'Indomable' eta 'Chronicle', zinema-aretoetan
Gina Carano, Michael Fassbender eta Ewan McGregor dira aste honetan estreinatzen den Indomable filmean nagusi. Horrekin batera, Chronicle, zientzia fikzioa eta fantasia batzen dituen lana, eta Luces Rojas, Rodrigo Cortesen azken produkzioa, izango dira ikusgai.
Indomable Steven Soderbergh estatubatuarraren lan batean dago oinarrituta. Lem Dobbsek egin du lan horren gidoia, eta Antonio Banderas eta Michael Douglasek ere parte hartzen dute akziozko thriller honetan.
Josh Trank da Chronicle pelikularen zuzendaria. Film honetan, zientzia fikzioa, fantasia eta drama batzen dira. Trankek zuzendu duen lehen film luzea da honakoa.
Rodrigo Cortesek, Buried filmaren zuzendariak, Robert de Niro, Cillian Murphy eta Sigourney Weaver aktoreekin egin du lan Luces Rojas lanean. Espainiako eta AEBetako etxe batzuek elkarlanean ekoitzitako thrillerra da.
2007an A place in time (Leku bat denboran) dokumentalean zuzendari lanetan estreinatu eta gero, En tierra de sangre y miel bere lehen film luzea zuzendu du orain Angelina Joliek. Zana Marjanovic eta Goran Kostic amodiozko istorio baten protagonistak dira bertan.
Año de Gracia Ventura Ponsek zuzendutako komedian, besteak beste, Rosa Maria Sardá, Oriol Pla, Santi Millán, Amparo Moreno eta Diana Gómez dira protagonista.
Zure interesekoa izan daiteke
Ikusi primizian “Cada día nace un listo” filmaren aurrerapena
Arantxa Echevarria zuzendariaren (“Carmen y Lola”, “Chinas”, “La infiltrada”) akziozko komedia beltzak EITBren parte hartzea du, eta ekainaren 5ean iritsiko da zinema aretoetara. Satira honetan, “pikarokeria, anbizioa eta itxurakeria” azaltzen dira, eta antzeztaldean daude Hugo Silva, Susi Sánchez, Dafne Fernández, Markos Marín, Marina Ostolaza, Javier Tolosa eta Sofía Otero.
Zinema jendaia Bizkaia Zubitik zintzilika
Hantuste eta txulo agertu da "¿Cómo hemos llegado a esto?" filma Euskal Herriko bizpahiru pantailatan, izenburu ezin aproposagoarekin.
Javier Ginerrek urriaren 30ean estreinatuko du bere lehen film luzea
Esta soledad pelikulan, barakaldar zinemagileak, Yo adicto serie sarituaren egileak, “anabasaren eta bakardadearen samurtasun basatiz bizirauten duten bi gazte” irudikatu ditu.
FANTek "Bajo tus pies" filma estreinatuko du
Fant Bilbao zinema jaialdiaren 32. edizioa maiatzaren 8tik 16ra izango da, baina, aurretik, Bajo tus pies Cristian Bernard zuzendariaren film luzea emango du astelehen honetan; Urko Olazabal eta Sofía Otero aktoreek parte hartzen dute, eta beraiekin hitz egin dugu, eta Ibai Atanes eta Maribel Verdú ere ageri dira antzeztaldean.
“Sucia” eta “Black water” sarituko ditu Giza Eskubideen Zinemaldiak
Bàrbara Mestanza eta Marc Pujolarren dokumentalak film luze onenaren Ikusleen saria jasoko du, eta Black water Natxo Leuzaren lanak Amnesty International saria. Gaur bukatuko da jaialdia, eta Imanol Uribek ohorezko saria jasoko du.
Imanol Uribe: "Intolerantziaren aurkako borrokak gidatu nau"
Euskal zinemagileak, La fuga de Segovia, La muerte de Mikel, Días contados eta El rey pasmado filmen egileak, Donostiako Giza Eskubideen Zinemaldiaren sari berezia jasoko du ostegun honetan, "errealitateari atxikia" duen zinemari esker.
Lara Izagirre “Yerma”ren bertsio garaikide eta urbanoa filmatzen ari da euskaraz
Zinemagilearen hirugarren film luzearen protagonistak Ane Pikaza eta Aitor Borobia dira, eta Maria Goiricelayarekin batera dago idatzita, Lorcaren lan hori antzerkirako arrakastaz moldatu zuen antzerkigilearekin.
Euskal zinemak ongietorria egin dio Maialen Belokiri
Jose Luis Rebordinosek, lekukoa emango dion zuzendariak, eta Koldo Almandoz eta Lara Izagirre zinemagileek Beloki Zinemaldiko buru izendatu izanaz hitz egin digute.
Maialen Beloki izango da Donostiako Zinemaldiaren zuzendaria 2027tik aurrera
Zinemaldiaren Administrazio Kontseiluak aho batez aukeratu du Beloki, Jose Luis Rebordinosen ondorengo gisa.
Lander Garro: "Memoria pertsonaia bat gehiago da 'Lutxi eta zuhaitza'n"
1987an Pasaian, Guardia Zibilaren esku, egoera nahasian hilik gertatu zen Lucía Urigoitia ETAko kidearen istorioa kontatzen du dokumentalak. Fikziozko zatiak eta lekukoen adierazpenak uztartzen ditu Lander Garroren pelikulak.