Bi euskal film luze, Fant jaialdiaren Sail Ofizialean
Fant Bilboko Zinemaldi Fantastikoaren 23. edizioa maiatzaren 5etik 12ra egingo dute, eta Sail Ofizialak nazioarteko 16 film luze erakutsiko ditu, “La noche del virgen” (Roberto San Sebastian) eta “El ataúd de cristal” (Haritz Zubillaga) euskal filmak, besteak beste.
Eduardo Casanova antzezle eta zuzendari madrildarrak irekiko du jaialdia maiatzaren 5ean, “Pieles” (2016) bere lehenengo film luzearekin.
Sail Ofizialean, hamasei film lehiatuko dira gidoi eta zuzendari onenen saria lortzeko, “El ataúd de cristal” (2016) Haritz Zubillaga zinegile bilbotarraren lehenengo lan luzea, besteak beste. Limusina batean bahituta dagoen emakume baten istorioa kontatzen du, eta Sitgeseko zinemalditik eta Donostiako Beldurrezko Zinemaren Astetik igaro da jada.
“La noche del virgen” (2016) Roberto San Sebastianen filmari dagokionez, ia bi orduko iraupena duen lanak odol eta izerdi zurrunbiloa proposatzen die ikus-entzuleei, eta hamabi sari inguru lortu ditu orain arte.
Ohorezko sariak
Jaialdiak, gainera, ohorezko bi Fant sari emango dizkie Goya saria irabazi duten bi bilbotarri, Pablo Bergerrekin egin zuten bezala; hortaz, Terele Pavez antzezlearen ibilbidea goratuko dute inaugurazio ekitaldian.
Zinemaldiaren amaiera ekitaldian, Pedro Rivero zinemagile bilbotarrak ere ohorezko saria jasoko du. Bi Goya sari lortu ditu orain arte, “Birdboy” animaziozko film laburrarekin, eta, aurten bertan, animaziozko lan onenarena “Psikonautak, ume ahaztuak” lanari esker.
Gainera, FANTastikoaren Izarra sari berria emango dute lehenengoz, genero fantastikoan egindako ibilbide osoa saritzeko. Barbara Crampton (New York, 1958) antzezleari emango diote aurten.
Albiste gehiago zinema
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.