"Cinco lobitos"ek eta "Irati"k, pisu nabarmena Goyen izendapenetan
"Cinco lobitos" (Alauda Ruiz de Azua) eta "Irati" (Paul Urkijo) euskal filmek hamaika eta bost izendapen jaso dituzte Goya Espainiako Zinema Akademiaren sarietarako. Sarion 37. edizioa otsailaren 11n ospatuko dute, Sevillan.
"Cinco lobitos" atal hauetan dago izendatuta: film onena, zuzendari berri onena (Alauda Ruiz de Azua), emakumezko aktore protagonista onena, jatorrizko gidoia, argazki zuzendaritza, soinua, ekoizpen zuzendaritza, editatzea, antzeztaldeko gizonezko aktore onena (Ramon Barea), antzeztaldeko emakumezko aktore onena eta gizonezko aktore berri onena (Mikel Bustamante).
"Irati", bestalde, izendatuta dago abesti onenaren atalean (Aranzazu Calleja, Maite Arroitajauregi eta Paul Urkijo), jatorrizko musika onenarenea (Aranzazu Calleja eta Maite Arroitajauregi), jantzien diseinu onena (Nerea Torrijos), efektu berezi onenak (Jon Serrano eta David Heras) eta gidoi egokitua.
Bi izendapen izango dituzte otsailaren 11ko galan, bestalde, "Suro" Mikel Gurrearen lehen film luzeak (Gurrea bera, zuzendari berri onenaren sailean, eta Vicky Luengo emakumezko aktore protagonista gisa), "Unicorn Wars" animaziozko film ederrak (animaziozko film onena eta kantu onena, Joseba Beristainentzat) eta "La consagración de la primavera" pelikulak, Telmo Iruretarena tartean, gizonezko aktore berri onenaren atalean.
Izendapen bat jaso dute, halaber, "Loop" Uniko bilbotar ekoiztetxearen animaziozko film laburrak, "Maldita. A love song to Sarajevo" Raul de la Fuenteren film labur dokumental hunkigarriak, "Cuerdas" Estibaliz Urresolaren fikziozko film laburrak, Fernando Velazquez musikariak ("Los renglones torcidos de Dios"), Felix Viscarretek "No mires a los ojos" filmaren gidoia ekoitzeagatik, Gaizka Urrestik "Labordeta, un hombres sin más" film dokumentalaren zuzendariak, Aitor Berenguer bilbotarrak "As bestas" filmaren soinuagatik, Ibon Cormenzanak "As bestas"en ekoizle gisa eta "Black Is Beltza 2: Ainhoa" Fermin Muguruzaren animaziozko pelikulak.
"Cinco lobitos", "Irati", "Suro", "Unicorn Wars", "Black is Beltza 2: Ainhoa", "La consagración de la primavera" eta "Cuerdas" filmek EITBren parte-hartzea dute.
Izendapen gehien, hamazazpi, "As bestas" Rodrigo Sorogoyenen filmak pilatu ditu guztira, eta horren atzetik daude "Modelo 77" (Alberto Rodriguez), hamaseirekin, eta "Alcarrás" (Carla Simón) hamaikarekin.
Goya sariak otsailaren 11n banatuko dituzte, Sevillan.
Zure interesekoa izan daiteke
?fmt=png-alpha&qlt=80)
Zinebi jaialdiak Pablo Berger eta Esther Garcia sarituko ditu
Bilboko Dokumentalen eta Film Laburren Nazioarteko Jaialdiaren 67. edizioa azaroaren 21ean abiatu, eta hilaren 28an itxiko dute, amaiera-gala eta sari-banaketa eginda.
Javier Gurrutxagak ohorezko Serantes saria jaso du Santurtziko Zinemaldian
Javier Gurrutxaga showman donostiarrak jaso du Santurtziko Zinemaldiko ohorezko Serantes saria. Bestalde, "Tragedium" eta "Erreka zoko hortan" film laburrek irabazi dute EITBren Euskal Pantailak saria.
Koldo Almandoz “Azken agurra” komedia filmatzen hasi da
Donostiar zinemagilearen hurrengo filmak “ironiaz, samurtasunez eta zentzu humanista sakonez” begiratzen die bizitzari eta heriotzari.
“Gaua”, urkijotarrentzat
Paul Urkijo arabar zinemagileak bere hirugarren film luzea estreinatu du, “Gaua”, irudi txundigarriz generoko filmen osagaiak eta euskal mitologiaren kondairak sendotzen dituen pelikula.
“Argi gorriak” seriea azaroaren 7an estreinatuko dute, Bartzelonako Serielizados jaialdian
Itziar Ituño protagonista duen “komedia garratzak” thriller ukitua du. Jaialdiaren Sail Ofizialean lehiatuko da, 2026an EITBko Primeran plataforman estreinatu aurretik.
Xanti Rodriguez eta Amancay Gaztañaga "Piztiak" seriea filmatzen ari dira
EITBren parte-hartzea duen lana 2026an ikusi ahalko da Primeran plataforman. Yune Nogueiras da Gaztañaga eta Rodriguez zuzentzen ari diren lanaren protagonista.
“Llámame Sinsorga” dokumentala azaroaren 28an estreinatuko dute zinemetan
Marta Gomezek eta Paula Iglesiasek zuzendu dute, eta La Sinsorga Bilboko espazio feministaren sortzeko lnak ditu ardatz.
"Aro berria" filmaren trailerra
Azaroaren 28an iritsiko da zinema aretoetara Irati Gorostidi zuzendariaren lehen film luzea, Donostiako Zinemaldiko New Directors atalean epaimahaiaren aipamen berezia jaso eta gero. EITBren parte-hartzea duen filma ur-kontagailuen fabrika bateko langileen batzarrarekin hasten da: azkenean aurrera egingo ez duen greba bat eztabaidatuko dute. Desengainatuta, inkonformistenek eremu intimoagoetara bideratuko dituzte errotiko transformaziorako dituzten nahiak. Batzuek, fabrika utzi, eta mendietako komunitate isolatu batean integratuko dira, non dozenaka gaztek bilaketa bizia egingo duten, esperientzia katartiko partekatuen medioz.
Zinemakumeak Gara jaialdiak Alauda Ruiz de Azua, Maria Ripoll eta Al Borde Films ekoiztetxea sarituko ditu
Emakumeek zuzendutako filmen jaialdiaren 30. edizioa urriaren 27tik 30era egingo dute, Bilbon. Ruiz de Azuak eta Ripollek Simone de Beauvoir saria jasoko dute, eta Al Borde Filmsek, Bihargi EITB saria.
Zinegileek Moriarti ekoiztetxea saritu dute "Maspalomas" lanagatik
Zinema industriaren barruan zuzendarien kolektiboa ordezkatzeko sortu zen Accion elkarteak Aitor Arregiren eta Jose Mari Goenagaran ekoiztetxea saritu du larunbat honetan Espainiako Zinema Akademian izan den ekitaldian.