Woody Allenek Donostian grabatutako filmak irekiko du Zinemaldia
Rifkin’s Festival-ek, Woody Allenek orain arte egin duen azken pelikulak, irekiko du Donostiako Zinemaldia.
Donostian grabatu zuen lan hori zuzendari eta aktore estatubatuarrak, eta horrek emango dio hasiera zinema-jaialdiaren 68. edizioari, irailaren 18an, inaugurazio galan.
Zinemaldiak ostegun honetan egin du iragarpena, ohar baten bidez, eta gogorarazi du Annie Hall-en egileak bigarren aldiz irekiko duela Zinemaldia, 2004an Melinda y Melinda filmarekin egin ondoren, Donostia Saria jaso eta Zinemaldiak atzera begirako bat eskaini zion urtean, hain zuzen ere.
Elena Anaya, Louis Garrel, Gina Gershon, Sergi Lopez, Wallace Shawn eta Christoph Waltz aktoreak aritu dira Allenen azken filmean.
Rifkin 's Festival komedia erromantikoa da, eta Zinemaldira joaten den eta jaialdiarekin liluratuta geratzen den bikote estatubatuar baten istorioa kontatzen du.
"Emakume batek affaire bat du Frantziako zinema zuzendari batekin, eta gizona hirian bizi den espainiar eder batekin maiteminduko da. Modu dibertigarrian konpontzen den komedia erromantikoa da", aurreratu du jaialdiak.
Harreman luzea
Zinemaldiak zinemagile newyorktarrarekin duen harremana 70eko hamarkadaren amaieran hasi zen, Manhattan (1979), Zelig (1983) eta Manhattan Murder Mystery (1993) filmak Sail Ofizialean, lehiaz kanpo, zein sail paraleloetan proiektatu zirenean.
1995ean, Zabaltegi sail jaioberria The Purple Rose of Cairo lanarekin inauguratu zen. Azken urteotan, Perlak sailean izan dira ikusgai haren filmetako batzuk: Match Point (2005), Vicky Cristina Barcelona (2008), Whatever Works (2009) eta Irrational Man (2015).
Albiste gehiago zinema
Biba Zinema eta Lege Berriak!
Begoña del Tesok gaur egun zinema kontsumitzeko moduaren analisia egin du.
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.