Bilbao Bizkaia Film Commissionek 117 filmatze lani eskaini zien zerbitzua 2017an
Bilbao Bizkaia Film Commissionek, Bilboko Udalak eta Bizkaiko Foru Aldundiak filmatze lanak bideratu, kudeatu eta erakartzeko 2015ean sustatutako zerbitzu publiko eta doakoak, ontzat jo du iaz, 2017an, ikus-entzunezko proiektuen 117 filmatze lanetan parte hartu izana.
117 filmatze lan horietatik 56 Bizkai, Araba eta Gipuzkoak ziren, eta errodatze horien guztien emaitza 4 film luze, 42 iragarki, 14 film labur, 27 telebista saio, 14 bideoklip eta 7 dokumental izan ziren.
Izenei dagokienez, Julio Medem donostiarrak Gorbeiako Parke Naturalean eta Abadiñon filmatu zituen bere azken pelikulako (‘El árbol de la sangre’) eszena batzuk; Igor Legarretak Abandoko geltokian eta Urkiola Natur Parkean grabatu zituen ‘Cuando dejes de quererme’ bere lehen filmeko hainbat irudi; eta El Pobaleko (Muskiz) burdinola ‘Errementari’ Paul Urkijoren filmaren agertoki nagusietakoa izan zen.
Bestalde, Gracia Querejetak Bilbon (Olabarri jauregia, Zubizuri, Abando, Zorrotzaurre eta Olabeaga), Bizkaia Zubian, Getxon eta K2000 Galdakaoko estudioetan filmatu du ‘Ola de crímenes’ udazkenean estreinatuko duen pelikula.
2018ko jardunari dagokionez, Bilbao Bizkaia Film Commission "jardun biziz" hasi du urtea. Koldo Serra eta Galder Gaztelu-Urrutia zinemagileek Bizkaian filmatu dituzte osorik bere film luze berriak, ’70 binladens’ eta ‘El Hoyo’, hurrenez hurren.
CONTENIDO NO ENCONTRADO
Zure interesekoa izan daiteke
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ez da ostegunean irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.