Zinemako sarrerak 2,90ean EAEn eta Nafarroan, maiatzaren 9, 10 eta 11n
Zinemaren Jaia maiatzaren 9, 10 eta 11n egingo dute Hegoaldeko zinema aretoetan, hamargarrenez, antolatzaileek iragarri dutenez. Hain zuzen, FAPAE Ikus-entzunezkoetako Ekoizleen Espainiako Konfederazioak, Zinemako Banatzaileen Federazioak, Espainiako Zinema Aretoen Federazioak eta Zinemaren eta Ikus-entzunezko Arteen Espainiako Institutuak gauzatzen dute ekimen hau.
Horien helburua “zinemara joatea gizartean errotutako kultur jarduera gisa bistaraztea eta Industriak ikusleei esker ona erakustea” da.
Aurrekoetan bezala, ikusleek, 14 urtetik beherakoek eta 60 urte baino gehiagokoek izan ezik, ekimenaren webgunean izena eman beharko dute, akreditazioa lortzeko, eta, horrela, ekimenak irauten duen hiru egunetan sarrerak merkeago erosi ahalko dituzte.
Zinemaren Jaiko sarrerak lortzeko, hiru bide egongo dira: txarteldegiak, zinema aretoen atarietan sarrerak saltzeko paratutako kutxazainak eta Interneten sarrerak saltzen dituzten ohiko plataformak.
Egun horietan zinema aretoetara joaten direnek “Lejos del mar” Imanol Uriberen azken lana izango dute ikusgai, baita hainbat zinemagile eta aktoreren pelikula berrienak ere, hala nola Antonio Banderas, Pedro Almodóvar, Ben Affleck, Henry Cavill, Robert Downey Jr, Iciar Bollain, Maribel Verdú, Charlize Theron, Chris Hemsworth, Maggie Smith, Mario Casas, Luís Tosar eta Daniel Radcliffe.
>Albiste gehiago zinema
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.