Arantxa Echevarria bilbotarrak ‘Carmen y Lola’ estreinatu du
“Denok gogoratzen dugu maitemindu ginen lehen aldia, inoiz ez da berriz bizitzen halako intentsitate mailarik eta abandonurik”: esaldi horrekin aurkeztu du Arantxa Echevarria zuzendariak “Carmen y Lola” Hegoaldean gaur estreinatuko den filma, familien tabuei eta arbuioari aurre egin beharko dioten bi emakume ijitoren arteko maitasun istorioa kontatzen duena.
Canneseko jaialdian estreinatu eta Europako Zinema Sarietarako aukeratu eta gero, publikoak gaurtik, irailak 7, aurrera ikusi ahalko du.
"Maitasun istorio bat"
Echevarriak azaldu duenez, lehen maitasunari buruzko pelikula bat egin nahi zuen hasieran, eta gero etorri zen pertsonaia nagusiak emakume ijitoak izateko ideia, 2009an, emakume ijitoen arteko ezkontza ezkutu baten berri irakurri zuenean, egunkarian.
Hurrengo urratsa ikertzea zen, antzeko egoerak bizi izandako neskekin hitz egitea, eta, azkenean, batekin hitz egin ahal izan nuen, txat batean. “Guztira, 16 bat neskarekin egin nuen harremana gero. Beraiek izan ziren gidoiaren froga-harria; zerbait idazten nuen bakoitzean, galdetu egiten nien”, azaldu du.
Filma “oso arina” da errealitatearen aldean, Echevarriaren esanetan. “Ez nuen muturrera iritsi nahi izan”, azpimarratu du. Hala ere, ekainean, Zinemaren eta Emakumeen Iruñeko Erakusketan estreinatzeko zela, Dibertsitatearen aldeko Emakume Ijitoen Elkarteak filmaren kontra egin zuen, “trailerra ikusi eta gero”, “estereotipo arrazista, matxista eta zapaltzaileak” betikotu egiten zituelakoan.
“Beroaldia izan zen”, adierazi du zuzendariak, gauzak bere onera etortzeko gogoz. “Ni feminista naiz eta beraiek ere bai, eta guretzat okerrena emakumeon artean eztabaidan aritzea da. Elkarrekin borrokatu behar gara”, esan du.
“Nik uste autodefentsa dela, eta ulertzen dut. Txarto jokatu zuten pelikula ikusi barik kritikatu zutelako, baina ulertzen ditut beldurrak”, azaldu du.
Esperientziarik gabeko aktoreak
‘Carmen y Lola’ko protagonistak, Zaira Romerok eta Rosy Rodriguezek, ez zuten ez prestakuntzarik ez esperientziarik aktore gisa, ezta gainerako antzezle guztiek ere, eta casting zorrotz batean aukeratu zituzten. “Aktore naturalek freskotasuna eta errealitatea ekarri dituzte”.
Hurrengo filmerako, hainbat ideia darabiltza buruan Echevarriak: “Txinatar etorkinen bigarren belaunaldian interes berezia dut, Espainian jaio dira eta gaztelania erabiltzen dute, baina gurasoek agian ez, eta horrek kultura talka bat dakar. Bi mugen arteko lurretan bezala daude”.
Zure interesekoa izan daiteke
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.
Maialen Beloki: "Trantsizioa naturaltasun osoz bizi dugu"
Jose Luis Rebordinos Donostiako Zinemaldiaren zuzendariak eta Maialen Beloki urtarriletik aurrera horren tokia hartuko duenak hitza hartu dute irailaren 18an hasiko den hurrengo edizioaren kartelaren aurkezpenean.
Ricardo Darin argentinar aktorea izango da Donostiako Zinemaldiaren ikurra
2017an Donostia saria jaso zuen aktorearen argazkia ageri da Zinemaldiaren 74. edizioaren kartelean.
David Ilundain eta Helena Bengoetxea zuzendarien film berriak, zinemetan
“B, la película” eta “Uno para todos” filmen zuzendariak “Mallorca confidencial” estreinatuko du, eta Bengoetxeak, “Petrus” dokumentala.