'Lasa eta Zabala' pelikula filmatzen hasi dira
Astelehen honetan hasi dira Lasa eta Zabala film luzea grabatzen, benetako gertakari entzutetsuetan oinarritutako thriller politikoa gorpuzten, Pablo Malo donostiar zuzendariaren gidaritzapean.
Aktoreen zerrendan Unax Ugalde agertzen da; Iñigorena egingo du gasteiztarrak pelikulan, Lasaren eta Zabalaren familien abokatuarena. Horrez gain, Oriol Vila, Francesc Orella, Aitor Mazo, Pep Tosar eta Ricard Sales aktoreek lagunduko dute istorioa kontatzen, historian atzera begiratzen.
Joxe Portela eta Alberto Gerrikabeitia ekoizleen pelikula filmatzeko lanak Donostia, Baiona eta Tolosan kokatuko dituzte batik bat, zazpi bat astean.
Formatu digitalean filmatuko dute Lasa eta Zabala, euskaraz eta gaztelaniaz, eta 2.000.000 eurotik gorako aurrekontua du produkzioak.
Zuzendaria Pablo Malo donostiarra izango da. Besteak beste, Frío sol de invierno egin du aurretik Malok, eta zuzendari berri onenaren Goya saria ekarri zion film horrek, Lasa eta Zabala lanean gertatuko den bezala, alboan Unax Ugalde zuela orduan ere.
Horrez gain, La sombra de nadie film luzean Nora film laburrean eta Hispania telebista saioan jardun du Pablo Malok zuzendari eta gidoilari gisa.
Joxean Lasa eta Joxi Zabala euskal iheslariak Baionan bahitu zituzten, 1983an, aztarnarik utzi gabe. Hamabi urte geroago, aurkitu eta identifikatu zituzten gorpuak, Alacanten, kareatan lurperatuta.
Filmean, Iñigo, familien abokatua, eta Fede, haren laguntzaile gaztea, sumario luze eta bihurrian, hiltzaileak auzitara eramaten saiatuko dira; etsaien joko zikinari arma berdinaz erantzutea zilegi ote den erabaki beharko dute, eta bien biziak arrisku larrian jarriko dituzte.
Joanes Urkixok idatzi du gidoia, eta Pascal Gaigneren musikak girotuko du filma. 'Lasa eta Zabala'k ETBren partaidetza eta Eusko Jaurlaritzaren eta ICAA Zinematografia eta Ikus-entzunezko Arteen Institutuaren laguntza du. Abra Prodek ekoitziko du, eta Barton filmsek banatu.
Zure interesekoa izan daiteke
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ez da ostegunean irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.