EiTBk finantzatutako 12 film egongo dira ikusgai Zinemaldian
EiTBk finantzatutako hamabi film dira 67. Donostiako Zinemaldiko parte. Guztira, 21 euskal film ikusi ahalko dira Zinemaldian.
17 film luzek, film ertain batek eta hiru film laburrek osatzen dute 2019ko Zinemaldiko euskal pelikulen kartela. Horietako hamabi Euskal Irrati Telebistaren partaidetza izan dute ekoizpenean. EiTBk finantzatutako pelikulen artean, sei Euskal Zinemaren Irizar Saria irabazteko lehian izango dira, estreinaldiak direlako.
Asier Altuna eta Telmo Esnalen pelikula berria, Agur Etxebeste, Euskal Zinemaren Galako protagonista izango da. Gipuzkoako zuzendariek orain dela 14 urte estreinatu zuten Aupa Etxebeste, eta Donostiako Zinemaldian beste pelikulekin izan ostean, Patricio Etxebeste eta Maria Luisa emaztearen bizitzako kapitulu berria ekarriko dute.
EiTB Galan beste estreinaldi bat ikusi ahalko da, Irizar Sariaren lehian ere egongo dena: Una ventana al mar, Miguel Angel Jimenezek zuzenduta. Minbizia diagnostiko baten berri izan ondoren lagunekin Greziara doan emakume bat hezurmamitu du Emma Suarezek.
Zinemira sekzioaren barruan EiTBren partaidetza izan duten sei pelikula izango dira: 70 Binladens (Koldo Serra), Elkano: lehen mundu bira (Angel Alonso), El doble más quince (Mikel Rueda), La pequeña Suiza (Kepa Sojo), Muga deitzen da pausoa (Maider Oleaga) eta Soinujolearen semea (Fernando Bernues).
Aitor Arregik, Jon Garañok eta Jose Mari Goenagak zuzendu duten La trinchera infinita pelikula Sail Ofizialeko lehian izango da, baita Irizar Saria irabazteko borrokan ere.
Gauza bera egingo du Maider Fernandez Iriartek zuzendu duen Las letras de Jordi pelikulak, zuzendari berrien New Directors sailean. Donostiarraren lehen film luzea, gainera, Gazteriaren Sarirako lehiatuko da.
Perlak sailean O que arde (Oliver Laxe) izango da ikusgai, eta Culinary Zineman, Mikel Urretabizkaiaren Gazta, Irizar Sarirako lehian.
Jose Maria 'Txepe' Larari emango diote Zinemira Saria, Euskal Zinemaren Galan. 1985ean tekniko lanetan hasi zenetik egon da lotuta zinemarekin, baina bereziki nabarmena da ekoizpenean egin duen lana.
67. Donostiako Zinemaldiaren euskal pelkula guztiak:
Euskal Zinemaren Gala
Agur Etxebeste! (Asier Altuna, Telmo Esnal) – EiTBren partaidetzarekin
EiTB Gala
Una ventana al mar (Miguel Angel Jimenez) – EiTBren partaidetzarekin
Zinemira
Varados (Helena Taberna)
70 binladens (Koldo Serra) – EiTBren partaidetzarekin
Elkano, lehen mundu bira (Angel Alonso) – EiTBren partaidetzarekin
El doble más quince (Mikel Rueda Sasieta) – EiTBren partaidetzarekin
Glittering Misfits (Iban del Campo Uribarrena)
Hiru uhinak (Loic Legrand)
La pequeña Suiza (Kepa Sojo) – EiTBren partaidetzarekin
Muga deitzen da pausoa (Maider Oleaga) – EiTBren partaidetzarekin
Paseko txoriak (Juan Miguel Gutierrez Marquez)
Soinujolearen semea (Fernando Bernues) – EiTBren partaidetzarekin
Sail Ofiziala
La trinchera infinita (Aitor Arregi, Jon Garaño, Jose Mari Goenaga) – EiTBren partaidetzarekin
New Directors
Las letras de Jordi (Maider Fernandez Iriarte) – EiTBren partaidetzarekin
Zabaltegi-Tabakalera
Urrezko kondaira (Ion de Sosa, Chema Garcia Ibarra)
Lursaguak (Izibene Oñederra)
Urpean Lurra (Maddi Barber)
Perlak
O que arde (Oliver Laxe) – EiTBren partaidetzarekin
Culinary Zinema
Bittor Arginzoniz. Vivir en el silencio (Iñaki Arteta)
Gazta (Mikel Urretabizkaia) – EiTBren partaidetzarekin
Zer jan hura izan (Igor Arabaolaza)
Zinemira Kimuak
Artiko (Josu Venero, Jesus Mari Lazkano)
El infierno (Raúl de la Fuente)
Labo (Jesús Mª Palacios)
Urrezko kondaira (Ion de Sosa, Chema García Ibarra)
Lursaguak (Izibene Iñederra)
Mateoren ama (Aitor Arregi, Jose Mari Goenaaga)
Medvedek (Ainhoa Gutiérrez del Pozo)
Europa-Latinoamerika Koprodukzio Foroa
Karmele (Asier Altuna)
Ikusmira Berriak
Jo ta ke (Aitziber Olaskoaga)
Zure interesekoa izan daiteke
EZAEk Zinemaren Euskal Festa ospatuko du larunbat honetan
Ekimenak publikoarekin loturak indartzea eta zinema-aretoen balio kulturalaren aitortza bultzatzea du helburu. Sarrera guztiak 3 euroko prezio sinbolikoan eskainiko dira.
Ikusi primizian "El mal" Bajo Ulloaren film berriaren trailerra
EITBren parte hartzea duen filmean, inoizko hiltzaile handienari buruzko liburu bat idazteko proposamena jasoko duen kazetari baten istorioa kontatzen du Juanma Bajo Ulloa zinemagile gasteiztarrak.
Odola! Odol gehiago!
Telebista-emankizun batentzako kamerak har dezaken horretatik harago doaz beti Albert Serraren eta Imanol Rayoren objektiboak, errealitateak ezkutatzen duen ‘egia’ horren bila. Eta ez egia biribila, osoa, aldaezina den hori, baizik eta gauzen, gizakion, bizidunen, momentuen esentzia dardartia gordetzen duena.
Oscarren banaketa ekitaldia Youtuben ikusi ahal izango da 2029tik aurrera
Hollywoodeko Akademiaren eta bideo plataformaren arteko akordioa 2033ra artekoa da gutxienez.
"Las hijas" filmaren grabaketan izan gara, Urduñan
Urduñan (Bizkaia), Las hijas filmatzen ari dira, EITBk parte hartzen duen pelikula. Emakumeak protagonista dituen thriller psikologikoa da eta hausnarketa sakona egitera gonbidatuko gaitu. Bost aste daramatzate grabazioak egiten, eta filmaketaren azken egunetan daude; beraz, laster ikusiko dugu pantaila handian.
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.