‘Three billboards outside Ebbing, Missouri’ nagusi, britainiar zinemaren sarietan
‘Three billboards outside Ebbing, Missouri’ nagusitu da bart Erresuma Batuko Zinema Akademiak ematen dituen Bafta sarien 71. edizioan.
Martin McDonaghen filma bederatzi sailetan zegoen izendatuta, eta bost sari irabazi ditu: film onena, emakumezko aktore onena (Frances McDormand), bigarren mailako gizonezko aktore onena (Sam Rockwell), jatorrizko gidoi onena eta britainiar film onena. Sari gehien pilatu dituzten filmen zerrendan bigarrena “The shape of water” izan da, hiru lortuta, eta “Darkest hour” eta “Blade Runner 2049” lanek bina eraman dituzte.
‘Three billboards outside Ebbing, Missouri’ McDonagh ingelesak idatzi eta zuzendutako lanaren ardatza Mildred Hayesen istorioa da, alabaren heriotza argitu gabe dagoela aldarrikatzeko hiru iragarki ohol alokatzen dituen amaren nondik norakoak.
McDonaghen lanak film onenaren Urrezko Globoa irabazi du duela gutxi, eta martxoaren 4an sail horretako Oscar saria irabazteko hautagai nagusia da, adituen ustez.
Guillermo del Toro mexikarrak aurreikuspenak bete ditu, eta zuzendari onenaren saria irabazi. Ez da ezustekorik izan, halaber, aktore nagusien sarietan, Gary Oldmanek “Darkest hour”en Winston Churchillena egitearren eta Frances McDormandek “Three billboards”eko paper protagonistagatik irabazi dituzte eta.
Bigarren mailako emakumezko aktore onenaren saria Allison Janney estatubatuarrak irabazi du “I, Tonya” lanagatik, zeinak Urrezko Globoa ere irabazi baitzuen eta Oscarra bereganatzeko hautagai nagusia baita.
Ridley Scotti omenaldia
Gaueko une hunkigarriena Ridley Scott britainiar zinemagileak industriari egindako ekarpenagatik Gilen printzearen, Cambridgeko dukearen, eskutik Ohorezko Bafta jaso duenekoa izan da.
Zure interesekoa izan daiteke
Ian Cortegoso 10 urteko bilbotarrak Nacho La Casaren "Un hijo" filmean egin du debuta
Ostiral honetan, maiatzaren 15ean, Ian Cortegoso 10 urteko aktore bilbotarra protagonista duen filma iritsi da zinema-aretoetara. Un hijo filmeko protagonista da, 8 urte zituenean grabatu zuena.
Aitor Etxebarriak musika jarri dio "The Black Mirror Experience" murgiltze-lanari
The Black Mirror Experience film espainiarra telesail ospetsuan oinarritutako murgiltze-lana da, eta Cannesko Zinemaldiko Immersive sail lehiakorreko sariaren bila dabil.
'Buzzheart' Dennis Iliadis greziarraren pelikula, Fanteko film luze onena
Fantasiazko zinemaren Bilboko jaialdiak Hyena Sail Ofizialeko labur onena eta Bea Lemaren El cuerpo de Cristo euskal film labur onena ere saritu ditu.
Daniel Calparsoro 'El Confidente', ETAko sator bati buruzko istorio berri bat, filmatzen ari da Donostian
Aktore taldean Javier Gutierrez, Miguel Herran eta Itsaso Arana daude, besteak beste. EITB grabazioan sartu da.
Euskal Herriko zinema-areto komertzialetako emanaldien % 2,25 izan ziren euskaraz 2025ean
Pantailak Euskaraz ekimenak eta Hizkuntza Eskubideen Behatokiak iaz euskal aretoetan egindako proiekzioak aztertu dituzte, eta datu “gordin bezain kezkagarriak” aurkeztu.
“Las hijas”: Alabak Cannesen daude
Yune Nogueiras protagonista duen filma thriller psikologiko bat da, Daniel Romero pelikularen zuzendariak eta Asier Guerricaechevarria bilbotarrak idatzia. Marché du Film topagunean parte hartzen ari da Cannesen, salmenta agenteen, banatzaileen eta jaialdietako programatzaileen faborearen xerka.
?fmt=png-alpha&qlt=80)
Altxaliliak Cannesen, izan nahi dutena izan daitezkeela aldarrikatzeko bidean
Altxaliliak Maia Iribarneren dokumental luzea Marché du Filmen, Cannesko zinema jaialdian industriak antolatzen duen topagunean, bidea egiten ari da egunotan, lankidetzarako aukeren bila. Ikusi pelikularen lehen irudiak.
Dena prest Cannesen, pantailak dirdiraka hasteko
Peter Jackson eta Barbra Streisand omenduko dituzte, eta izen handiak daude Sail Ofizialean: Almodovar, Farhadi, Pawlkowski, Sorogoyen, Kore-eda, Mungiu...
Fabio Testi aktore italiarrak Ohorezko Fant saria jasoko du
Larunbatean, fantasiazko zinemako jaialdiaren amaiera galan, jasoko du aktoreak beldurrezko eta fantasiazko generoetan nabarmendu den profesionalentzako saria.
Jules Mamonek "bestetasun, singulartasun eta munstroaren figuraz" jantzi du Zinegoaken kartela
LGTBIQ+ Zinema eta Arte Eszenikoen Bilboko Jaialdiak 23. edizioaren irudia aurkeztu du. “Bestea deitu duten hori eztabaidaren erdian” jarri nahi du Zinegoakek.