Avranas, Lerman, Olivier Nakache eta Eric Toledano, Sail Ofizialean
Donostiako Zinemaldiak Urrezko Maskorra lortzeko lehian arituko diren hainbat filmen berri eman, eta Sail Ofizialean zuzendari hauen lanak proiektatuko dituztela aurreratu du: Barbara Albert austriarra, Alexandros Avranas greziarra, James Franco eta Matt Porterfield estatubatuarrak, Diego Lerman argentinarra, Ivana Mladenovic serbiarra, Olivier Nakache eta Éric Toledano frantsesak eta Nobuhiro Suwa.
Una especie de familia, Bárbara Lennie protagonista duen filma Diego Lerman argentinarraren bosgarren film luzea da, eta Love Me Not Alexandros Avranas greziar eta Veneziako jaialdiaren zuzendari onenaren sariaren irabazlearen laugarrena; bi pelikulek antzekotasunak dituzte jorratzen duten gaiari dagokionez.
James Franco The Disaster Artist komediaren zuzendari, ekoizle eta protagonista da, eta Olivier Nakachek eta Eric Toledanok (Intouchables, Samba) Le sens de la fête / C’est la vie! komedia aurkeztuko dute.
Soldatii. Poveste din Ferentari / Soldiers. Story from Ferentari Ivana Mladenovic serbiarraren fikziozko lehen film luzea da, eta Barbara Albert austriar antzezle, gidoilari eta zuzendaria Sail Ofizialera itzuliko da, Licht / Mademoiselle Paradis filmarekin.
Sollers Point Matt Porterfieldek sinatutako filma da, eta droga-trafikatzaile txiki baten etxe barruko atxiloketak ematen dio hasiera istorioari. Nobuhiro Suwak Le lion est mort ce soir / The Lion Sleeps Tonight filma aurkeztuko du.
Zinemaldiak hamabost film baieztatu ditu, honenbestez, Sail Ofizialerako. Izan ere, gaur iragarritakoez gain, inaugurazioko filma (Submergence, Wim Wendersena) eta joan den astean Espainiako Estatuko zinemari buruzko prentsaurrekoan jakinarazitakoak egongo dira ikusgai sail horretan: Handia (Jon Garaño eta Aitor Arregi), El autor (Manuel Martín Cuenca) eta Life and Nothing More (Antonio Méndez Esparza), Urrezko Maskorra lortzeko lehian; Marrowbone (Sergio G. Sánchez) eta La peste telesaila (Alberto Rodríguez), lehiaketaz kanpo; eta Morir (Fernando Franco) filmaren emanaldi berezia.
Zure interesekoa izan daiteke
‘Itzalak argitzen’: euskal zinemaren lau klasikoren zaharberritze prozesua erakusten duen dokumentala
Koldo Almandozek eta Gorka Bilbaok 'Itzalak argitzen' dokumentala gauzatu dute 80ko hamarkadaren erdialdean ekoitzitako lau film ertain zaharberritzeko prozesua dokumentatu ostean: ‘Hamaseigarrenean, aidanez’ (Anjel Lertxundi, 1985), ‘Zergatik panpox’ (Xabier Elorriaga, 1985), ‘Ehun metro’ (Alfonso Ungria, 1985) eta ‘Oraingoz izen gabe’ (Jose Julian Bakedano, 1986). Euskadiko Filmategiaren barruko Euskal Zinema zikloan estreinatuko da.
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.