48 kultur emanaldi prestatu dituzte Gasteizen uda honetarako
Gasteizko Udalak 2020ko udako kultur programazioa aurkeztu du, uztailaren 14tik irailaren 4ra. "Normaltasun berriaren" barruan, Gasteizko kultura suspertzeko sortutako ekimen berri bat.
"Gure helburu nagusia tokian tokiko kultura babestea da, berriz ere kaleetara ateratzea, eta, azken batean, zuzeneko ikuskizunaren ilusioa berreskuratzea. Horretarako, Kultura Zerbitzutik, tokiko konpainia eta taldeetan soilik oinarritutako programazioa antolatu dugu, bai Gasteizkoa eta bai Arabakoa", adierazi du Estibaliz Canto Hezkuntza eta Kultura zinegotziak. "Joan den ekainaren 16an egindako Kultura Elkargunean proposamen interesgarriak jaso genituen, eta horietako asko uda honetan babestu nahi izan ditugu", gaineratu du.
Herriko konpainiak eta taldeak izango dira, beraz, aire zabaleko kultur programazioko protagonistak; uztailaren 14tik irailaren 4ra bitartean izango dira, asteartetik ostiralera, arratsaldez. Kaleko antzerkiaz, dantzaz, kontzertuetaz, magiaz, antzerkiaz, bertso saioez, bakarrizketez, zirkuaz, aire zabaleko zinemaz eta pintura lehiaketa batez gozatzeko aukera izango dute herritarrek.
Ikuskizun guztiak aire zabalean egingo dira, barruti mugatuetan, edukiera mugatuarekin. Jarduerak hiriko hainbat lekutara iritsiko dira, hala nola, Arriaga Parkera, Aranbizkarra Parkera, Zulueta Jauregiko lorategietara, Hegoalde eta Zabalgana Gizarte Etxearen kanpoaldera, Neveretara, Salburua auzora ('Gabriela Mistral' kirol-gunea) eta mintegira.
Uda honetan, Gasteizek aire zabaleko zinema emanaldiak izango ditu hiriko hainbat tokitan. 'Detective pikatxu' saioa uztailaren 31n hasiko da, Santa Maria Katedraleko plazan, eta abuztuaren 29an, larunbata, amaituko da, 'Padre no hay más que uno' filmaren proiekzioarekin, espazio berean. Zikloak 'La pequeña Suiza','Aladdín','Vitoria, 3 de marzo','Chicos buenos' eta 'Los Goonies' izenburuak izango dira. Play Gasteizekin elkarlanean antolatutako zikloa.
Eta uztailaren 18an ospatuko da Aire Zabaleko Pintura Lehiaketaren XIV. edizioa. Parte hartu nahi dutenek uztailaren 6tik 16ra bitartean (biak barne) formalizatu ahal izango dute eskabidea, udalaren webgunearen eta 010 telefonoaren bidez (945 161100 Gasteiztik kanpo) eta lehiaketaren egunean bertan, gehienez 55 parte-hartzaile izan arte.
Aurten aukeratutako gaia 'Hirigintza XXI. mendean: Salburua auzoa' izango da, azken urteetan hiriaren ekialderantz gauzatu den hedapen urbanistikoa erakutsiko duena. Larunbat goizean gasteiztarrek lehiaketan parte hartzen ari diren artistak egite dituzten lanak ikusi ahal izango dituzte Salburua auzoan.
Oro har, hainbat kultur generotako proposamenek osatuko dute programazioa:
-Artes Eszenikoak, Zanguango, El Mono Habitado, Pez Limbo, Zurrunka, Kolectivo Monstrenko, Gag Street Boys, Panta Rhei…
-Zirkua, Sarini Zirko, Hutsun + Ortzi, Bapatean…
-Dantza, Larrua, Doos Colectivo…
-Magia, Sun Magoa, D’Albeniz Magoa, Asier Kidam…
-Bakarrizketak, Gorka Aginagalde, Belén Nevado, Kike Loiola, Jose Cruz Gurrutxaga, Josune Vélez de Mendizabal + Ane Gebara…
-2 bertso-saio, Arabako Bertsozale Elkartea
-Musika, Mice, Izaki Gardenak, Moni Garage, Shiny Red Mood, Aldakan Beltz, Raul Romo, Moonshine Wagon, Los Misterios, Turukutupá…
Izaki Gardenak taldea
Banda itzuliko da
Gainera, Uraren Lorategi sekretuan Gasteizko Udal Musika Bandaren 7 kontzertu antolatuko dira uztailaren 10etik 24ra eta irailaren 4tik 25era. Gasteizko publikoarekin egindako topaketan, Udal bandak, Luis Urduña eta Iker Olazabalek zuzenduta, 'Música de Km.0', 'Héroes y villanos', 'Música Latina', 'Personajes históricos' edo 'una aventura espacial' emanaldiak eskainiko ditu.
Kultura segurua
Kultura Sailak protokolo bat ezarri du programatutako ikuskizun bakoitzean segurtasuna bermatzeko eta indarrean dagoen araudia betetzeko:
- Ikuskizun guztiak aire zabalean egingo dira, barruti mugatuetan, edukiera mugatuarekin eta sarrera-irteera kontrolekin, era berean, plazak erreserbatu beharko dira.
- Ezin izango da zutik egon, eta, horretarako, aulkiak jarriko dira, metro eta erdiko tartea utzita. Aulkiak desinfektatu egingo dira pase bakoitzaren aurretik eta ostean.
- Sarbidea eta egokitzapena errazteko, behar besteko denboraz joan beharko da. Ikuskizuna hasi baino 30 minutu lehenagotik egongo da baimenduta sarrera.
- Sarrerako eta irteerako ibilbideak adieraziko dira, pertsonen arteko gurutzaketak saihesteko. Antolakuntzak ikusle bakoitzari dagokion eserlekua adieraziko dio, iritsitako ordenaren arabera.
- Nahitaezkoa da 6 urtetik aurrerakoentzat maskara erabiltzea, sartzeko eta irteteko. Esertzerakoan soilik kemdu ahal izango da. Ikusle bakoitzak bere maskara eraman beharko du.
- Ikuskizunak irauten duen bitartean eserlekuetan eserita egon beharko dira. Ikuskizuna irauten duen bitartean barrutitik irten behar izanez gero, ezin izango da berriro sartu.
- Haurrak ezin izango dira zutik egon, ezta esparruan zehar mugitu ere.
- Familia edo tutoreen ardura da adingabeek segurtasun-arau guztiak betetzea. Betetzen ez badituzte, esparrutik alde egin beharko dute.
-Erretzea debekatuta dago
-Animaliak ezin dira barrutian sartu
- Kanporatzea mailaz maila egingo da, erakundearen jarraibideei jarraituz.
- Plaza erreserbatzeko unean, arauak irakurri egin dituela adieraziko dute ikusleek eta ezarritako protokoloarekin bat datozela onartuko dute.
Plazen erreserba ikuskizunaren egunean bertan egingo da, 09:00etatik aurrera, udalaren webgunearen bidez edo telefonoz (laster gaituko da). Ikuskizun eta pase bakarrerako izango da erreserba, eta pertsona bakoitzak gehienez bi plaza erreserbatu ahal izango ditu.
Kontzertu-aretoak
Bestalde, Gasteizko Udalak kontzertu-aretoekin batera lan egingo du, hala nola, Dazzekin; izan ere, Vital Kulturunea Fundazioak 5 jazz emanaldi eskainiko ditu uztailaren 10etik 14ra bitartean. Raynald Colom Trio (hilaren hamabian), Roman Filiu Trio (hilaren hamaikan), The Cuban Jazz Syndicate Feat. Pepe Rivero (hilaren 12an), Felix Rossy & Toni Saigi (hilaren 13an) eta Pacheco & Seppere & Regidor (hilaren 14an). Guztiak 20:00etan izango dira.
Horrez gain, Urban Rock Concept aretoan uztailaren 18tik irailaren 15era 8 kontzertu antolatu ditu. Uztailaren 18an irekiko du egitaraua Joaquin Sabinari Tributo bat, Sabin Jobertina eta Viceversaren eskutik, gaua Mairuren rockarekin partekatuko dutena. Abuztuaren 1ean Red Iron Squaden txanda izango da eta 29an Bonustrackena.
Eta irailean, 5 izango dira rock zaleen gozamenerako hitzorduak. Matt Woods hilaren 1ean, Amann & The Waywards Sons hilaren 5ean, Demian Band hilaren 10ean, Lobo eta Carmine hilaren 11n eta Rober J. Hunter hilaren 15ean.
Hell Doradori dagokionez, areto horrek saio bikoitzetan eskainiko ditu kontzertuak, lehenengoan (edo sesion Vermut) 13:00etan eta bigarrenean 18:30ean. Irailaren 5etik 20ra MFC Chickenen (5ean), Fiatelesen (12an) eta Victimas Cluben (20an) kontzertuak.
Ekitaldi horietara sartzeko, areto bakoitzaren ohiko salmenta-kanalera joan beharko da eta dagozkion sarrerak erosi.
Zure interesekoa izan daiteke
Bev Ditsie zinemagile eta ekintzaileak jasoko du Zinegoaken Ohorezko Saria
Zinemagile eta Hegoafrikako LGTBIQ+ eskubideen aldeko borrokalariak ekainaren 22an jasoko du LGTBIQ+ Zinema eta Arte Eszenikoen Bilboko Jaialdiaren garaikurra, inaugurazio galan.
Velasco Broca arabar zinemagilea bere lehen film luzea filmatzen hasi da
"El futuro testamento" Madrilen, Burgosen, Bilbon, Comillasen, Errioxan eta Italian filmatuko da, Àlex Brendemühl, Mireia Oriol eta Ariadna Gil protagonista dituela.
"Fjord" filmak irabazi du Canneseko Urrezko Palma eta 'bi Javiek', berriz, zuzendaritza onenaren saria
Cristian Mungiu errumaniarraren 'Fjord' filmak, Renate Reinsve eta Sebastian Stan protagonista dituenak, irabazi du larunbat honetan Cannesko 79. Zinemaldiko Urrezko Palma. Zuzendari gisa, Javier Ambrossi eta Javier Calvo saritu dituzte "La bola negra" lanagatik.
Jack Taylorren azken whatsappa
Elegante zen oso Taylor jauna. Itxuraz eta arimaz. Bizitzan zuen jokabidean ere bai.
"Las hijas" saritu dute Cannesen
Yune Nogueiras protagonista duen eta antzeztaldean Jone Laspiur, Edurne Azkarate, Ainara Elejalde, Ainhoa Larrañaga eta Nerea Sanz euskal aktoreak dituen euskal film luzeak saria eskuratu du Frantziako jaialdiko Marché du Film merkatuan.
Ian Cortegoso 10 urteko bilbotarrak Nacho La Casaren "Un hijo" filmean egin du debuta
Ostiral honetan, maiatzaren 15ean, Ian Cortegoso 10 urteko aktore bilbotarra protagonista duen filma iritsi da zinema-aretoetara. Un hijo filmeko protagonista da, 8 urte zituenean grabatu zuena.
Aitor Etxebarriak musika jarri dio "The Black Mirror Experience" murgiltze-lanari
The Black Mirror Experience film espainiarra telesail ospetsuan oinarritutako murgiltze-lana da, eta Cannesko Zinemaldiko Immersive sail lehiakorreko sariaren bila dabil.
'Buzzheart' Dennis Iliadis greziarraren pelikula, Fanteko film luze onena
Fantasiazko zinemaren Bilboko jaialdiak Hyena Sail Ofizialeko labur onena eta Bea Lemaren El cuerpo de Cristo euskal film labur onena ere saritu ditu.
Daniel Calparsoro 'El Confidente', ETAko sator bati buruzko istorio berri bat, filmatzen ari da Donostian
Aktore taldean Javier Gutierrez, Miguel Herran eta Itsaso Arana daude, besteak beste. EITB grabazioan sartu da.
Euskal Herriko zinema-areto komertzialetako emanaldien % 2,25 izan ziren euskaraz 2025ean
Pantailak Euskaraz ekimenak eta Hizkuntza Eskubideen Behatokiak iaz euskal aretoetan egindako proiekzioak aztertu dituzte, eta datu “gordin bezain kezkagarriak” aurkeztu.