Pepa San Martin txiletar zuzendariak jasoko du Zinegoakeko ohorezko saria
Zinegoak Bilboko gayslesbitrans zinema eta arte eszenikoen nazioarteko jaialdiak Pepa San Martin zuzendari txiletarren "zinema konprometitu eta ahaldundua" aitortuko du, 17. edizioaren ohorezko saria berari emanez.
Pau Guillen Zinegoak jaialdiko zuzendariak azaldu duenez, "mundua eraldatzeko arma gisa ulertzen ditu San Martinek zinema eta kultura".
Curicó hirian jaiotakoa, 1974. urtean, San Martinek La Ducha eta Gleisdreieck zuzendu zituen 2011n eta 2012an, eta emakume lesbianei eman zien bertan narrazioaren espazio nagusia, lotura afektibo sakon eta konplexuak deskribatzeko.
2016an, Rara, bere lehen film luzea, kaleratu zuen eta arrakasta lortu zuen publikoaren eta kritikaren artean, besteak beste Donostiako Zinemaldiko Horizontes Latinos saria jasota.
Pau Guillen Zinegoak jaialdiko zuzendariaren arabera, "Pepa San Martinen filmografiak eskema zaharrak irauli nahi ditu, elkarrizketak irekitzen dituen bitartean". Era berean, Txilen emakumeen eskubideen eta parekidetasunaren alde emandako urratsak nahikoak ez direla aldarrikatzen du zinemagileak, jaialdiak ohar batean azaldu duenez.
Otsailaren 24an jasoko du saria, Arriaga antzokian egingo duten inaugurazio galan jasoko du. Aurretik, hilaren 23an, Rara bere filma proiektatuko da, 19:00etan, BBK Salan, eta otsailaren 26an maisu eskola bat eskainiko du Euskal Herriko Zinema Eskolan, EHZE.
Epaimahaiak
Halaber, sail ofizialeko hiru sailetako (Fik, Dok eta Krak) epaimahaikideen izenak ere jakinarazi ditu jaialdiak.
Fik epaimahaia osatuko dute Eneko Sagardoy aktoreak, Juan Zapater BilbaoArteko zuzendari eta zinema kritikariak eta Frida Barbarak; Dok epaimahaia Tania Arriagak, Valeria Vegasek eta Andres Duquek; eta Kraken izango dira Aimar Arriola, Nuria Castellote eta Antoni Hickling.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.