Salgai dira jada Donostiako Zinemaldirako sarrerak
Gaur goizean jarri dituzte salgai Donostiako Zinemaldirako sarrerak. 09:00etan ireki dira Kursaaleko txarteldegiak, eta Internet bidez ere ordu horretatik aurrera jarri dira eskuragai 66. edizio honetako sarrerak. Ia ia lehen-minututik "saturatuta" egon da zerbitzua eta sare sozialetan kexa ugari izan da arrazoi hori dela eta, baina antolakuntzatik jakitera eman duenez, 14.300 sarrera saldu dira lehen 45 minututan:
Era berean, sarrerak erosteko bigarren webgune baten berri ere eman dute.
Pertsona bakoitzak gehienez lau sarrera erosi ahal izango ditu saio bakoitzeko, eta 10 sarrera baino gehiago erosiz gero, %25eko deskontua egingo zaio.
Badira gazteentzako deskontuak ere: Gazte txartela dutenek sarrera bakoitzean %50eko deskontua izango dute, eta Donostia Kultura txartela dutenek, %10eko deskontua izango dute 7,90€ balio duten sarreretan.
Zinemaldia, irailaren 21etik aurrera
Zinemaldiaren irekiera ekitaldia, irailaren 21eran izango da, eta ETB1 zein eitb.eus-en zuzenean jarraitu ahal izango da. EiTB taldeak jarraipen estua egingo dio jaialdi osoari.
Nazioarteko hainbat aktore espero dira hurrengo egunetan Donostian: Juliette Binoche, Ryan Gosling eta Robert Pattinson, besteak beste. Judi Dench eta Dani DeVito izango dira aurtengo Donostia Sariak.
Eta etxeko ekoizpenei dagokienez, 20 euskal film aukeztuko dira.
Zure interesekoa izan daiteke
EZAEk Zinemaren Euskal Festa ospatuko du larunbat honetan
Ekimenak publikoarekin loturak indartzea eta zinema-aretoen balio kulturalaren aitortza bultzatzea du helburu. Sarrera guztiak 3 euroko prezio sinbolikoan eskainiko dira.
Ikusi primizian "El mal" Bajo Ulloaren film berriaren trailerra
EITBren parte hartzea duen filmean, inoizko hiltzaile handienari buruzko liburu bat idazteko proposamena jasoko duen kazetari baten istorioa kontatzen du Juanma Bajo Ulloa zinemagile gasteiztarrak.
Odola! Odol gehiago!
Telebista-emankizun batentzako kamerak har dezaken horretatik harago doaz beti Albert Serraren eta Imanol Rayoren objektiboak, errealitateak ezkutatzen duen ‘egia’ horren bila. Eta ez egia biribila, osoa, aldaezina den hori, baizik eta gauzen, gizakion, bizidunen, momentuen esentzia dardartia gordetzen duena.
Oscarren banaketa ekitaldia Youtuben ikusi ahal izango da 2029tik aurrera
Hollywoodeko Akademiaren eta bideo plataformaren arteko akordioa 2033ra artekoa da gutxienez.
"Las hijas" filmaren grabaketan izan gara, Urduñan
Urduñan (Bizkaia), Las hijas filmatzen ari dira, EITBk parte hartzen duen pelikula. Emakumeak protagonista dituen thriller psikologikoa da eta hausnarketa sakona egitera gonbidatuko gaitu. Bost aste daramatzate grabazioak egiten, eta filmaketaren azken egunetan daude; beraz, laster ikusiko dugu pantaila handian.
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.