4 film luze eta 3 labur Gasteizen, Euskal Zinema Dokumentalaren Astean
Euskal Zinema Dokumentalaren VI. Astea hilaren 26tik 30 egingo dute, Gasteizen. Astelehenetik ostiralera, euskal profesionalak zuzendutako dokumentalak eskainiko dituzte, lau film luze eta hiru labur, guztira.
Gerrako errefuxiatuen drama, emigrazioa, istorio pertsonalak, bidaiak, kartzela, euskara eta armen merkataritza jorratzen dituzte Dendaraban doako sarrerarekin ikusgai egongo diren lanek, besteak beste.
Astea astelehenean hasiko da, hilak 26, Ane Irazabalek eta Cosimo Caridi zuzendari dituen 'Awlad, hesiak gainditu' dokumentalaren emanaldiarekin. Jatorrizko herrialdeetako indarkeria atzean utzi duten lau haur errefuxiaturen bizitza kontatu dute dokumentalean.
Asteartean Larraitz Zuazoren 'Bai, bagara!' lanaren txanda izango da “zein da euskaldunen izaeraren berezitasuna?” galderari erantzuten saiatzen den lan batena. Biharamunean, hiru film labur emango dituzte: Jorge Moneoren 'Orbainak', 'Artiko', Josu Veneroren eta Jesus Mari Lazkanorena, eta 'Infernua/El Infierno', Raúl de la Fuenterena.
Laugarren eguneko protagonista Maider Oleagak Elbira Zipitriaren bizitzari buruz egindako 'Muga deitzen da pausoa' dokumentala izango da.
Euskal Zinema Dokumentalaren Astea ostiralean amaituko da Joseba Sanzen 'Gerra hemen hasten da' lanaren eskutik.
Albiste gehiago zinema
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
Zero Chou: "Borrokatzeari utziz gero, baliteke ostera ere ilunpetan murgiltzea"
Hoho Liu taiwandar argazkilaritza zuzendariak Zinegoak LGTBIQ+ zinema eta arte eszenikoen Bilboko jaialdiaren Ohorezko Saria jaso du bart, Zero Chouren izenean.