Penelope Cruz, izar distiratsua Zinemaldian
Penelope Cruz izarra da astearte honetan Donostiako Zinemaldian. Zinemaldiko alfonbra gorrira itzuli da aktore ezaguna, distira propioarekin. Bi aldiz aldatu du arropa ordubetean, bertan bildutako jarraitzaileen eta prentsaren aurrean agertzeko. Dudarik gabe, Pe dugu gaur protagonista nagusi Zinemaldian.
60. edizio honetan, Zilarrezko Maskorra eskuratzeko lehian izango da Penelope Cruz. Berriz jaiotzea Sergio Castellito zuzendari italiarraren ekoizpena aurkeztu du aktore ezagunak, eta lana ''erronka polita'' izan dela esan du. ''Zertxobait ikaratzen ninduen. Gemma emakume bera zen, baina bizitzako aro ezberdinetan. Hizkuntzaren erronka ere bazegoen, protagonistak italieraz eta ingelesez (baina italiar kutsuarekin) hitz egiten duelako. Baina, zailtasunak beti beso zabalik hartzen ditut'', esan du Penelopek elkarrizketa batean.
''Ez dit beldurrik ematen itxuraldatzeak, paperak eskatzen duen neurrian: itsusiago, zaharrago... Baina ez nago prest gaixotzeraino argaltzeko edo loditzeko, hainbat aktorek egiten duten moduan. Hori ez'', azaldu du.
Bere alderdik politikoena
Filma aurkezteko egin duen prentsaurrekoan, bere alderik politikoena erakutsi du aktore ezagunak. Zinemaren industriak jasan dituen murrizketekin kezkatuta dagoen arren, Penelope Cruzek esan du hezkuntza dela gehien kezkatzen duena, ''hezkuntzarik gabe ez dagoelako etorkizunik''.
"Beldur handia ematen didate hartzen ari zenbait erabakik, eta ez bakarrik zinemaren arloan. Hezkuntzarekin gertatzen ari dena negargarria da'', gaineratu du. Kulturaren sektoreak bizi duen egoerari buruz galdetuta, Penelopek erantzun du ''sektorea inoiz baino bateratuago'' egon behar dela.
Zure interesekoa izan daiteke
Oscar sarien 98. edizioko palmaresa
"One battle after another" filmak sei Oscar lortu ditu, gaueko sari nagusia barne, film onenarena; 'Sinners' ek, 16 ataletan izendatuta egonik, lau estatuatxo erdietsi ditu.
“One battle after another” Paul Thomas Andersonen filma nagusi, Oscar sarietan
Estatubatuar zuzendariaren filma izan da Hollywoodeko sarien 98. edizioaren gaueko izarra, sei sari bereganatuta; besteak beste, film, zuzendari eta gidoi egokitu onenen atalean irabazi du.
Gemma Cuervo aktorea hil da, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaio eta Madrilen hil den aktorea.
Hollywood, Oscar sarien 98. ekitaldirako prest
"Sinners" filmak markak hautsi ditu 16 izendapen jasota, eta "Sirat" Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan protagonista nagusiak.
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ez da ostegunean irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.