Sigourney Weaverrek Donostia saria jasoko du Zinemaldian
Sigourney Weaver aktorea (Susan Alexandra Weaver, New York, 1949) Donostiako Nazioarteko Zinemaldiaren historiara pasatuko da irailean, jaialdiaren 64. edizioan Donostia saria jasoko baitu. Aurten irailaren 16tik 24ra egingo duten jaialdiak zinemaren munduko langile nabarmenen ibilbide osoa saritzen du aintzatespen honekin, 1986tik urtero-urtero.
Irailaren 21ean emango diote saria Weaverri, "Un monstruo viene a verme" filmaren Europa mailako estreinaldia hartuko duen gala batean. Lehiaketatik kanpo erakutsiko dute filma.
“Alien” sagan Ripley tenientearena egitearren da ezagun batik bat Weaver publiko nagusiaren artean, baina, 1977an “Annie Hall” Woody Allenen filmean sei segundoko papera eginez debutatu zuenetik, makina bat pelikulatan parte hartu du, hala nola “Mamu-harrapatzaileak” (1984) , “Gorilak laino artean” (1988), “Working girl” (1988), “Copycat” (1995), “Avatar” (2009), “Exodus: Gods and kings” (2014). Pelikula horietan eginiko lanek Oscar sarietarako hiru izendapen, Urrezko bi Globo eta Bafta sari bat ekarri dizkiote.
1979an egon zen lehenengoz aktorea Donostiako zinema jaialdian, "Alien" aurkeztera etorri zenean, eta hogei urte geroago itzuli zen, "A map of the world" filmarekin.
Weaver “Un monstruo viene a verme” Juan Antonio Bayona bartzelonarrak Patrick Nessen eleberri batean oinarrituta zuzendutako filma aurkeztera etorriko da Donostiara. Europa mailako estreinaldia hartuko du Zinemaldiak, eta Sail Ofizialean proiektatuko dute lana, lehiaketaz kanpo.
Connor 12 urteko mutikoaren nondik norakoak kontatzen ditu pelikulak: etxeko gidaritza hartu beharko du ama gaixotzean, eta, lantegi horretan, munstro baten (Liam Nesson) laguntza eta amama hotz eta berezalearen (Sigourney Weaver) trabak aurkituko ditu.
Weaverren eta besteren lana, gainera, Fernando Velazquez getxoztar konpositorearen musikak lagunduta dago Bayonaren film berrian. Euskadiko Orkestra Sinfonikoak grabatu du soinu banda, Velazquezek berak zuzenduta.
Donostia saria
Zinemaldiak 1986. urtean eman zuen lehenengoz Donostia saria, eta Gregory Peckek jaso zuen orduan. Harrezkero, izar dirdiratsu andana batek jaso du golardoa: Glenn Ford, Bette Davis, Anthony Perkins, Lauren Bacall, Catherine Deneuve, Anthony Hopkins, Fernando Fernán Gómez, Jessica Lange, Sean Penn, Woody Allen, Meryl Streep, Glenn Close…
p, Glenn Close…Albiste gehiago zinema
“Singular” Alberto Gastesiren filma Sitgesen estreinatuko dute
Patricia Lopez Arnaiz eta Javier Rey protagonista dituen film luzea fantasiazko zinemako jaialdiaren 58. edizioko Sail Ofizialean lehiatuko da, Kataluniako herrian.
"Karmele" filmaren trailerra
Jone Laspiur eta Eneko Sagardoy dira Asier Altunak zuzendu duen pelikularen aktore protagonistak. Zinemaldiko Sail Ofizialean estreinatuko da film luzea, eta urriaren 10ean iritsiko da zinema aretoetara.
Horrelakoa da "Decorado", Uniko Bilboko estudioaren film berria
Alberto Vazquezek zuzendutako animaziozko film luzea Fantastic fest jaialdian estreinatuko dute irailean, AEBetan, eta urrian Sitgeseko zinema jaialdian lehiatuko da.
Jim Jarmuschek irabazi du Veneziako Urrezko Lehoia, 'Father Mother Sister Brother' filmarekin
The voice of Hind Rajab filmak, Israelen eraso batean sei urteko neskato palestinar baten heriotza kontatzen duenak, Zilarrezko Lehoia eskuratu du Veneziako 82. Zinemaldian, epaimahaiak zuzendari onenari ematen dion saria.
Donostiako Zinemaldiak "Netanyahuren gobernua gauzatzen ari den sarraski ikaragarriak" arbuiatu ditu
Ruth Perez de Anucita Zinemaldiko Komunikazio arduradunak "Gazako genozidioari buruz" manifestua irakurri du gaur, Zinemaldiaren 73. edizioaren aurkezpen ekitaldian.
Juliette Binoche, Matt Dillon, Colin Farrell, Richard Linklater eta Renate Reinsve Zinemaldira etorriko dira
J. A. Bayona kataluniar zuzendaria izango da Sail Ofizialeko epaimahaiaren burua. Paul Dano, Maria de Medeiros, Erward Berger, Claire Denis, Agnieszka Holland eta Ron Perlman ere etorriko dira Donostiara, besteak beste, Esther García eta Jennifer Lawrence Donostia saridunez gain.
Ikusi “Hombre bala” Mikel Erentxuni buruzko dokumentalaren trailerra
Anuska Ariztimuñok zuzendu duen pelikula Zinemaldian estreinatuko dute, eta donostiar musikariaren “alderik humanoena, arrakasta goiztiarra, artista moduan lupetzatik egindako zeharkaldia eta senide eta lagunekiko harremana” erakusten du.
Euskal zinemako lau film ertain historiko eta Stanley Kubricken zein Manoel de Oliveiraren lanak, Klasikoak sailean
Zinema unibertsalaren historiako klasiko zahar eta modernoak berreskuratzen dituen atalak Ehun metro, Hamaseigarrenean aidanez, Zergatik panpox eta Oraingoz izen gabe euskal klasikoen bertsio zaharberrituak aurkeztuko ditu, besteak beste.
Mirentxu Loyarte zinemagilea zendu da
Iruindar zinemagileak “Irrintzi” filma zuzendu zuen 1978an. Iratxe Fresneda zuzendariak haren lana arakatu zuen Irrintziaren oihartzunak 2016ko pelikulan.
EITBk Zinemaldiari emandako babesa berritu du, euskal ekoizpenek presentziarik handiena duten urtean
25 lanek dute EITBren parte-hartzea, tartean, Sail Ofizialean proiektatuko diren euskarazko hirurek: Maspalomas eta Karmele filmek eta Zeru ahoak serieak. Euskal zinemaren presentzia historikoa izango da Zinemaldiaren 73. edizioan.