Bilboko Zinemaldi Fantastikoak 37 herrialdetako 576 film jaso ditu
FANT Bilboko Zinemaldi Fantastikoaren 20. edizioak filmak aurkezteko epea itxi du, eta guztira, 37 herrialdetako 576 film jaso ditu, iaz baino 92 gehiago. Maiatzaren 9tik 16ra ospatuko den zinemaldiak edizio honetako nazioarteko epaimahaia ere aukeratu du dagoeneko, eta Matthew Robbins gidoigile, zuzendari eta ekoizleak, Carlos Areces aktoreak eta Andrea G. Bermejo kritikariak ostatuko dute, antolakuntzak jakinarazi duenez.
Euskal Herriko eta Espainiako filmez aparte, Alemania izan da lan gehien bidali dituen Europako herrialdea, baina beste toki askotatik heldu dira lanak: Kroazia, Irak, Iran, Egipto, Zipre, Norvegia, Erresuma Batua, Mazedonia, Nepal, AEB, Kanada, Argentina, Taiwan... "Aukera zabal honek munduko edozein lekutan egiten den zine fantastikoaren erakusleiho bihurtzen du berriro ere jaialdia", adierazi dute antolatzaileek.
Aurreko urteetan bezala, Sail Ofiziala osatuko duten film luzeak pelikularik onenaren, gidoirik onenaren eta zuzendaritzarik berritzaileenaren sarietan lehiatuko dira, azken bi sariak Euskadiko Gidoigileen Elkartearen eta FAS zineklubaren eskutik, hurrenez hurren. Film laburrei dagokienez, epaimahaiak eta publikoak ematen dituzten film labur onenen sariak (3 000 euro bakoitza) eskuratzeko lehiatuko dira, eta euskal film labur onena sariak ere beste 2.000 euro banatuko ditu.
FANT jaialdiaren 20. edizioan irabazle izango diren Sail Ofizialeko film luze, film labur onena eta euskal film labur onenak aukeratuko dituen epaimahaiko kideak hauek izango dira: Matthew Robbins gidoilari, zuzendari eta ekoizlea, Carlos Areces aktorea eta Andrea G. Bermejo zinema kritikaria.
Bestalde, trailer faltsuen lanak aurkezteko epeak zabalik jarraitzen du apirilaren 15era arte. 1.500 eta 750 euroko bi sari eta Bilboko jatetxe ospetsu batean bi pertsonarentzako afari bat izango dira lehiaketako sariak.
Halaber, martxoaren 28ra arte dago irekita Nontzefilmak film laburren lehiaketan parte hartzeko lanak aurkezteko epea, gai eta formatu librean. Webgunean aurkeztu behar dira filmak, eta hiru sari izango dira: zinemako film onena (1.500 euro), animaziozko film onena (1.500) eta euskarazko lan onena (2.000).
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.