55 film Donostiako Giza Eskubideen XIV. Zinemaldian, hilaren 22ra arte
"Land of Mine / Under Sandet" (2015) Martin Zandvliet zuzendariaren film daniarrak inauguratuko du apirilaren 15ean, ostirala, Victoria Eugenia antzokian, Donostiako Giza Eskubideen XIV. Zinemaldia, eta "Fatima" (2015) Philippe Fauconen film frantsesak itxiko du.
Hamalaugarren edizioan, 29 herrialdetako 56 film (33 luze eta 23 labur) proiektatuko dira, eta bost erakusketa ere antolatu dituzte. Beti bezala, hainbat jarduera paralelok osatzen dute programazioa: solasaldiak filmetako zuzendariekin, protagonistekin eta landuko diren gizarte arloko gaietan adituak diren pertsonekin; ikastetxeentzako goizeko zinema saioak; itxieraren ondorengo egunean Aieten egiten den Musika Parkean & Picnic saioa…
Sarrerak
22 euroko bonu bat dago, Victoria Eugeniako saio guztiak ikusteko. Bestela, saio bakoitzerako sarrerak egunean bertan jarriko dira salgai, 4,20 euroren truke.
Saria, Tony Gatlifentzat
Tony Gatlif aljeriar aktore, gidoigile, musikari eta zuzendariak jasoko du Giza Eskubideen Zinemaldiaren sari berezia. 1948an Aljerian jaioa, Tony Gatlif –zineman, beti militante eta ahaztuen ahotsa– ijito-herriaren kronista ofizial bihurtu da bere ibilbide zabalean.
Forum europarra eta gazte topaketa
Duela zenbait urtetatik hona, Donostiako Giza Eskubideen Zinemaldia Human Rights Film Network (HRFN) sarean sartuta dago. Giza eskubideen zinemaldien nazioarteko sare hau kontinente guztietako 38 kide aktibok osatzen dute.
Hain zuzen ere, elkarte horrek San Telmo Museoan antolatu du zinemaldien sareko forum europarra, eta apirilaren 15etik 17ra egingo dute.
Goizez egingo diren bi jardunaldi irekietan, zinemagileek, gizarte-ekintzaileek eta hala nahi duten pertsonek hartu ahal izango dute parte. Bertan gai hauek landuko dira: Mugak, Babeslekua eta Migrazioa (apirilak 15) eta Giza Eskubideen Zinemaren Inpaktua (apirilak 16). Goizeko hirugarren jardunaldian (apirilak 17) HRFN taldeko kide europarrek barne-bilera egingo dute.
Zinema eta Giza Eskubideen Nazioarteko Gazte Topaketa, berriz, apirilaren 15etik 22ra egingo da. Ikasketak zinema edo giza eskubideen arloan jorratzen ari diren 30 gaztek osatuko dute parte hartuko duen taldea; 7 Donostiakoak eta ingurukoak izango dira, 19 Europako gainerako herrietatik etorriak eta 4 Mendebaldeko Saharakoak.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.