Euskal zinemaren murmurioa, piztien orro artean
Espainiako Zinema Akademiak urteroko sariak banatu ditu bart Sevillan, Andaluziako hiriko Biltzar eta Erakusketa Jauregian. "As bestas" Rodrigo Sorogoyenen (Madril, 1981) galiziar thrillerra izan da gaueko irabazle nagusia, besteak beste film onenaren, zuzendari onenaren eta gidoi onenaren golardoak berenduta, baina euskal zinemak aurkitu du piztion ulu artean zarata apur bat ateratzeko zirrikiturik.
Alauda Ruiz de Azua barakaldar zinemagileak zuzendari berri onenaren saria bereganatu du "Cinco lobitos" bere lehen film luzean egindako lanagatik, eta EITBren parte-hartzea duen pelikula horrengatik saritu dituzte, halaber, Laia Costa protagonista (emakumezko aktore onena) eta Susi Sanchez (antzeztaldeko emakumezko aktore onena). Hiru sari, guztira, behin-behinekotasuna, prekarietatea eta gaur egungo gizartearen beste hainbat aje ikus-entzunezkoan jasotzen dituen film sozialarentzat.
Telmo Irureta zumaiar aktoreak, bestalde, gizonezko aktore berri onenaren saria irabazi du "La consagración de la primavera" filmean Davidena egitearren. Elena Irureta izebak eman dio, gainera, Goya saria, eta, eskertze hitzaldi hunkigarrian, "gu ere existitzen gara eta larrua jotzen dugu", aldarrikatu du urritasunen bat duten pertsonen izenean (filmean sexu-laguntzaileak behar dituzten pertsonen gaia jorratzen da, besteak beste). "Topa egin dezagun denetariko gorputzak erakutsiko dituen zinema inklusiboagoaren alde", bukatu du Iruretak.
Animazioko zinemak toki handia egin die aurten Espainiako sarien izendapenen zerrendan euskal ordezkariei, eta Uniko bilbotar ekoiztetxeak bi ataletan irabazi ditu Goya sariak: animaziozko film onena, "Unicorn Wars" gerren aurkako film gordinarekin, eta animaziozko film labur onena "Loop" lanarekin. Bidean gelditu dira "Amanece la noche más larga" laburren sailean, eta "Black Is Beltza 2: Ainhoa" eta "Inspector Sun y la maldición de la viuda negra" luzean.
Ivan Miñambres (Uniko), bi garaikurrekin. Argazkia: Efe.
Amaia Remirezek eta Raul de la Fuentek, Kanaki Films ekoiztetxea osatzen duen bikoak, bere hirugarren Goya saria irabazi dute "Minerita" eta "Beste egun bat bizirik" lanek eman zizkietenen ondoren. "Maldita: A love song to Sarajevo" bestelakotasunaren aldeko maitasun gutun ikus-entzunezko ederrak film labur dokumental onenaren Goya saria ekarri die.
Halaber, Goya saria irabazi dute soinuen atalean Aitor Berenguerrek ("As bestas") eta film dokumental onenaren atalean Gaizka Urrestik, "Labordeta, un hombre sin más" Paula Labordetarekin batera zuzendutako dokumentalari esker.
Carlos Saura Ohorezko Goya saria jasotzeko bezperan zendu den zinemagilearen itzalak jo duen gaueko irabazle nagusia "As bestas" Rodrigo Sorogoyenek zuzendutako lana izan da. Bederatzi sari irabazi ditu besteak beste Ibon Cormezana bizkaitarrak ekoitzitako pelikulak, eta alerik gabe utzi du, "Irati" euskaldunaz gain (bost izendapen zituen Paul Urkijoren fantasiazko kondairak), "Alcarras" Carla Simon kataluniarrari Berlinaleko Urrezko Hartza eman zion pelikula.
Zure interesekoa izan daiteke
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.