Loreto Mauleon da "Gelditasuna ekaitzean" Alberto Gastesiren lehen film luzearen protagonista
Loreto Mauelon aktorea da "Gelditasuna ekaitzean" Alberto Gastesi zinemagile donostiarraren lehen film luzearen protagonista. Apirilean hasi ziren pelikula filmatzen, eta ekainean burutuko dute lana, Donostian.
Filmak bikote bat du protagonista, Lara (Loreto Mauleón) eta Daniel (Iñigo Gastesi); gazte grinatsuak zirela ezagutu zuten elkar, eta etorkizunak aukeraz beteriko herrialde urrun bat zirudien. Handik hainbat urtetara, haien bideak berriro gurutzatu dira, baina aldatu egin dira.
85 minutuko pelikula izango da, zuri-beltzean eta 4:3 formatuan, eta euskaraz zein gaztelaniaz ari dira filmatzen.
Zintaren zuzendariak azaldu duenez, "lehengoa bizitzeko ezintasunari buruzko istorioa da hau; orainean topo egin duten bi bizitza dira, nahiz eta lehenago ere gurutzatu ziren, modu iheskorrean". 1985ean jaiotako zinemagilea bigarren film luzea prestatzen ari da, "Singular".
Filmean aritu direnen artean daude Esteban Ramos (argazki-zuzendaria), Itziar Otxoa (ekoizpen-zuzendaria), Alejandra Arrospide (zuzendaritza artistikoa), Iona Lacunza (jantzien arduraduna), Kizkitza Retegui (makillajea), Olga Cruz (ile-apainketa), Andrea Sáenz Pereiro (soinua), Jaione Daubagna (zuzendari-laguntzailea) eta Loinaz Jauregui (ekoizpena).
"Gelditasuna ekaitzean" filmak Eusko Jaurlaritzaren babesa du, eta udazkenean estreinatu nahi dute.
Albiste gehiago zinema
Biba Zinema eta Lege Berriak!
Begoña del Tesok gaur egun zinema kontsumitzeko moduaren analisia egin du.
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.