Euskal zinemak leihoa irekiko du Cannesko 71. jaialdian
Euskal zinema ordezkatuta egongo da Cannesko jaialdian, gaurtik maiatzaren 19ra arte, Cate Blanchett aktorea buru izango duen epaimahaiak Frantziako jaialdiaren palmaresa argitzen duen arte.
Sail ofizialaren barruan, baina lehiaketatik kanpo, Another day of life Raul de la Fuentek (film dokumental onenaren saria, Minerita lanagatik) Damian Nenowrekin batera zuzendutako animaziozko filma emango dute, zeinetan, ETBren parte-hartzearekin, Ryszard Kapuscinski erreportariaren bizitza kontatzen baita.
CONTENIDO NO ENCONTRADO
Horrez gain, Arantxa Echevarria bilbotar zuzendariak Zinemagileen Hamabostaldian parte hartuko du Carmen y Lola bi emakumezko ijitoren arteko maitasun istorioa kontatzen duen pelikularekin, bere lehen film luzearekin.
Bestalde, Alberto Iglesias donostiar musikariak zinema jaialdia zabalduko duen filmaren musika sortu du. Todos los saben Ashghar Farhadi irandarrak zuzendutako pelikula da, Javier Bardem, Penelope Cruz eta Ricardo Darin protagonista dituena.
Abiatzeko filmetik ixtekora eginda, The man who killed Don Quixote proiektatuko den azken filma, Terry Gilliam Monty Phyton taldeko kide ohiak zuzendua, Nafarroan filmatu zuten, besteak beste.
CONTENIDO NO ENCONTRADO
Zineuskadi
Cannesko pantailetan ez ezik, jaialdiaren kariaz egiten den azokan ere izango da euskal zinema, 43 proiektuko katalogoa eramango baitute bertara, tartean Elkano, lehen mundu bira Dibulitoon Studiosen lanik berriena.
Txintxua Films ere lanean arituko da Cannesen, eta Elkarrekin esnatzeko ordua Kirmen Uriberen eleberria pantaila handira eramateko demarako babes bila jardungo da.
Koreeda, Spike Lee…
Cate Blanchett aktorearekin batera, hauek osatuko dute epaimahaia: Chang Chen txinatar aktorea; Ava DuVernay estatubatuar gidoigile, zuzendari eta ekoizlea; Robert Guediguian frantses zinemagilea; Khadja Nin burundiar musikaria; Lea Seydoux frantses aktorea; Kristen Stewart estatubatuar aktorea; Denis Villeneuve quebectar zuzendaria; eta Andrey Zvyagintsev errusiar zinemagilea.
Sail ofizialean lehiatuko diren filmen artean, Farhadirenaz eta Gilliamenaz gain, hauek daude: Le livre d'image (Jean-Luc Godard), Manbiki kazoku (Hirokazu Koreeda), Blackkklansman (Spike Lee), Se rokh (Jafar Panahi) eta Lazzaro felice (Alice Rohrwacher).
Zure interesekoa izan daiteke
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.