Kultura arloko 500 lagunek boikota jasan duten aktoreak babestu dituzte
Espainiako Estatuko 500 bat aktore, zinemagile, ekoizle, bikoizle, casting zuzendari, makillatzaile, bertsolari, komediagile, idazle, musikari, kazetari, aurkezle, eta dantzarik eta hainbat elkarte profesionalek bat egin dute Euskal Aktoreen Batasunak duela egun batzuk zabaldutako oharrarekin.
Idatzi horretan, sindikatuak adierazi zuen sektorean haserrea eta kezka sortu dituztela “sare sozial batzuetan hedatu diren difamazioek”, sindikatuko aktore batzuek parte hartzen zuten produkzioei boikota egiteko deialdia zabaldu baitzuten sareotako hainbat erabiltzailek.
Orain, Espainiako Estatuko hainbat profesionalen babesa bereganatu dute aktoreok, “pertsonen integritateari eta adierazpen askatasunaren eskubideari egindako urraketa horiek salatzeko”.
“Interprete baten eta, oro har, edozein pertsonaren ideologia edo jatorria ez litzateke izan behar hura lan batean kontratatzeko edo ez kontratatzeko arrazoia”, dio 500 profesionalen sinadura dakarren oharrak.
Besteak beste, hauek sinatu dute boikota jasan dute aktoreen aldeko agiria: Ramon Agirre, Roberto Alamo, Uxue Alberdi, Anjel Alkain, Asier Altuna, Kike Amonarriz, Miren Amuriza, Nagore Aranburu, Itziar Atienza, Klara Badiola, Ylenia Baglietto, Ramon Barea, Josean Bengoetxea, Patxi Bizquert, Juan Diego Botto, Daniel Calparsoro, Borja Cobeaga, Sara Cozar, Secun de la Rosa, Alvaro de Luna, Karra Elejalde, Iraia Elias, Onintza Enbeita, Xabier Euzkitze, Ane Gabarain, Pascal Gaigne, Jon Garaño, Gari, Aitziber Garmendia, Aizepea Goenaga, Jose Mari Goenaga, Daniel Guzman, Iñake Irastorza, Elena Irureta, Lara Izagirre, Mikel Laskurain, Etxahun Lekue, Igor Legarreta, Ander Lipus, Fele Martinez, Jon Maya, Aitor Merino, Pepon Nieto, Melani Olivares, Jokin Oregi, Gorka Otxoa, Xabier Paya, Sergio Peris-Mencheta, Iñaki Perurena, Martxelo Rubio, Alberto San Juan, Aitana Sanchez Gijon, Xabi Solano, Patxo Telleria, Unax Ugalde, Kandido Uranga, Mikel Urdangarin, Pepe Viyuela, Amaia Zubiria.
Amaia Zubiria.Zure interesekoa izan daiteke
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.
Maialen Beloki: "Trantsizioa naturaltasun osoz bizi dugu"
Jose Luis Rebordinos Donostiako Zinemaldiaren zuzendariak eta Maialen Beloki urtarriletik aurrera horren tokia hartuko duenak hitza hartu dute irailaren 18an hasiko den hurrengo edizioaren kartelaren aurkezpenean.
Ricardo Darin argentinar aktorea izango da Donostiako Zinemaldiaren ikurra
2017an Donostia saria jaso zuen aktorearen argazkia ageri da Zinemaldiaren 74. edizioaren kartelean.
David Ilundain eta Helena Bengoetxea zuzendarien film berriak, zinemetan
“B, la película” eta “Uno para todos” filmen zuzendariak “Mallorca confidencial” estreinatuko du, eta Bengoetxeak, “Petrus” dokumentala.
Bev Ditsie zinemagile eta ekintzaileak jasoko du Zinegoaken Ohorezko Saria
Zinemagile eta Hegoafrikako LGTBIQ+ eskubideen aldeko borrokalariak ekainaren 22an jasoko du LGTBIQ+ Zinema eta Arte Eszenikoen Bilboko Jaialdiaren garaikurra, inaugurazio galan.
Velasco Broca arabar zinemagilea bere lehen film luzea filmatzen hasi da
"El futuro testamento" Madrilen, Burgosen, Bilbon, Comillasen, Errioxan eta Italian filmatuko da, Àlex Brendemühl, Mireia Oriol eta Ariadna Gil protagonista dituela.
"Fjord" filmak irabazi du Canneseko Urrezko Palma eta 'bi Javiek', berriz, zuzendaritza onenaren saria
Cristian Mungiu errumaniarraren 'Fjord' filmak, Renate Reinsve eta Sebastian Stan protagonista dituenak, irabazi du larunbat honetan Cannesko 79. Zinemaldiko Urrezko Palma. Zuzendari gisa, Javier Ambrossi eta Javier Calvo saritu dituzte "La bola negra" lanagatik.