'Bertsolari', zinema aretoetan
'Bertsolari' Asier Altunak idatzi eta zuzendu duen dokumentala da. Bertsolaritzari buruz euskaraz grabatutako lan honetan, besteak beste, Miren Amuriza, Jon Sarasua, Maialen Lujanbio, Andoni Egaña eta Ametsa Arzallus bertsolariek hartu dute parte. Donostiako 59. Nazioarteko Zinemaldiko Sail Ofizialean aurkeztu zuten, eta arrakasta handia lortu zuen.
"Las Acacias" Argentinan grabatu zuten, Armonika euskal ekoiztetxearekin elkarlanean, eta EITBren parte-hartzea izan du. Pablo Giorgellik zuzendutako lanak Horizontes saria irabazi zuen Donostiako 59. Nazioarteko Zinemaldian, Biarritzeko Latinoamerikar Jaialdian Abrazo saria irabazi zuen, eta Canneseko Nazioarteko 64. Zinemaldian, Camera d´Or saria.
Steven Soderberg zinema zuzendari ospetsuak "Contagion" aurkeztu du. Munduko biztanleak mehatxatu dituen gaitz bati buruzko lan honetan, Matt Damon, Jude Law, Kate Winslet, Gwyneth Paltrow, Marion Cotillard eta Laurence Fishburne aktore ospetsuek parte hartu dute.
"Mientras duermes" filmean, Luis Tosar eta Marta Etura aurkituko ditugu. "Thriller" hau Jaume Balaguerok zuzendu du eta atezain baten kontakizuna dakar. Eraikin bateko bizilagunen bizitzak gertutik ezagutzeko aukera ematen dio bere lanak, eta haien bizitzak kontrolatzen saiatuko da.
Taylor Lautner aktorea akziozko "thriller" batean ikusiko dugu: "Sin salida" filmean. John Singletonek zuzendu duen lan honetan bikote batek bahitu zuen gazte baten bizitza erakutsiko digute.
"Another year" Mike Leigh zinema zuzendari ospetsuaren lana da. 2010ean aurkeztu bazuen ere, oraintxe iritsi da gure zinema aretoetara. Gidoi onenaren Oscar sariagatik lehiatu zen lan honetan, Ruth Sheenek, Jim Broadbentek eta Oliver Maltmanek hartu dute parte.
"One Day" filmean, hogei urte elkarrekin eman dituzten bi bikotekide azalduko zaizkigu. David Nichollsek idatzitako izen bereko liburuan oinarrituta dago, eta, denborarekin, poztasunari eta malkoei esker existentziaren handitasunaz konturatuko dira.
Zure interesekoa izan daiteke
'Maspalomas', Zinemastearen 42. edizioko film onena
Zuzendari onenaren eta aktore onenaren sariak ere jaso ditu, azken hori Jose Ramon Soroizek egindako lanagatik.
Filmen soinuak non, emakumeak han
Pelikulak ikusi egiten dira. Pelikulak aditu egiten dira. Izan itzazue belarriak tente.
Miguel Garces aktoreak jasoko du Zinemastearen Gutako Bat saria
Garcesek larunbatean jasoko du Arabako zinemagintzako profesional nabarmenei ematen zaien golaroda, Zinemastea jaialdiaren amaiera galan.
"Los domingos" eta euskal aktoreak garaile, Feroz sarietan
Alauda Ruiz de Azuaren lanak film onenaren, gidoi onenaren, zuzendari onenaren, aktore protagonista onenaren eta bigarren mailako aktore onenaren sariak lortu ditu. Gizonezko aktore onenen sariak Jose Ramon Soroizek eta Kandido Urangak eskuratu dituzte.
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Elena eta Telmo Irureta Borjako eccehomoa zaharberritu zuen emakumeari buruzko filmaren protagonistak izango dira
Bixagu euskal ekoiztetxea eta Malagako La Cochera etxea Cecilia. La historia del Ecce Homo de Borja pelikulan lanean ari dira, Cecilia Gimenez Borja Zaragozako herriko elizan fresko bat asmo onez baina ahalmen urriz zaharberritu zuen emakumearen gaineko “begirada intimo eta hunkigarri” batean.
"Benetako istorioak", Fipadoc Biarrizko jaialdian
Bederatzi egunean, 150 film ikusteko aukera izango da Lapurdiko udalerrian. Espainiako eta Portugalgo lanei garrantzi berezia eman diete egitarauan, eta hainbat euskal ekoizpen izango dira, hala nola Idi film laburra eta Akelarre plaza taldearen inguruko dokumentala.
Gautu zen derrepentean Errenteriako Kapitanenea kalean
Jantzien Museoak zinemarekiko zerikusi erabatekoa duen aldi baterako erakusketa estreinatu du Errenterian. Lehenbizikoa! Hainbeste urte pasa eta gero!
Euskal zinemak garai eztia bizi du: zeintzuk dira arrakastaren gakoak?
Azken Goya sarietan 47 izendapen lortu dituzte euskal ekoizpenek. Hala ere, arrakasta hau ez da soilik azken urte honetako kontua. Duela urte batzutatik hona, ekoizpenak ugaritu egin dira eta aretoetan zein sariketetan emaitza onak lortzen ari dira.
Zinemasteak hamar euskal pelikula eskainiko ditu Gasteizko bere egoitza berrian
Euskal zinemaren jaialdiak hamar film proiektatuko ditu urtarrilaren 23tik 30era Vital Fundazioak Posta kalean duen espazio berrian. Amaiera gala eta sari banaketa hilaren 31n egingo dute, Europa jauregian.