Calparsoro abiadura bizian dator pantaila handira
Isabel Coixeten pertsonaien zauri irekiak eta "Combustión" laneko hiruko amodioa (Daniel Calparsororen auto-lasterketen pelikula), horiek asteko estreinaldi garrantzitsuenak. Halere, beste aukera asko dago: thriller politiko bat, Iron Manen abentura berriak, Italiako drama bat eta Europako bi komedia.
Autoek, abiadurak eta adrenalinak bat egiten dute Alex Gonzalez, Adriana Ugarte eta Alberto Ammannen lanean: Daniel Calparsorok "Combustión" aurkeztuko digu, Malagako zinemaldian estreinatu ostean. Ari seduktoreak (Adriana Ugarte) Mikel (Alex Gonzalez) liluratuko du, azken hori Juliarekin (Maria Castro), bitxi-denda garrantzitsu bateko jabearekin, ezkontzekotan dagoen arren. Navas (Alberto Ammann) Ariren benetako mutil-lagunaren iruzur bat dela konturatuko dira.
Javier Camara eta Candela Peña iraganera bueltatu dira Isabel Coixeten azken lanean. Azkenaldiz elkar ikusi zutenetik bost urte igaro dira, baina beraien artean zauriak itxi gabe daudela konturatuko dira. Malagako zinemaldian aurkeztu zuten "Ayer no termina nunca", eta aspaldi elkar ikusi ez duten maitale ohi bik elkarrekin topo egin eta gero duten harremana azaltzen du.
Belgikatik, Bertrand Saint-Jeanen (Olivier Gourmet) arazoak helduko zaizkigu. Garraio ministroa da, eta, gauean, krisi bati aurre egin behar dio: autobus bat sakan batetik erori da. Pierre Schoellerrek zuzendu du "El ejercicio del poder", eta botere borrokak eta estatu gizonek egin behar dituzten sakrifizioen inguruan ari da.
Robert Downey Jr., Don Cheadle eta Gwyneth Paltrow Iron Manen abentura berri batean sartu dira ("Iron Man 3"). Marvel etxeko superheroiak mugarik ez duen aurkari bat izango du aurrean: Mandarin gaiztoa (Ben Kingsley).
Daniele Luchettik erretratu sozial xalo bat egin du "La nostra vita" pelikulan, Italian gizartean izan diren aldaketak familia baten bitartez azalduta. Claudio du protagonista. Erromako auzo batean lan egiten duen igeltsero bat da, eta oso maite du emaztea, baina horren bizitza lasaia drama bihurtuko da hirugarren semea jaio ondoren.
Ole Christian Madsenek "Noche de vino y copas" zuzendu du, ardo kopen eta hegazkinen artean gertatzen den komedia erromantikoa. Christian (Anders W. Berthelsen) porrot egiteko puntuan dagoen ardo-denda baten jabea da, eta emazteak aspaldi utzi zuen.
Futbol izar ohi batek Bretainiako talde bat entrenatzen amaituko du "Un gran equipo" lanean. Langabezia gero eta handiagoa da, eta, soilik hiru partida irabaziz, herrian dagoen kontserba-fabrika salbatzea lortuko dute.
Zure interesekoa izan daiteke
?fmt=png-alpha&qlt=80)
Altxaliliak Cannesen, izan nahi dutena izan daitezkeela aldarrikatzeko bidean
Altxaliliak Maia Iribarneren dokumental luzea Marché du Filmen, Cannesko zinema jaialdian industriak antolatzen duen topagunean, bidea egiten ari da egunotan, lankidetzarako aukeren bila. Ikusi pelikularen lehen irudiak.
Dena prest Cannesen, pantailak dirdiraka hasteko
Peter Jackson eta Barbra Streisand omenduko dituzte, eta izen handiak daude Sail Ofizialean: Almodovar, Farhadi, Pawlkowski, Sorogoyen, Kore-eda, Mungiu...
Fabio Testi aktore italiarrak Ohorezko Fant saria jasoko du
Larunbatean, fantasiazko zinemako jaialdiaren amaiera galan, jasoko du aktoreak beldurrezko eta fantasiazko generoetan nabarmendu den profesionalentzako saria.
Jules Mamonek "bestetasun, singulartasun eta munstroaren figuraz" jantzi du Zinegoaken kartela
LGTBIQ+ Zinema eta Arte Eszenikoen Bilboko Jaialdiak 23. edizioaren irudia aurkeztu du. “Bestea deitu duten hori eztabaidaren erdian” jarri nahi du Zinegoakek.
ICOFF film laburren Gasteizko jaialdiak 50 lan eskainiko ditu egoitza berrian, Arkabian
Ofiziala atalak 30 lan emango ditu; Bagare euskal filmen atalak, zazpi, eta Nazioartekoak, hamahiru. Azken horretan saria emango dute lehenengoz.
Ikusi primizian “Cada día nace un listo” filmaren aurrerapena
Arantxa Echevarria zuzendariaren (“Carmen y Lola”, “Chinas”, “La infiltrada”) akziozko komedia beltzak EITBren parte hartzea du, eta ekainaren 5ean iritsiko da zinema aretoetara. Satira honetan, “pikarokeria, anbizioa eta itxurakeria” azaltzen dira, eta antzeztaldean daude Hugo Silva, Susi Sánchez, Dafne Fernández, Markos Marín, Marina Ostolaza, Javier Tolosa eta Sofía Otero.
Zinema jendaia Bizkaia Zubitik zintzilika
Hantuste eta txulo agertu da "¿Cómo hemos llegado a esto?" filma Euskal Herriko bizpahiru pantailatan, izenburu ezin aproposagoarekin.
Javier Ginerrek urriaren 30ean estreinatuko du bere lehen film luzea
Esta soledad pelikulan, barakaldar zinemagileak, Yo adicto serie sarituaren egileak, “anabasaren eta bakardadearen samurtasun basatiz bizirauten duten bi gazte” irudikatu ditu.
FANTek "Bajo tus pies" filma estreinatuko du
Fant Bilbao zinema jaialdiaren 32. edizioa maiatzaren 8tik 16ra izango da, baina, aurretik, Bajo tus pies Cristian Bernard zuzendariaren film luzea emango du astelehen honetan; Urko Olazabal eta Sofía Otero aktoreek parte hartzen dute, eta beraiekin hitz egin dugu, eta Ibai Atanes eta Maribel Verdú ere ageri dira antzeztaldean.
“Sucia” eta “Black water” sarituko ditu Giza Eskubideen Zinemaldiak
Bàrbara Mestanza eta Marc Pujolarren dokumentalak film luze onenaren Ikusleen saria jasoko du, eta Black water Natxo Leuzaren lanak Amnesty International saria. Gaur bukatuko da jaialdia, eta Imanol Uribek ohorezko saria jasoko du.