Zinemaldiko filmen aukeraketa bat, Azkuna Zentroan ikusgai
Azkuna Zentroa Bilboko kultur zentroak Zinemaldiaren 66. edizioan lehen aldiz proiektatutako filmen sorta bat aurkeztuko du, urriaren 1etik 7ra, Golem aretoetan.
Hasteko, urriaren 1ean, Another Day of Life Raul de la Fuente zuzendari iruindarraren eta Damian Nenow poloniarraren filma jarriko dute ikusgai, Cannesko Zinemaldian estreinatu eta Donostian publikoaren saria irabazi duena.
Manbiki Kazoku Hirokazu Kore-eda zuzendari japoniarraren film sariduna da ikusgai egongo den hurrengo filma. Cannesko 2018ko zinemaldian Urrezko Palma irabazi zuen, eta Kore-edak Donostia saria jaso du bukatu berri den Zinemaldian.
Ondoren, asteazkenean, zikloak 3 Faces Jafar Panahi zuzendariaren film irandarra eskainiko du, eta L’Homme fidèle Louis Garrel frantses zuzendariaren filma proiektatuko da ostegunean; gidoi onenaren saria irabazi zuen Zinemaldian.
Ostiralean, The Sisters Brothers filmaren txanda izango da. Jacques Audiard zuzendari frantsesak westernera jo du, gidoian Thomas Bidegain zuberotarraren laguntza duela, Joaquin Phoenix, John C. Reilly eta Jake Gyllenhaal protagonista dituen film honekin.
Capharnaüm Nadine Labaki zuzendari libanoarraren filma egongo da ikusgai larunbatean, eta igandean, azkenik, Mirai Mamoru Hosodaren film japoniarrak emango dio amaiera programazioari.
Sarrerak Golem Alhondigako leihatiletan eta webgunean egongo dira salgai. Saio bakoitzaren prezioa 4,5 eurokoa da, Zinemaren Jaian izan ezik (urriak 1, 2 eta 3), 2,90 euroko prezioa izango baitu.
Zure interesekoa izan daiteke
Zinemaldiak atzerabegirako bat eskainiko dio Jose Giovanniri
Frantses zinemagile eta nobelagileak hamabost film zuzendu, eta Jacques Becker, Jean-Pierre Melville eta Jacques Derayrekin lan egin zuen.
Langileei buruzko Zinemaren Asteak Paul Laverty gidoilaria saritu du
Eskoziar idazleak Ken Loach eta Iciar Bollain zinemagileekin lan egin du batez ere. Martxoak 3 Elkarteak saria eman dio bart, Langileei buruzko Zinemaren Asteko amaiera ekitaldian.
Imanol Uribek jasoko du Giza Eskubideen Donostiako Zinemaldiaren sari berezia
Palestine 1936 filmak inauguratuko du eta Rebuilding filmak itxiko du zinema jaialdiaren 23. edizioa.
Fant jaialdiak Bruno Martin saritu eta erakusketa eskainiko dio Nere Torrijos jantzi-diseinatzaileari
Fantasiazko Zinemaren Bilboko Jaialdiak madrildar zuzendari, gidoilari eta aktoreari emango dio FANTrobia, zinemako eragile berrien saria, eta Planoz Kanpo saila estreinatuko du, zinema industriaren inguruko jarduerei eskainitakoa.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Punto de Vistak 90 pelikula eskainiko ditu 20. urtebetetzea ospatzeko
Film dokumentalen Iruñeko jaialdiak 66 emanaldi prestatu ditu, apirilaren 20tik 25era emateko. EITBk film labur onenaren saria emango du, eta Ziarraize eta Kukuaren kanta lanak dira, besteak beste, horretarako hautagai.
Apika Labek bultzatuko dituen ikus-entzunezko sei proiektuak hautatu dituzte
Euskal ikus-entzunezko lanei zuzendutako babes eta laguntza programa publikoak Pedro Fuentes, Tamara García Iglesias, Aitor Azurki, Alvaro Arbina eta Joana Moyaren azken lanak bultzatuko ditu.
Ia milioi bat ikusle izan dira urteko lehen hiruhilekoan EAEko zinema aretoetan
“Torrente presidente” izan da film ikusiena tarte horretan, martxoaren 13an estreinatu bazen ere. “La asistenta”, “Avatar: Fuego y ceniza”, “Hamnet” eta “Cumbres borrascosas” pelikulek osatzen dute bost ikusienen zerrenda.
Bero egiten du Laponian
Zinemara goazen bakoitzean, hitzarmen bat sinatzen dugu pelikularekin: engaina nazazu gozoki, prest nauzu.
Silver Film Festivalek Elena Irureta omenduko du
Jaialdiaren laugarren edizioa apirilaren 20tik 24ra egingo dute, Bilbon, eta 16 filmen proiekzioa, solasaldiak eta hitzaldiak antolatu dituzte. Maiatasuna eta sexua adinari begiratu gabe bizitzeko gonbita egingo du, bost egunez.