'La isla mínima' hazi da eta Karra Elejalde saritu dute, Goya sarietan
?La isla mínima? 80ko hamarkadako Andaluzian girotutako triller-a, ukitu politikoa duen istorioa, izan da Goya sarien 29. edizioko protagonista nagusia; izan ere, 17 izendapen zituen lanak hamar sari bereganatu ditu azkenean. Besteak beste, film onenaren saria (?Loreak?i gailendu zaio honetan), zuzendari onenarena (Alberto Rodríguez) eta gizonezko aktore nagusiarena (Javier Gutíerrez) eraman ditu andaluziar lanak.
Horiez gain, jatorrizko gidoi onenaren, emakumezko aktore berri onenaren (Nerea Barros), jatorrizko musikaren (?Loreak?en Pascal Gaingnek egindako lana zuen, besteak beste, lehiakide atal honetan), argazkilaritza onenaren (Kalo Berridik ?Ocho apellidos vascos?en egindako lana gainditu du), editatze onenaren, zuzendaritza onenaren eta jantzi onenen sariak ere irabazi ditu.
Bestalde, Karra Elejalderentzat izan da ?Ocho apellidos vascos? lanak irabazi dituen hiru sarietako bat. Gainera, hiru sariok atal artistikoei egokitu zaizkie, aktoreen lanari hain zuzen ere: Carmen Machi antzeztaldeko emakumezko aktore onena izan da eta Dani Rovira, beharbada luzeegi -hiru ordu eta erdi, gutxi gorabehera- jo duen gala aurkezteko ardura izan duen umorista, gizonezko aktore berri onena.
Halaber, ?El niño?k, beste faborito nagusiak 16 izendapen baitzituen, lau Goya irabazi ditu: ekoizpen zuzendaritza onena, soinua, efektu bereziak eta kantua: ?Niño sin miedo?. Azken atal horretan, Fernando Velazquez bizkaitarrak ?Ocho apellidos vascos?erako eginiko kantua zuen aurkari, eta irabazi egin dio.
?Mortadelo y Filemon contra Jimmy el Cahondo?k animaziozko film onenaren Goya saria irabazi du, baita gidoi egokitu onenarena ere. Boto-emaileen aburuz, ?Magical Girl? (Carlos Vermut) iazko Zinemaldian Urrezko Maskorra irabazi zuen pelikulak sari bakarra merezi izan du: Barbara Lenniek jaso du, urteko emakumezko aktore onenak.
Barbara Lennierentzat izan da emakumezko aktore onenaren Goya saria
Euskal zinema
?Loreak? bi saritarako izendatuta zegoen, baina esku hutsik itzuliko da Euskal Herrira; ?Ocho apellidos vascos?, berriz, hiru ataletan izendatuta zegoen, eta hiru garaikur bildu ditu. Film laburren eta musikaren sailetan, bina euskal izendapen zeuden, ?Sangre de unicornio? (Alberto Vázquez) eta ?Loco con ballesta? (Kepa Sojo) eta Pascal Gaigne eta Fernando Velazquez, hurrenez hurren, baina ez da zorterik izan ez atal batean ez bestean. ?Dixie eta matxinada zonbia? ere saririk gabe gelditu da, animazioari dagokionez.
Ohorezko Goya, Antonio Banderasentzat
Antonio Banderas Malagako aktoreak Ohorezko Goya saria jaso du Pedro Almodovar zinemagilearen eskutik, eta, aurkezpenean, Mantxako zinemagileak ?zinemako jendearen? multzotik at utzi du Jose Ignacio Wert ministroa, hau aurrean zuela.
?Erdipurdikokeriari aurre egiteko modu bakarra kulturaren balioetara jotzea da?, esan du Banderasek hunkituta, eta ?Espainiako kulturaren izen handiak? ekarri ditu gogora, hala nola Pablo Picasso, Francisco de Goya, Antonio Machado edo Federico Garcia Lorca. Mintzaldia bukatzeko, alabari barkamena eskatu dio aktoreak, ?lanbideak eragindako absentziengatik?.
Irabazleak
Hau da 2015eko Goya sarien palmaresa:
FILMIK ONENA
'La isla mínima'
ZUZENDARIRIK ONENA
Alberto Rodríguez, 'La isla mínima'
ZUZENDARI BERRIRIK ONENA
Carlos Marquet-Marcet, '10.000 kilómetros'
JATORRIZKO GIDOIRIK ONENA
Alberto Rodríguez eta Rafael Cobos, 'La isla mínima'
GIDOI EGOKITURIK ONENA
Javier Fresser, Cristóbal Ruiz eta Claro García, 'Mortadelo y Filemón contra Jimmy el Cachondo'.
JATORRIZKO MUSIKARI ONENA
Julio de la Rosa, 'La isla mínima'
JATORRIZKO ABESTIRIK ONENA
'Niño sin miedo', India Martínez, Riki Rivera eta David Santisteba ('El niño')
GIZONEZKO AKTORE NAGUSIRIK ONENA
Javier Gutiérrez, 'La isla mínima'
EMAKUMEZKO AKTORE NAGUSIRIK ONENA
Bárbara Lennie, 'Magical Girl'
ANTZEZTALDEKO GIZONEZKO AKTORERIK ONENA
Karra Elejalde, 'Ocho apellidos vascos'
ANTZEZTALDEKO EMAKUMEZKO AKTORERIK ONENA
Carmen Machi, 'Ocho apellidos vascos'
GIZONEZKO AKTORE BERRIRIK ONENA
Dani Rovira, 'Ocho apellidos vascos'
EMAKUMEZKO AKTORE BERRIRIK ONENA
Nerea Barros, 'La isla mínima'
EKOIZPEN ZUZENDARITZARIK ONENA
Edmon Roch eta Toni Novella, 'El niño'.
ARGAZKILARITZA ZUZENDARITZARIK ONENA
Alex Catalán, 'La isla mínima'
EDITATZERIK ONENA
José M. G. Moyano, 'La isla mínima'
ZUZENDARITZA ARTISTIKORIK ONENA
Pepe Domínguez, 'La isla mínima'
JANTZI DISEINURIK ONENA
Fernando García, 'La isla mínima'
MAKILLATZE ETA ILE-APAINTZERIK ONENA
José Quetglas eta Carmen Veinat, 'Musarañas'
SOINURIK ONENA
Marc Orts, Oriol Tarragó eta Sergio Bürmann, 'El niño'
EFEKTU BEREZIRIK ONENA
Raúl Romanillos eta Guillermo Orbe, 'El niño'
ANIMAZIOZKO FILMIK ONENA
'Mortadelo y Filemón contra Jimmy el Cachondo'
FILM DOKUMENTALIK ONENA
'Paco de Lucía: la búsqueda', Curro Sánchez
FILM IBEROAMERIKARRIK ONENA
'Relatos Salvajes', Damian Szifron
EUROPAR FILMIK ONENA
'Ida' (Polonia), Pawel Pawlikowsky
FIKZIOZKO FILM LABURRIK ONENA
'Café para llevar', Patricia Font
ANIMAZIOZKO FILM LABURRIK ONENA
Juan y la nube', Giovanni Maccelli
FILM LABUR DOKUMENTALIK ONENA
'Walls (Si estas paredes hablasen'), Miguel López Beraza
Zure interesekoa izan daiteke
Odola! Odol gehiago!
Telebista-emankizun batentzako kamerak har dezaken horretatik harago doaz beti Albert Serraren eta Imanol Rayoren objektiboak, errealitateak ezkutatzen duen ‘egia’ horren bila. Eta ez egia biribila, osoa, aldaezina den hori, baizik eta gauzen, gizakion, bizidunen, momentuen esentzia dardartia gordetzen duena.
Oscarren banaketa ekitaldia Youtuben ikusi ahal izango da 2029tik aurrera
Hollywoodeko Akademiaren eta bideo plataformaren arteko akordioa 2033ra artekoa da gutxienez.
"Las hijas" filmaren grabaketan izan gara, Urduñan
Urduñan (Bizkaia), Las hijas filmatzen ari dira, EITBk parte hartzen duen pelikula. Emakumeak protagonista dituen thriller psikologikoa da eta hausnarketa sakona egitera gonbidatuko gaitu. Bost aste daramatzate grabazioak egiten, eta filmaketaren azken egunetan daude; beraz, laster ikusiko dugu pantaila handian.
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.