Jorge Doradok jasoko du Fantrobia saria, Fant zinemaldian
FANT Bilboko Zinemaldi Fantastikoaren antolatzaileek Fantrobia sariaren, urtez urte genero fantastikoan nabarmentzen ari den zinegile bati zuzendutako golardoaren, aurtengo irabazlearen izena jakinarazi dute: Jorge Dorado madrildarrak bereganatuko du. Film laburretan egindako ibilbide arrakastatsuaren ondoren, Doradok bere lehen film luzea estreinatu berri du, "Mindscape".
Jorge Dorado (Madril, 1976) Ikus-entzunezko Komunikazioan lizentziatu zen, Madrilgo Unibertsitate Konplutensean. Zenbait konpainia handiren publizitate-kanpainetan lan egin du, eta zuzendaritzako laguntzaile ere aritu da, film hauetan: "Moulin Rouge " (Baz Luhrmann); "La mala educación " eta "Hable con ella " (Pedro Almodóvar); "El espinazo del diablo" (Guillermo del Toro). Juan Carlos Fresnadillo eta Manuel Gómez Pereira zuzendariekin ere lan egin du.
"Nuevos tiempos" (2010) dokumentala zuzendu du, baita "El otro" Medina del Campoko 2011ko Zinema Jaialdian saritutako film laburra ere. Beste film labur asko zuzendu ditu, eta "La guerra" (2005) izenburukoaz, Goya Sarietarako izendapen bat lortu zuen.
"Mindscape" (2013) bere lehen film luzeari esker, zuzendari berriaren Goya sarirako izendapena lortu du dagoeneko. Istorioak besteen oroitzapenetan sartzeko gaitasuna duen gizon bat du ardatz: neska gazte distiratsu bezain gatazkatsu baten kasua ikertzeko enkargua egin diote, soziopata hutsa ala trauma baten biktima den zehazteko asmoz.
Zure interesekoa izan daiteke
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.
Albiste izango dira: Oscar sariak, EAEko aireportuen kudeaketari buruzko bilera Madrilen eta udal hauteskundeak Ipar Euskal Herrian
Gaurkoan Orain-en albiste izango direnen laburpena, bi hitzetan.
Aldarrikapen politikoek ez dute Oscarren bataila irabazi
Munduko egoera geopolitiko eta humano aldrebesak ez du Conan O’Brienek aurkeztu duen galako erdigunea hartu, Javier Bardem espainiar aktoreak gerraren kontra eta Palestinaren askatasunaren alde eginiko aldarri argiaz haratago.
Oscar sarien 98. edizioko palmaresa
One Battle After Another filmak sei Oscar lortu ditu, gaueko sari nagusia barne, film onenarena; Sinnersek, 16 ataletan izendatuta egonik, lau estatuatxo erdietsi ditu.
Oscar sarietako unerik onenak
Oscar sariek une gogoangarriak eta look apurtzaileak utzi dituzte. Hemen adibide batzuk.
“One Battle After Another” Paul Thomas Andersonen filma nagusi, Oscar sarietan
Estatubatuar zuzendariaren filma izan da Hollywoodeko sarien 98. edizioaren gaueko izarra, sei sari bereganatuta; besteak beste, film, zuzendari eta gidoi egokitu onenen ataletan irabazi du.
Gemma Cuervo aktorea hil da, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaio eta Madrilen hil den aktorea.
Hollywood, Oscar sarien 98. ekitaldirako prest
"Sinners" filmak markak hautsi ditu 16 izendapen jasota, eta "Sirat" Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan protagonista nagusiak.
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.