32 film lehiatuko dira Lekeitioko zinema bileran urriaren 16tik 23ra
Lekeitioko Euskal Zine Bileraren 39. edizioa urriaren 16tik 22ra bitartean ospatuko da aurten, eta, beti bezala, euskaraz filmatu denaren errepasoa egiteko aukera eskainiko du.
Aurtengo edizioan, 50 lanetik gora jaso dira, eta horietatik guztietatik 32 film onartu dituzte: 11 lan profesional eta 21 lan amateur.
2015eko Euskal Zine Bileran 3.000 euroko Benito Ansola Bekaren irabazlea izan zen Irati Canoren "Leihoak" lana lehen aldiz ikusteko aukera izango da aurtengo hitzorduan, besteak beste.
Euskal Zine Bilerak bi helburu izango ditu aurten ere; alde batetik, euskarazko lan amateurrak saritu nahi dituzte eta horiei bidea egiten lagundu, eta, bestetik, euskarazko zinemagintza profesionalaren bilgune izan.
Sariak
Amateurren eta profesionalen sailetan, zuzendaritza, ekoizpen, gidoi eta argazki arloak sarituko dira; profesionalen sailean, arlo bakoitzeko, 1.600 euro eta zilarrezko antzara dira sariak, eta amateurrean, berriz, 1.000 euro eta zilarrezko antzara.
Horrez gain, jaialdiko saririk preziatuena, film onenaren saria, profesional eta amateurren kategorietan emango da: lan profesionalak 1.900 euro eta urrezko antzara jasoko ditu, eta lan amateurrak 1.300 euro eta urrezko antzara.
Halaber, Euskal Zine Bilerak Gazte 22 eta Antzara Morea sariak ere banatuko ditu, 500 euroko ekarpena izango dutenak. Gazte 22 sarira 1993ko urtarrilaren 1aren ondoren jaiotako bost zinemagilek eman dute izena, eta Antzara Morea sariak genero ikuspegia ondoen islatzen duen lana sarituko du.
Epaimahaia
Lekeitioko 39. Euskal Zine Bilerako epaimahaikideak euskal zinemagintzarekin harremana duten profesionalek osatzen dute, Asier Bilbao produktore eragile eta produktore zuzendariak, Asier Hormaza aktoreak, Iñaki Billelabeitia Euskal Herriko Unibertsitateko (EHU) Arte Ederren Fakultateko irakasleak, eta Tessa Andonegi eta Sara Cozar aktoreek.
Albiste gehiago zinema
Euskal zinemak inoiz baino itzal handiagoa izango du Zinemaldiaren programazioan
38 euskal ekoizpen egongo dira aurten Donostiako zinema jaialdian, eta horietako batzuen zuzendariekin (Koldo Almandoz, Jose Mari Goenaga, Asier Altuna, Irati Gorostidi, Patxi Bisquert eta Jesus Mari Lazkano) eta Jose Luis Rebordinos Zinemaldiko zuzendariarekin hitz egin dugu.
Inoiz baino euskal zinema gehiago, Donostiako Zinemaldian
Zinema jaialdiaren 73. edizioan 38 euskal ekoizpen egongo dira, horietako sei Sail Ofizialean, euskarazko hiru lan tartean. Zinemira saria Asier Altunak eta Telmo Esnalek jasoko dute, "Aupa Etxebeste!" filmaren estreinaldiaren 20. urteurrenean.
Emma Stone eta George Clooney, eguneko protagonistak Veneziako Mostran
Gaur, Mostran Noah Baumbach eta Yorgos Lanthimos zuzendarien azken lanak proiektatu dituzte, Emma Stone eta George Clooney protagonista direla, hurrenez hurren. Clooneyk ez du filma aurkezteko prentsaurrekoan parte hartu, sinusitis "oso larria" duelako.
Veronica "La Juani" izan zenekoa
Segidako testua ez da zendu berri den Veronica Echegui aktore eta zinemagilearen ohorez idatzitako hil-kanta, bizi-gomutagarria, zeluloide-hil-mezu bizia baizik.
Marina Xarriren film labur bat, Nest saileko aukeraketan
Donostiako Zinemaldiak zinema ikasleen lanen nazioarteko lehiaketako 14 film hautatuak aurkeztu ditu gaur, tartean "Habitat Hotel" Xarrirena, eta "A solidäo dos lagartos" Inés Nunes Elias Querejeta Zinema Eskolako ikasleak eginikoa.
Abian da munduko zinemaldirik zaharrena, Veneziako Mostra
George Clooney, Adam Sandler eta Laura Dern kanalen hirian daude dagoeneko, baina festibalaren 82. edizio honek izar zerrenda luzea izango du. Gaur Paolo Sorrentino zuzendariari egokitu zaio Veneziako zinemaldiari hasiera ematea.
Eusebio Poncela aktorea hil da, 79 urte zituela
Madrildarra zazpi hamarkada inguru egon da interpretazioari lotuta, eta 2001ean Aktore Protagonista Onenaren Goya Sarietan izendatu zuten.
Heidi, Bilbotik Alpeetara
Heidi, Alpeetako neskatoa, oso ezagun bihurtu zen 70eko hamarkadan. Orain, protagonista eta kokaleku berberak dituen pelikula berria heldu da. Animazioa Bilboko Sumendi Uhartea ekoiztetxeak egin du, eta Heidik euskaraz egiten du.
Bi fikzio eta Tetsuro Maeda, Jota Urondo eta Joan Roca sukaldarien erretratuak, Culinary Zinemaren plater nagusiak
Donostiako Zinemaldiaren Culinary Zinema sailak 73. edizioko menua aurkeztu du gaur, Donostian. Jon Arreguik Tetsuro Maeda Atxondoko Txispa jatetxeko arduradunari eginiko erretratuak EITBren parte-hartzea du, eta Virginia Jönas Urigüen bilbotarra da “El legado de Can Roca”ren egileetako bat.
“La Grazia” Paolo Sorrentinoren film berriak abiatuko du Veneziako zinema jaialdia
Gaur, asteazkenarekin, Werner Herzog alemaniarrak jaialdiaren ohorezko Urrezko Lehoia jasoko du, Francis Ford Coppolaren eskutik. Palmaresean agertzeko lehian, hamaika zuzendari handiren azken lanak: Olivier Assayas, Noah Baumbach, Kathryn Bigelow, Guillermo del Toro, Jim Jarmusch, Pietro Marcello…