Euskal zinemak ongietorria egin dio Maialen Belokiri
Jose Luis Rebordinosek, lekukoa emango dion zuzendariak, eta Koldo Almandoz eta Lara Izagirre zinemagileek Beloki Zinemaldiko buru izendatu izanaz hitz egin digute.
Maialen Beloki atzo izendatu zuten Donostiako Zinemaldiaren hurrengo zuzendaria
Zinemaldiko Administrazio Kontseiluak, Donostiako Udaleko, Gipuzkoako Aldundiko, Eusko Jaurlaritzako eta Espainiako Kultura Ministerioko ordezkariek osatzen duten erakundeak, Maialen Beloki (Donostia, 1983) izendatu zuen bart zinema jaialdiaren zuzendari berri.
Beloki Zinemaldiaren zuzendariordeetako bat da 2016az geroztik, eta hura izendatzeak “ikuspegi estrategikoa, sektorearen ezagutza eta kultura garatzeko konpromisoa uztartzen dituen profil baten aldeko apustua” indartzen duela nabarmendu du Zinemaldiak.
Jose Luis Rebordinosek ongietorria helarazi dio Belokiri, aurtengo abenduaren 31n kargua haren esku utzi aurretik; “oso pozik nago Zinemaldiko Administrazio Kontseiluak nire lantaldeko pertsona bat izendatu duelako”.
“Izendapena gauzatuta, hurrengo hilabeteetan oso gertutik lan egin behar dut Maialenekin, 2027ko urtarrilera Zinemaldiaren gaineko ahalik eta ezaguera handienarekin irits dadin. Kasu honetan, ez da zaila izango, zuzendaritza taldeko kide baita, eta, hortaz, oso ondo ezagutzen dituelako jaialdiaren nondik norakoak”, esan du Rebordinosek, Donostiatik kanpo dela.
Lara Izagirre zinemagileak (Un otoño sin Berlín, Nora) ere ontzat jo du erreleboa: “Aldaketa oso pozgarria izan da industria osoarentzat, eta onena opa diot. Aldaketa polita da”.
Koldo Almandoz zinemagileak (Oreina, Hondar ahoak, Zeru ahoak…), bestalde, “aldaketa logiko eta zentzuzkoa” dela adierazi du, eta Belokik euskal zinemaren eta nazioarteko zinemaren gaineko “ezagutza” duela erantsi du.
Hortaz, zerbait eskatzekotan, “kriterioa” izatea eskatuko liokeela azaldu du zinema zuzendariak, eta, “egungo burbuilaz haratago, lan egiteko aukera izaten jarraitzeko eremu sendoa ezartzen laguntzea”.
Zure interesekoa izan daiteke
Manolo Solo espainiar aktorea hil da
Andaluziar aktoreak, "Cerrar los ojos" eta "Una quinta portuguesa" flimen protagonistak, 62 urte zituen.
?fmt=webp-alpha&qlt=80)
Hamalau zinemagilek beren lehen edo bigarren filmak aurkeztuko dituzte New Directorsen
Javier Giner barakaldar zuzendariak “Esta soledad” bere estreinako pelikula aurkeztuko du Zinemaldiaren atal honetan.
Eta sirenek kantu ez bazuten egin?!
Sirenen isiltasunaren kontra (edo alde) egin behar izan zuten borroka The Odissey filmaren musikaz arduratu zirenek, Suedian jaiotako Ludwig Göransson musikari hiru Oscar sariduna buru zela. Erabaki sendoak, ezin utzizkoak hartu zituzten. Lehengo eta kasik garrantzi handienetakoa: orkestrarik ez zen izango.
Urriaren 9an iritsiko da zinemetara “Inurri itsuak” Igor Legarretaren filma
Euskarazko pelikulak Ramiro Pinillaren eleberri bat du oinarri, eta antzeztaldea Urko Olazabal, Itziar Ituño, Josean Bengoetxea, Miren Gaztañaga eta Carlos Santosek osatzen dute.
Pablo Larrain, Mike Leigh eta Yesim Ustaoglu lehiatuko dira Donostiako Urrezko Maskorra lortzeko
Zinemagile horien film luze berriak Donostia Zinemaldiko Urrezko Maskorra lortzeko lehiatuko dira, Nicole Garcia, Maha Harada, Hans Petter Moland eta Benjamín Naishtaten azken lanekin batera.
Ione Hernandezen "Hermanas" filma Torontoko zinema jaialdian estreinatuko da
Pelikulak EITBren babesa du, eta Bizkaiko eta Madrilgo hainbat tokitan filmatu dute. Elena Anaya eta Emma Suarez aktoreak dira protagonistak.
Mikel Gurrea, Koldo Almandoz eta David Perez Sañudoren film berrienak Zinemaldiko Sail Ofizialean izango dira
“Sants” Mikel Gurrearen filma Urrezko Maskorrerako lehian arituko da Donostiako zinema jaialdian, eta “Azken agurra” Almandozena eta “Sacamantecas” Perez Sañudorena, biak ere euskarakoak, lehiatik kanpo ikusiko dira. Zinemaldiak 74. edizioan pantailaratuko dituen hainbat euskal film aurkeztu ditu, Madrilen.
Oliver Laxe, Tabakaleran, "HU, egin dantza inor begira ez balego bezala" proposamenarekin
Sirāt eta O que arde filmen zuzendariak aurkeztu du, Donostiako zentroan, urriaren 12ra arte ikusgai egongo den erakusketa. Jatorriz Reina Sofía Museorako sortua, instalazioak artistaren azken hamar urteetako filmazioak ditu abiapuntu, Sirāt film sarituaren unibertso bisualarekin lotura dutenak.
Ontziratu al ziren Fuchs anaiak "Winnipeg" barkuan?
Jakina fuchstarrak ez zirela itsasontziratu 2.500 iheslari Espainiako Gerraren osteko krudelkeriatik urrundu zituen Winnipeg barkuan.
Sam Neill zeelandaberritar aktorea zendu da
Jurassic Park sagan Alan Grant paleontologoarena egin zuen aktorea Pianoa eta Urri Gorriaren ehiza filmetan ere agertu zen.