Arzaki buruzko dokumentalak zabalduko du Culinary Zinema saila
Arzak Since 1897 Asier Altunak Juan Mari Arzaken eta haren alaba Elenaren jatetxeari buruz egindako dokumentalak irekiko du Culinary Zinema saila, Donostia Zinemaldiaren 68. edizioan. EiTBk babestutako lana izan da.
Sukaldaritza ardatz duen Zinemaldiko sail nagusiak gaur irekiko ditu ateak Arzak jatetxeari buruz Asier Altunak egindako dokumental batekin. Juan Mari eta haren alaba Elena Arzakez gain, beste hainbat lagun ikusiko ditugu, Ferran Adrià, Pedro Subijana, Joan Roca, Karlos Arguiñano, Andoni Luis Aduriz edo Dabiz Muñoz, besteak beste. Sukaldaritza tradizionalaren eta modernoaren arteko eraldaketa erakusten duen lana da.
Zinema eta gastronomia uztartzen dituen sail horretan, beste hiru film luze gehiago izango dira: Ángel Parraren Camí lliure / Free Way, Oscar Bernacerren La receta del equilibrio eta Michael Dweck eta Gregory Kershaw zinemagileen The Truffle Hunters.
Gaurko irekiera-afaria, Arzak since 1897-ri dagokiona, Arzak jatetxean lan egin eta bertan trebatu diren zazpi txef ezagunen eskutik izango da. Bihar gaueko ekitaldiak, berriz, Ricard Camarena hartuko du protagonista nagusitzat, eta irailaren 23ko afaria, Edorta Lamo, Óscar García eta Andrea Tumbarello-k prestatuko dute. Trufari loturiko menu original bat prestatuko dute.
Amaitzeko, Bartzelonako Moments jatetxeko (bi mitxelin izar) txefa den Raül Balamek, Carme Ruscalledaren semeak, irailaren 24ko afaria emango du. Afari honek emango dio amaiera aurtengo Culinary Zinemari.
Beste estreinaldi batzuk
Zinemiraren baita, baina lehiaketatik kanpo, Aitziber Olaskoaga getxoztarraren Jo ta ke/Non Stop (Erre que erre) dokumentala eskainiko da. Ikusmira Berriak programaren barruan garatzen hasi zen film ertaina da. Memoriari buruz gogoeta egiteko Herrera de la Mantxako espetxera bidaia egiten du egileak.
Donostia Zinemaldiaren 68. edizio honek, gainera, Eduards Cortesek gidatzen duen Tell Me Who I Am telesailaren estreinaldi mundiala egingo du. Julia Navarroren eleberrian oinarrituta dago telesaila, eta Irene Escobar da protagonista nagusia. Aurkezpena Victoria Eugenia Antzokian egingo dute, Moviestar + Gala-ren baitan.
Moviestar+-en lehen superprodukzioa da Tell Me Who I Am, eta Amelie Garayoren bizitza kontatzen du, XX. mendeko gertari historiko nagusienetatik bidaiatzen duen abenturaz betetako emakumearena, hain zuzen ere. Madrilen, Alacanten edo Budapesten egin dira, besteak beste, grabaketak, eta 50 minutuko bederatzi atalek osatzen dute. Zinemaldian telesaileko lehen hiru atal eskainiko dira.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.