Cannesko eta Berlingo film irabazleak, Donostiako Zinemaldian ikusgai
Urteko film garrantzitsuenetako batzuek osatuko dituzte Perlak eta Zabaltegi-Tabakalera Donostiako Zinemaldiko sailak. Perlak beste zinemaldi batzuetan arreta bereganatu duten filmak erakusten dituen sailean, Ilkido Enyedi zinemagilea, On Body and Soul fabularekin Urrezko Hartza irabazi zuen hungariarra, honako hauek izango ditu aurkari Donostia Hiria Publikoaren saria lortzeko: Nelyubov / Loveless (Andrey Zvyagintsev) Cannesko Epaimahaiaren sariaren irabazlea eta 120 battements par minute (120 BMP) / 120 Beats Per Minute (Robin Campillo) Cannesko Epaimahaiaren Sari Nagusiaren irabazlea.
Horiez gain, ikusleek emandako saria lortzeko lehian izango dira Wonderstruck Todd Haynesen lana eta Sundancen estreinatutako bi film: The Big Sick (Michael Showalter) eta Call Me By Your Name (Luca Guadagnino). Joan den astean iragarri zutenez, gainera, Loving Pablo Fernando Leon de Aranoaren pelikulak itxiko du saila.
Cannesko irabazlea, Zabaltegi-Tabakalera irekitzeko
Bestalde, The Square Ruben Östlund suediar zuzendariaren azken lanak zabalduko du Zabaltegi-Tabakalera saila, Cannesko zinema jaialdian Urrezko Palma irabazi ondoren.
Horrekin batera, L?amant d?un jour / Lover for a day (Philippe Garrel) eta Tesnota / Closeness (Kantemir Balagov) lehiatuko dira sail horretan. Aurreko batean Zinemaldiak iragarri zuenez, Saura(s) Félix Viscarret nafarraren filma ere ikusi ahalko da sail horretan.
Datozen asteetan jakinaraziko dute bi sail horiek zein filmek osatuko dituzten.
Zure interesekoa izan daiteke
?fmt=webp-alpha&qlt=80)
Samantha Hudson espainiar musikaria da Beldurrezko Astearen kartelaren protagonista
Donostiako zinema jaialdiaren kartelak Cinemasub Itsaspeko Zinemaren Nazioarteko Zikloa omendu du, horren 50. urteurrenean. Argazkiaren koordinazioaz Pedro Mambrú arduratu da, eta Javier Bermejo eta Chus Feijóo dira bere egileak.
Ez zinen zu, Lapulapuk hil zintuen zu, Ni inguratzen lehena
Magalhaes filmak Lope de Agirre, Fritzcarraldo, Hernan Cortés, Diego de Ibarra zein Pascual de Andoyagaren antzeko konkistatzaile, menderatzaile, esploratzaile, esplotatzaile, nabigatzaile iluminatuekin zerikusi franko izan zuen Porton jaiotako Fernão de Magalhãesen delirioa azaltzen du.
Brydie O’Connor zuzendariaren "Barbara Forever" dokumentala, 2026ko Zinegoak jaialdiko sari nagusiaren irabazlea
Lanak Barbara Hammer zinegile ezagunaren bizitza, obra eta ondarea aztertzen ditu bere artxiboko materialaren bidez. Aurtengo edizioko filmik nabarmenena izan da, hiru sari irabazi baititu.
"Dekoratua" filmak Paul Grimault saria irabazi du Annecyko zinema jaialdian
Uniko euskal ekoiztetxearen filmak animaziozko zinema jaialdiaren sari garrantzitsuenetan hirugarrena bereganatu du.
ZUZENEAN: Zinegoak jaialdiaren amaiera gala
Mikel Rueda “Boga” seriea zuzentzen ari da EITBrentzat
Sei ataleko seriea Mikel Santiagok eta Txemi Parrak sortu dute, eta Mikel Losada eta Iraia Elias ditu protagonista. Primeran EITBren plataforman egongo da ikusgai.
Haurtzaroari begira jarri da Marina Palacio "Y así seguirán las cosas" filmean
Euskal zuzendariak haurtzaroari eta despopulazioari buruzko istorio bat kontatuko du bere lehen film luzean. Aitarekin batera idatzi du, eta sei urtean filmatuko dute, Palentzian.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.