Zinemakumeak Gara! jaialdiak mende laurdena ospatuko du
Zinemakumeak Gara! emakumeek egindako zinemaren Bilboko erakusketak mende laurdena ospatuko du 2020. urte arraro honetan, eta proiekzio zikloa, mahai inguruak eta hainbat gonbidaturekiko topaketak prestatu dituzte horretarako, Bilborocken, Campos Eliseos antzokiko Kupula aretoan, Azkuna Zentroko auditorioan eta, aurten lehenengoz, Portugaleten, Zallan eta Basaurin ere.
Erakusketa urriaren 5etik 14ra egingo dute, eta Jaione Camborda (“Arima”), Paula Cons (“La isla de las mentiras”) eta Nuria Gimenez (“My Mexican Bretzel”) zuzendariak bertaratuko dira beren lehen film luzeak Bilbon estreinatzera.
Gainera, Ana Carrasco Conde filosofoak, Edurne Portela idazleak eta Laura Casielles poeta eta kazetariak kulturaren etorkizunari buruzko solasaldia izango dute urriaren 13an, Campos Eliseos antzokiko Kupula aretoan.
Halaber, amerikar zinema independentearen zirkuituko hiru pelikula azpimarragarri estreinatuko dituzte jaialdian: “Wanda” (Barbara Loden), “River of Grass” (Kelly Reichardt) eta “Daughters of the Dust” (Julie Dash).
Bere 25. urteurrenean, Zinemakumeak Gara! jaialdiak kulturaren eta feminismoaren lubakietan 25 urtez egindako bidearen gaineko hausnarketa egin nahi du, pandemiaren efektuek eta etorkizun dudazko batek markatutako garai batean.
Zure interesekoa izan daiteke
Albiste izango dira: Oscar sariak, EAEko aireportuen kudeaketari buruzko bilera Madrilen eta udal hauteskundeak Ipar Euskal Herrian
Gaurkoan Orain-en albiste izango direnen laburpena, bi hitzetan.
Aldarrikapen politikoek ez dute Oscarren bataila irabazi
Munduko egoera geopolitiko eta humano aldrebesak ez du Conan O’Brienek aurkeztu duen galako erdigunea hartu, Javier Bardem espainiar aktoreak gerraren kontra eta Palestinaren askatasunaren alde eginiko aldarri argiaz haratago.
Oscar sarien 98. edizioko palmaresa
One Battle After Another filmak sei Oscar lortu ditu, gaueko sari nagusia barne, film onenarena; Sinnersek, 16 ataletan izendatuta egonik, lau estatuatxo erdietsi ditu.
Oscar sarietako unerik onenak
Oscar sariek une gogoangarriak eta look apurtzaileak utzi dituzte. Hemen adibide batzuk.
“One Battle After Another” Paul Thomas Andersonen filma nagusi, Oscar sarietan
Estatubatuar zuzendariaren filma izan da Hollywoodeko sarien 98. edizioaren gaueko izarra, sei sari bereganatuta; besteak beste, film, zuzendari eta gidoi egokitu onenen ataletan irabazi du.
Gemma Cuervo aktorea hil da, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaio eta Madrilen hil den aktorea.
Hollywood, Oscar sarien 98. ekitaldirako prest
"Sinners" filmak markak hautsi ditu 16 izendapen jasota, eta "Sirat" Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan protagonista nagusiak.
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.