Euskal zinema Cannesen, lehiatik kanpo
Canneseko zinema jaialdia gaur hasi, eta hilaren 27ra arte egingo dute, Frantziako kostaldeko hiri horretan. "Jeanne du Barry" Maiwennek zuzendu eta Johnny Depp protagonista duen filmak irekiko du jaialdia, lehiatik kanpo.
Lehiatik kanpo ikusi ahalko dira, halaber, "Cerrar los ojos" Victor Ericeren film berria eta "Robot dreams" Pablo Berger zuzendari bilbotarraren animaziozko filma.
Halaber, Irati Gorostidik jaialdiaren sail paralelo batean ('Canneseko Kritikaren Astea') parte hartuko du, iaz Estibaliz Urresolak "Cuerdas" film laburrarekin egin zuen bezala, "Contadores" laburrarekin.
Bestalde, Sitgeseko zinemaldiak "La ermita" Carlota Peredak zuzendu eta Bixagu Entertainmentek ekoitzi duen filma aukeratu du 'Fantastic 7' 'Marché du Film' industriako ordezkarientzako atalean parte hartzeko. Alex de la Iglesia bilbotarra hautatu dute edizio honetako aitabitxi izateko.
Zinebi jaialdiak film luze dokumentaleko lau proiektu aurkeztuko ditu 'Cannes Docs' atalean: "Itoiz_Udako Sesioak" Larraitz Zuazo zuzendariaren eta Doxa Producciones ekoiztetxearen filma, besteak beste.
Euskal animazioa ere izango da bertan, bi parte-hartzailerekin: Pablo Rioren "Conej Steps Out" eta Laura Ibañez Lopezen "Corpúsculos".
Gainera, 'Revelations. New Spanish Animation Short Films' atalean, Martin Romeroren "To Bird Or Not to Bird" proiektua hautatu dute, Bilboko Uniko enpresaren hurrengo ekoizpenetako bat.
Cannes
Inaugurazio galan, Michael Douglas aktoreak ohorezko Urrezko Palma jasoko du, "ibilbide dirdiratsuagatik eta zinemarekin erakutsi duen konpromisoagatik".
Gero, hamabi egunez, ikusgai izango dira, besteak beste, Martin Scorseseren film berria, Indiana Jonesen bosgarren filma, Pedro Almodovarrek Ethan Hawke eta Pedro Pascal aktoreekin egin duen film laburra eta "Asteroid City" Wes Andersonen film berria, aktore taldean Scarlett Johansson, Tom Hanks, Margot Robbie, Tilda Swinton eta Bryan Cranston dituena.
Urrezko Palmaren bila, Ruben Ostlund buru duen epaimahaia limurtzeko helburuarekin, beren film berriak erakutsiko dituzte Ken Loach, Hirokazu Kore-eda, Aki Kaurismaki, Nanni Moretti, Justine Triet, Todd Haynes, Alice Rohrwacher, Marco Bellocchio eta Wim Wenders zuzendariek, besteak beste.
Zure interesekoa izan daiteke
Alejandro Gonzalez Iñarritu, irudiaren bardoa
Amores perrosekin goizetik gauera zinemagintzaren panorama inarrosi zuenetik Bardo (o falsa crónica de unas cuantas verdades) azken filmera arte, EITBren Bilboko egoitzan Carne y arena instalazioa erakutsiko duen mexikar zinemagileak ezinbesteko ibilbidea egin du XXI. mendeko autore zinemagintzan.
Robert Duvall aktorea zendu da, 95 urte zituela
Apocalypse Now eta Aitajauna filmetako aktore ospetsua igande gauean hil zen, Virginan, Luciana Duvall haren alargunak iragarri duenez. 2003an, Donostia saria eman zion Zinemaldiak.
Hemeretzi film lehiatuko dira Punto de Vista jaialdiaren Sail Ofizialean
Zinema Dokumentalaren Nafarroako Nazioarteko Jaialdiaren 20. edizioaren programazioa Benita Alain Berlinerren filmak irekiko du, eta Una película de miedok itxiko du.
Horrelakoa da “Cada día nace un listo”, Arantxa Echevarriak “La infiltrada”ren ondoren egin duen filma
Pelikula, “satira garratz bat”, Malagako zinema jaialdiko Sail Ofizialean aurkeztuko dute, lehiatik kanpo, maiatzaren 22an zinema aretoetan estreinatu aurretik. Cada día nace un listo, Arantxa Echevarría bilbotar zinemagilearen film berria, Malagako zinema jaialdian estreinatuko dute; martxoaren 6tik 15era egingo dute jaialdia. Echevarriak eta Patricia Campok idatzia, Hugo Silva, Susi Sánchez, Dafne Fernández, Jaime Olías, Ginés García Millán, Diego Anido, Markos Marín, Marina Ostolaza, Sofía Otero eta Javier Tolosa dira aktoreak, eta Belen Rueda, Pedro Casablancek eta Gonzalo de Castrok ere hartu dute parte. EITBren parte-hartzea du Lazona Zinemaren eta Lamia Produccionesen ekoizpenak. Echevarriaren seigarren film luzea da Cada día nace un listo (2026), Carmen y Lola (2018), La Familia Perfecta (2021), Chinas (2023), Políticamente Incorrectos (2024) eta La infiltrada (2024) lanen ondoren.
Argazki zuzendaria letra handitan agertzen denean…
El cuento de una noche de verano film labur onenaren Goya sarirako izendatutako lanean, Ion de Sosa donostiarra ibili da argazki zuzendari.
Asier Altuna: "Jendea hunkitu egiten da 'Karmele' ikustean"
Donostiako Zinemalditik eta Euskal Herriko areotatik pasatu eta gero, Karmele filma Primeran plataformara iritsi da. Asier Altuna filmaren zuzendariarekin hitz egin dugu, hori dela eta.
Batman, FANT zinema jaialdiaren ikurra
Fantasiazko zinemaren Bilboko jaialdia maiatzaren 8tik 16ra arte egingo dute aurten. Gotham Cityko superheroia Bilbori begira ageri da kartelean.
“Las hijas”, manipulazioaren aurkako borroka pantailan
Daniel Romero madrildar zinemagilearen lehen lan luzea Bizkaian filmatu dute, eta Yune Nogueiras, Jone Laspiur, Edurne Azkarate, Ainara Elejalde eta Ainhoa Larrañaga ditu protagonista, baita Karra Elejalderen parte-hartzea ere.
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz etorkizunari itxaropenez eta motibazioz begiratzen diotela.