'La chispa de la vida', Alex de la Iglesiaren pelikularik 'garratzena'

Euskadiko Filmategiak antolatuta, Bilbon egin dute asteazken honetan Alex de la Iglesiaren 'La chispa de la vida' pelikularen estreinaurrekoa. Jose Mota eta Salma Hayek aktoreak protagonista dituen lana 2012ko urtarrilaren 12an iritsiko da zinema aretoetara.

Ordu batzuk lehenago, prentsaurrekoan aurkeztu du De la Iglesiak bere film berria. Krisi garaian gure inguruan bizi dugun egoera gertutik erakusten digun lana da 'La chispa de la vida', zuzendariak berak azaldu duenez. Bilbotarrarentzat bere ibilbideko pelikularik ''garratz eta mingotsena'' da, ''duintasuna jorratzen duen tragikomedia''. ''Ezin dut komedia albo batera utzi. Munduari begiratzeko dudan moduaren barnean dago, eta zerbait serioa kontatu nahi dudanean beti jotzen du komedia egitera'', azaldu du.

Robertoren istorioa dakar De la Iglesiak lan berri honetan. Langabezian geratu ondoren, guztia galduta, unerik zoriontsuena eman dion lekura itzuliko da: bere emaztearekin batera eztei-bidaian bisitatu zuen hotela. Dena den, bertara heltzean, eraikina eraitsi egin dutela ikusiko du Robertok, Cartagenako Erromatar Antzokiaren museoa egin baitute bertan. Museoaren inaugurazio egunean bertan iritsiko da Roberto Cartagenara, eraikinaren azken lanak bukatzen ari direla. Bertan erori eta kolpea emango du buruan, mugitu ezinik geratuta. Orduan, ametsen, oroitzapenen eta errealitatearen arteko nahasketan murgilduko da Roberto.

Bilboko emanaldian ez dute parte hartu filmeko protagonistek. Antzeztaldean, Blanca Portillok, Juanjo Puigcorbek, Juan Luis Galiardok, Fernando Tejerok, Santiago Segurak, Carolina Bangek eta Antonio Garridok ere parte hartu dute.

Atzera begirako 'ferpektua'

Aurrestreinaldia Euskadiko Filmategiak zuzendari bilbotarraren lanekin antolatu duen atzera begirakoaren baitan dago. Ziklo hau Bilbon, Donostian, Gasteizen eta Baionan egiten ari dira.

Euskadiko Filmategiak antolatuta, Bilbon egin dute asteazken honetan Alex de la Iglesiaren 'La chispa de la vida' pelikularen estreinaurrekoa. Jose Mota eta Salma Hayek aktoreak protagonista dituen lana 2012ko urtarrilaren 12an iritsiko da zinema aretoetara. Ordu batzuk lehenago, prentsaurrekoan aurkeztu du De la Iglesiak bere film berria. Krisi garaian gure inguruan bizi dugun egoera gertutik erakusten digun lana da 'La chispa de la vida', zuzendariak berak azaldu duenez. Bilbotarrarentzat bere ibilbideko pelikularik ''garratz eta mingotsena'' da, ''duintasuna jorratzen duen tragikomedia''. ''Ezin dut komedia albo batera utzi. Munduari begiratzeko dudan moduaren barnean dago, eta zerbait serioa kontatu nahi dudanean beti jotzen du komedia egitera'', azaldu du. Robertoren istorioa dakar De la Iglesiak lan berri honetan. Langabezian geratu ondoren, guztia galduta, unerik zoriontsuena eman dion lekura itzuliko da: bere emaztearekin batera eztei-bidaian bisitatu zuen hotela. Dena den, bertara heltzean, eraikina eraitsi egin dutela ikusiko du Robertok, Cartagenako Erromatar Antzokiaren museoa egin baitute bertan. Museoaren inaugurazio egunean bertan iritsiko da Roberto Cartagenara, eraikinaren azken lanak bukatzen ari direla. Bertan erori eta kolpea emango du buruan, mugitu ezinik geratuta. Orduan, ametsen, oroitzapenen eta errealitatearen arteko nahasketan murgilduko da Roberto.Bilboko emanaldian ez dute parte hartu filmeko protagonistek. Antzeztaldean, Blanca Portillok, Juanjo Puigcorbek, Juan Luis Galiardok, Fernando Tejerok, Santiago Segurak, Carolina Bangek eta Antonio Garridok ere parte hartu dute.Atzera begirako 'ferpektua'Aurrestreinaldia Euskadiko Filmategiak zuzendari bilbotarraren lanekin antolatu duen atzera begirakoaren baitan dago. Ziklo hau Bilbon, Donostian, Gasteizen eta Baionan egiten ari dira.