Will Smithek barkamena eskatu du Rocki emandako zaplaztekoagatik: "Onartezina eta barkaezina da"
Will Smith aktoreak barkamena eskatu du Oscar sarien 94. edizioko galan egindako erasoagatik. Aktoreak belarrondokoa eman zion Chris Rock umoregileari, horrek Jada Pinkett emaztearen orrazkeraren inguruko txiste bat egin ostean.
"Oscarretan bart izan dudan jarrera onartezina eta barkaezina izan da", adierazi du Instagram sare sozialean zabaldutako mezu batean. Smithen hitzetan, indarkeria "pozoitsua eta hondatzailea da", eta aitortu du txisteen jomuga izatea bere "lanaren parte" dela.
"Jadaren (emaztea) osasun egoerari buruzko txistea entzutea gehiegi izan zen niretzat, eta emozionalki erreakzionatu nuen", azaldu du.
"Rikardo erregea" filmean egindako lanagatik gizonezko aktore onenaren saria irabazi zuen aktoreak esan duenez, "lotsatuta nago, eta nire ekintzak ez ziren bat etorri izan nahi dudan gizonari dagozkionekin. Ez dago tokirik indarkeriarentzat maitasun eta ontasunaren munduan".
Smithek Hollywoodeko zinema akademiari, galaren ekoizleei eta mundu osoko ikusleei ere eskatu die barkamena: "Williams familiari eta 'Rikardo erregea' filmeko familiari ere barkamena eskatu nahi diet. Damu dut nire jarrerarekin gu guztiontzat bidaia zoragarria izan den hau zikindu izana. Aurrera doan lan naiz".
Hollywoodeko Akademiak Smithen aurka egingo ote duen aztertzeko ikerketa abiatuko duela iragarri eta ordu batzuetara kaleratu du oharra aktoreak.
Galan, Chris Rock Dolby antzokiko agertokira igo zen dokumentalik onenaren Oscarra aurkezteko, eta txantxa bat egin zuen Jada Pinkett-Smithen buru soilduaren inguruan (alopezia duela iragarri du), beraren itxura Ridley Scotten film ezaguneko O'Neil tenientearekin konparatuta.
Pinkett-Smithek etsipenez begiak itxi eta gero, Will Smith eserlekutik altxatu, eta agertokira igo zen Rocki belarrondokoa emateko. "Utzi nire emaztearen izena zure aho putatik kanpora", oihukatu zion nahas-mahasaren erdian bere aulkira itzulitakoan.
Zure interesekoa izan daiteke
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.