Lau euskal film labur hautatu dituzte Goya sarien lehen aukeraketan
Espainiako Zinema Akdemiak Goya sarien 31. edizioan, animazio, dokumental eta fikzio sailetan, lehiatzeko aukeratu dituzten 26 film laburren izena iragarri du gaur.
Erakunde horren zuzendaritza batzordeko kideek osatutako talde batek animaziozko zortzi lan, lau dokumental eta fikziozko hamalau film labur aukeratu ditu, hurrengo asteetan Akademiako kideek ikusi eta Goya sarietan zer lan lehiatuko diren aukera dezaten.
Lan horien guztien artean, Gaizka Urresti (“El trastero”), Isabel Herguera (“Amore d’inverno”) eta Aitor Oñederra (“I said I would never talk about politics”) zinemagileen azken film laburrak daude. Euskal film labur horien zerrendan "Decorado" ere gaineratu beharra dago. Alberto Vazquez galiziarrak zuzendu du, baina UniKo ekoiztetxe bilbotarrak ekoitzi du.
Fikziozkoen artean, Gaizka Urrestiren lanaz gain, beste hauek daude aukeratuen zerrendan: 'Bla, Bla, Bla' (Alexis Morante), 'Disco Inferno' (Alice Waddington), 'En la azotea' (Damia Serra), 'Graffiti' (Lluís Quílez Sala), 'Hermanos' (Javier Roldan), 'Hostal Edén' (Gonzaga Manso), 'Jingle' (Marta Aledo), 'La invitación' (Susana Casares), 'No me quites' (Laura Jou), 'Timecode' (Juanjo Gimenez Peña), 'Vainilla' (Juan Beiro), 'Yo, presidenta' (Arancha Echevarría Carcedo) eta 'Zero'(David Victori).
Dokumentalen arloan, lan hauek aukeratu dituzte: 'Cabezas habladoras' (Juan Vicente Cordoba), 'Esperanza' (Alvaro Longoria), 'Palabras de Caramelo' (Juan Antonio Moreno Amador) eta 'The Resurrection Club' (Alvaro Corcuera eta Guillermo Abril).
Animazioari dagokionez, hauek lehiatuko dira Isabel Hergueraren eta Aitor Oñederraren lanekin Goyetan egoteko: 'Darrel' (Alain Carabantes Person eta Marc Briones Piulachs), 'Decorado' (Alberto Vazquez), 'Down by Love' (Jose Corral Llorente), 'Just the Beginning' (Abraham Lopez Guerrero), 'Oa' (Jaime Maestro Selles) eta 'Portrait of a wind-up maker' (Dario Pérez Moreno).
Zure interesekoa izan daiteke
Odola! Odol gehiago!
Telebista-emankizun batentzako kamerak har dezaken horretatik harago doaz beti Albert Serraren eta Imanol Rayoren objektiboak, errealitateak ezkutatzen duen ‘egia’ horren bila. Eta ez egia biribila, osoa, aldaezina den hori, baizik eta gauzen, gizakion, bizidunen, momentuen esentzia dardartia gordetzen duena.
Oscarren banaketa ekitaldia Youtuben ikusi ahal izango da 2029tik aurrera
Hollywoodeko Akademiaren eta bideo plataformaren arteko akordioa 2033ra artekoa da gutxienez.
"Las hijas" filmaren grabaketan izan gara, Urduñan
Urduñan (Bizkaia), Las hijas filmatzen ari dira, EITBk parte hartzen duen pelikula. Emakumeak protagonista dituen thriller psikologikoa da eta hausnarketa sakona egitera gonbidatuko gaitu. Bost aste daramatzate grabazioak egiten, eta filmaketaren azken egunetan daude; beraz, laster ikusiko dugu pantaila handian.
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.