"Los Xey", "No mires a los ojos", "Vasil" eta "Para entrar a vivir", zinemetan
Azaroaren 4 honetan, ostiralero legez, hainbat pelikula berri erakusten ditu zinema aretoen eskaintzak, hala nola Bardo, falsa crónica de unas cuantas verdades Alejandro Gonzalez Iñarrituren (Amores perros, Babel, The Revenant…) pelikula gehiegizko eta ausarta, zeinetan migrazioaren trauma, arrakasta, familiarteko harremanak, Mexikoko historia eta beste hainbat gai larri jorratzen baitira Iñarrituren berezko irudi indartsuek lagunduta.
Berarekin eta aurreko asteetan estreinatu ziren hainbat pelikularekin batera (El cuarto pasajero Alex de la Iglesiarena eta Unicorn Wars gerraren aurkako aldarri animatu hunkigarria), zinemetara iritsiko da, esate baterako, Los Xey, una historia de película, Eneko Olasagastik eta David Berraondok 1940ko eta 1950eko hamarkadetako ahots talde donostiarrari buruz filmatu duten dokumentala.
IRAKURRI ENEKO OLASAGASTI ETA DAVID BERRAONDORI EGINIKO ELKARRIZKETA
"Los Xeyk oinarri musikal klasiko indartsua zuten, eta herri musika ere maisuki menperatzen zuten"
Halaber, Felix Viscarret nafar zuzendariak No mires a los ojos film luzea estreinatuko du, Paco Leon, Leonor Watling eta Susana Abaitua aktoreak protagonista dituena. Desde la sombra Juan Jose Millasen eleberrian oinarrituta dago, eta Nafarroan bertan filmatu zuten.
Vasil (Avelina Prat) filma ere ikusi ahalko da gaurdanik Hegoaldeko zinema aretoetan. Karra Elejalde gasteiztarrak aktore onenaren saria irabazi berri du joan den astean lan horri esker, Ivan Barnev kidearekin batera, Seminci Valladolideko zinema jaialdian.
Barbara Goenaga eta Gorka Otxoa aktoreek osatzen dute bikote protagonista Para entrar a vivir Pablo Araguesek eta Marta Cabrerak zuzendu duten filmean. Ametsetako etxea aurkitu duen bikotearen istorioa kontatzen du, sakontzeko asmo handirik gabe. Dena bikaina da, konturatzen diren arte etxeak eskatzen dioten guztia ematen diela.
Urko Olazabal ere ageri da gaur estreinatu diren filmen antzeztaldean. Maixabel filmean egindako lanari esker gizonezko aktore berri onenaren Goya saria irabazi zuen bilbotarrak, eta orain Jose Sacristan madrildar aktoreari laguntzen dio 13 exorcismos lanean.
Azkenik, Black Is Beltza 2: Ainhoa Fermin Muguruzaren animaziozko pelikularen aurrestreinaldia egingo dute gaur Baionan, Atalante zinema aretoetan, eta astelehenetik aurrera, Frantziako Estatuko hainbat hiritan izango da ikusgai: Paris, Montpellier, Bordele, Marsella…
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.