. Argazkia: EFE
Jazzaldiak "arrakasta handiarekin" itxi du bere 60. edizioa, eta horrek erakusten du "sasoi betean" dagoela eta Europako jazz hitzordu "garrantzitsu eta sendoenetakoa" dela. Miguel Martinen azken edizioa izan da, zuzendari gisa, baina Donostiako jaialdiaren "zerbitzura" lanean jarraituko du.
Eneko Goia Donostiako alkateak eta Martin berak eman dituzte gaur jaialdiaren martxa onari buruzko xehetasunak. Martinen ahotan, bereziki hiru kontzertuk egindako lan guztia justfikatu dute: Dave Hollandek eta Chris Potterrek aurkeztutako 'Kismet' proiektua, Marc Ribot eta Ceramic Doy musikarien emanaldia, eta Oscar Peterson piano-jotzaile handiaren omenaldia.
Jarraitzaile gisa duen iritzia hori dela adierazi du, baina publikoarentzat beste une "gogoangarri" batzuk ere izan direla, hala nola Kurt Ellingen ahots "paregabeak", Dee Dee Bridgewaterren "magnetismoak", Yerai Cortesen "pasioak eta arteak" eta Jamie Cullumen "freskotasunak eta sinpatiak" emandakoak.
Martinek ordainpeko 17 kontzertutan harmailak lepo bete direla nabarmendu du, eta gainerakoetan ia beteta egon direla, sarreren % 99,03 salduta. 40 herrialdetatik (Frantzia, Ameriketako Estatu Batuak, Alemania, Herbehereak, Suitza, Portugal, Erresuma Batua, Australia, Irlanda eta Hungaria, besteak beste) erosi dituzte tiketak. Doako 52 kontzertuek 158.700 pertsona batu dituzte, eta ordainpekoek, berriz, 20.480.
Miguel Martin, Donostiako Jazzaldiako zuzendaria
Ez naiz erabat desagertuko, baina ikusi behar da nola gera naitekeen jaialdiari lotuta
Miguel Martin 22 urte zituenetik ari da Donostiako Jazzaldian lanean, eta ibilbide luzeena zuzendari gisa egin du. Kargu hori Donostia Kulturako musika zuzendaritzari ere lotuta dago, eta, erakunde publikoa denez, 70 urte betetzen dituenean lagako du, 2026ko apirilaren 9an.
Egun horretarako, 61. Jazzaldiaren -uztailaren 22tik 26ra- egitaraua itxita izatea espero eta nahi du.
"Ez naiz erabat desagertuko, baina ikusi behar da nola gera naitekeen jaialdiari lotuta. Egitaraua osatzen jarraituko dut, hori baita zuzendariarentzat unerik sortzaileena, eta nola ateratzen den ikustea interesatzen zait", adierazi du.
Agur pixkanaka esango dujla gaineratu du eta, zentzu horretan, ez dela "bereziki gaizki" sentitzen gaineratu du. "Egun hauetan sekulako lana izaten da, eta neurri batean ondo dago lanaren zati estresagarriena gainetik kentzea", erantsi du.
Musikari buruzko albiste gehiago
Zetak taldeak Bilbon eskainiko duen bigarren ikuskizunerako sarrerak, agortzear
70.000 sarrera inguru saldu dituzte nafarrek bi egunean. Ekainaren 20ko emanaldikoak berehala agortu ziren, eta 19koak, agortzeko bidean dira.
Xabier Zeberio & Andrés Isasi Musika Eskolako Orkestra, Getxo Folk irekitzen
Xabier Zeberioren zuzendaritzapean, orkestrak jazza, euskal herri musika eta inprobisazioa uztartu ditu Bizkaiko jaialdiaren lehen egunean, "Pause" proiektuko kantuetan.
Zetak taldeak San Mameseko kontzerturako sarrera guztiak saldu ditu, eta bezperan ere joko du
Pello Reparaz buru duen taldeak Mitoaroa III ikuskizun distopikoa taularatuko du ekainaren 19an eta 20an Bilboko estadioan. Bihar, ostegunarekin, jarriko dira ekainaren 19rako sarrerak.
Pello Reparaz: "Jendea epel ez gelditzea zen asmoa, eta lortu dugu"
"Egun On" ETBko saioak elkarrizketa egin dio Pello Reparazi, Zetak-ek "Mitoaroa II" kontzertu errenkada amaitu eta biharamunean. Ekainaren 20an San Mamesen egingo duten ikuskizunari buruz ere hitz egin digu.
-1:eitb-banner?$eitb-banner$&fmt=png-alpha&qlt=80)
Rick Davies Supertrampeko abeslari eta konpositorea zendu da
Britainiar musikariak mieloma zuen duela hamar urtetik, eta 81 urte zituela hil da.
Lady Gaga, Mariah Carey, Sabrina Carpenter eta Ariana Grande, MTV Video Music Awardseko izar distiratsuenak
Ariana Grande pop abeslariak irabazi du MTV Video Music Awards sarietako sari nagusia, eta Lady Gagak eta Sabrina Carpenterrek jaso dituzte ohore handienak New Yorken, jarraitzaileen gogokoenen izarrez beteriko ospakizunean. Grandek urteko bideo onenaren saria irabazi du Brighter Days Ahead lanagatik, eta, ondorioz, jarraitzaileek bozkatutako sarietan gaueko saririk handiena jaso du. Mariah Careyk ibilbidearen saria jaso du, eta bideoklipak egitea zein dibertigarria den azaldu du.
Pello Reparaz: “2084an kokatuko da ‘Mitoaroa III’ ikuskizuna”
Zetak taldeak 2026ko ekainaren 20an eskainiko du San Mames futbol zelaian George Orwellen 1984 obran oinarritutako Mitoaroa III ikuskizuna, 2084an kokatuko den etorkizun distopikoa. “Apustuak, arriskua eta gauza ezberdinak bizitzeko aukera bat da Zetak”, nabarmendu du Reparazek, eta historia egiteko gogoz agertu da.
'Mitoaroa III' ikuskizuna San Mames futbol-zelaira iritsiko da 2026ko ekainaren 20an
Zetak taldeak Bilbo aukeratu du bere ikuskizun arrakastatsuaren hirugarren zatirako, Bizkaia euskal kulturaren erdigunean kokatuz.
'Mitoaroa II' ikuskizunaren backstagean murgildu gara; beste ikuskizun bat
Euskarazko musikan aurrekaririk gabeko ikuskizun honetara 40.000 pertsona bertaratzea espero da. Larunbat honetan, 22:00etatik aurrera jarraitu ahal izango da ETB2n eta PRIMERAN streaming bidezko doako plataforman.
Mitoaroan murgil
Zetakek Illunben eskainiko dituen hiru kontzertuetatik lehena eskaini du bart. Esperientzia berezi eta desberdina. Bertan egon ezin direnentzat, gaur, larunbata, zuzenean izango da ikusgai Primeranen eta EITB2n, 22:00etan.