'Zipi y Zape' eta 'La herida', zinema-aretoetan
Clooneyk eta Affleckek Zipi eta Zaperen bihurrikerien aurka egingo dute estreinaldietan. Gaztelaniazko hainbat pelikula berri heldu dira zinema-aretoetara, tartean "Gloria", "Mi primera boda", "La herida" eta "Zipi y Zape y el club de la canica" komedia. Estatu Batuetako ekoizpenak ere heldu dira, "Gravity 3D" eta "Runner, Runner", George Clooney eta Ben Affleck protagonista dituzten filmak, hain zuzen ere.
Komikiaren munduko biki ezagunena, Zipi eta Zape, paperetik pantaila handira egin dute Oskar Santos zinemagilearen eskutik. Zapatilla anaiek ezarritako indarren aurka egingo dute. Uda erreformatorio batean emango dute Zipik (Raul Rivas) eta Zapek (Daniel Cerezo).
Sandra Bullock eta George Clooney dira "Gravity 3D" pelikularen protagonistak, hiru dimentsioko abentura bat. Ikuslea espazio-anezka batean sartuko dute, Alfonso Cuaron zuzendariaren eskutik. Ryan Stone doktorearen eta Matt Kowalsky astronauta beteranoaren bizirauteko istorioa da: Lurrarekin kontaktua galdu eta espazioaren iluntasunean murgilduko dira, mugarik ez duen toki batean.
Justin Timberlake pop abeslari ezaguna aktore lanetara itzuli da "Runner, Runner" pelikulan. Estatu Batuetako "thriller" hau Brad Furmanek zuzendu du, eta norberaren interesak eta moralitatea eta etika aurrez aurre ipintzen ditu. "Zer nahiago duzu, iruzur egin edo iruzur baten biktima izan?", galderari erantzuna bilatzen saiatu dira.
Paulina Garcia telebistako aktoreak Gloriaren papera hartu du. 58 urteko emakume hori Rodolforekin dabil, baina Rodolfo bere emazte ohiarekiko eta seme-alabekiko dependentzia du, eta bere burua aurkitzeko ariketa egitera behartuko du Gloria.
"La Herida" lanak Donostiako Zinemaldian emakumezko aktore onenaren Zilarrezko Maskorra eta Epaimahaiaren aipamen berezia jaso ondoren helduko da zinema-aretoetara. Egindako akatsek min handia ematen diote 28 urteko emakume bati, Anari, eta muturreko pertsonalitate desoreka du. Marian Alvarez aktore ezezagunak egin du Anaren papera.
Daniel Hendler eta Natalia Oreiro dira "Mi primera boda" pelikulako protagonistak, Imanol Ariasekin batera. Ariel Winograden gidaritzapean aritu dira, benetako istorio erromantikoak berreskuratzeko.
Albiste gehiago zinema
Euskal zinemak inoiz baino itzal handiagoa izango du Zinemaldiaren programazioan
38 euskal ekoizpen egongo dira aurten Donostiako zinema jaialdian, eta horietako batzuen zuzendariekin (Koldo Almandoz, Jose Mari Goenaga, Asier Altuna, Irati Gorostidi, Patxi Bisquert eta Jesus Mari Lazkano) eta Jose Luis Rebordinos Zinemaldiko zuzendariarekin hitz egin dugu.
Inoiz baino euskal zinema gehiago, Donostiako Zinemaldian
Zinema jaialdiaren 73. edizioan 38 euskal ekoizpen egongo dira, horietako sei Sail Ofizialean, euskarazko hiru lan tartean. Zinemira saria Asier Altunak eta Telmo Esnalek jasoko dute, "Aupa Etxebeste!" filmaren estreinaldiaren 20. urteurrenean.
Emma Stone eta George Clooney, eguneko protagonistak Veneziako Mostran
Gaur, Mostran Noah Baumbach eta Yorgos Lanthimos zuzendarien azken lanak proiektatu dituzte, Emma Stone eta George Clooney protagonista direla, hurrenez hurren. Clooneyk ez du filma aurkezteko prentsaurrekoan parte hartu, sinusitis "oso larria" duelako.
Veronica "La Juani" izan zenekoa
Segidako testua ez da zendu berri den Veronica Echegui aktore eta zinemagilearen ohorez idatzitako hil-kanta, bizi-gomutagarria, zeluloide-hil-mezu bizia baizik.
Marina Xarriren film labur bat, Nest saileko aukeraketan
Donostiako Zinemaldiak zinema ikasleen lanen nazioarteko lehiaketako 14 film hautatuak aurkeztu ditu gaur, tartean "Habitat Hotel" Xarrirena, eta "A solidäo dos lagartos" Inés Nunes Elias Querejeta Zinema Eskolako ikasleak eginikoa.
Abian da munduko zinemaldirik zaharrena, Veneziako Mostra
George Clooney, Adam Sandler eta Laura Dern kanalen hirian daude dagoeneko, baina festibalaren 82. edizio honek izar zerrenda luzea izango du. Gaur Paolo Sorrentino zuzendariari egokitu zaio Veneziako zinemaldiari hasiera ematea.
Eusebio Poncela aktorea hil da, 79 urte zituela
Madrildarra zazpi hamarkada inguru egon da interpretazioari lotuta, eta 2001ean Aktore Protagonista Onenaren Goya Sarietan izendatu zuten.
Heidi, Bilbotik Alpeetara
Heidi, Alpeetako neskatoa, oso ezagun bihurtu zen 70eko hamarkadan. Orain, protagonista eta kokaleku berberak dituen pelikula berria heldu da. Animazioa Bilboko Sumendi Uhartea ekoiztetxeak egin du, eta Heidik euskaraz egiten du.
Bi fikzio eta Tetsuro Maeda, Jota Urondo eta Joan Roca sukaldarien erretratuak, Culinary Zinemaren plater nagusiak
Donostiako Zinemaldiaren Culinary Zinema sailak 73. edizioko menua aurkeztu du gaur, Donostian. Jon Arreguik Tetsuro Maeda Atxondoko Txispa jatetxeko arduradunari eginiko erretratuak EITBren parte-hartzea du, eta Virginia Jönas Urigüen bilbotarra da “El legado de Can Roca”ren egileetako bat.
“La Grazia” Paolo Sorrentinoren film berriak abiatuko du Veneziako zinema jaialdia
Gaur, asteazkenarekin, Werner Herzog alemaniarrak jaialdiaren ohorezko Urrezko Lehoia jasoko du, Francis Ford Coppolaren eskutik. Palmaresean agertzeko lehian, hamaika zuzendari handiren azken lanak: Olivier Assayas, Noah Baumbach, Kathryn Bigelow, Guillermo del Toro, Jim Jarmusch, Pietro Marcello…