'Poor things'ek, emakumeen askapenari buruzko Lanthimosen fabulak, eskuratu du Veneziako Urrezko Lehoia
Yorgos Lanthimos greziarrak zuzendutako eta Emma Stone protagonista duen Poor Things-ek eskuratu du Veneziako Zine Jaialdiaren 80. edizioko pelikula onenaren Urrezko Lehoia.
Lanthimosek Alasdair Gray eskoziarraren eleberri bat egokitu du pantaila handira, eta emakumearen askapenaren fabula fantastiko bat osatu du. Zirujau berezi batek (Willem Dafoe) bizia ematen dion emakume bat da protagonista. Bizitzari berriro ekitean erabateko jarrera librea, lotsagabea eta aurreiritzirik gabea hartzen du emakumeak.
Bigarren sari nagusia, Epaimahaiaren Zilarrezko Lehoia, Evil does not existentzat izan da. Doraibu mai kâ pelikula oskardunarengatik ezaguna den Ryusuke Hamaguchi japoniarrak zuzendu du filma, eta natura babestearen aldarria du ardatz.
Mostrako beste irabazleetako Matteo Garrone italiarra izan da, Saharatik hegoaldera dauden herrialdeetatik iritsitako migratzaileei buruzko Io, capitano pelikularekin kontzientziak astindu eta zuzendari onenaren Zilarrezko Lehoia lortu duelako.
Sail ofizialaren palmaresa
- Urrezko lehoia: Poor things.
- Epaimahaiaren Zilarrezko Lehoia: Evil does not exist.
- Zuzendari onenaren Zilarrezko Lehoia: Matteo Garrone, Io, Capitano-rengatik.
- Epaimahaiaren sari berezia: Green Border.
- Gidoi onenaren saria: El Conde, Pablo Larrainena.
- Emakumezko aktore onenaren Volpi saria: Cailee Spaeny, Priscilla-n egindako lanagatik.
- Gizonezko aktore onenaren Volpi saria: Peter Sarsgaard, Memory-n egindako lanagatik.
- Aktore berri onenaren Marcello Mastroianni saria: Seydou Sarr, Io, capitano-n egindako lanagatik.
- Ibilbidearen Urrezko Lehoia: Liliana Cavani eta Tony Leung Chiu-wai.
Zure interesekoa izan daiteke
Alejandro Gonzalez Iñarritu, irudiaren bardoa
Amores perrosekin goizetik gauera zinemagintzaren panorama inarrosi zuenetik Bardo (o falsa crónica de unas cuantas verdades) azken filmera arte, EITBren Bilboko egoitzan Carne y arena instalazioa erakutsiko duen mexikar zinemagileak ezinbesteko ibilbidea egin du XXI. mendeko autore zinemagintzan.
Robert Duvall aktorea zendu da, 95 urte zituela
Apocalypse Now eta Aitajauna filmetako aktore ospetsua igande gauean hil zen, Virginan, Luciana Duvall haren alargunak iragarri duenez. 2003an, Donostia saria eman zion Zinemaldiak.
Hemeretzi film lehiatuko dira Punto de Vista jaialdiaren Sail Ofizialean
Zinema Dokumentalaren Nafarroako Nazioarteko Jaialdiaren 20. edizioaren programazioa Benita Alain Berlinerren filmak irekiko du, eta Una película de miedok itxiko du.
Horrelakoa da “Cada día nace un listo”, Arantxa Echevarriak “La infiltrada”ren ondoren egin duen filma
Pelikula, “satira garratz bat”, Malagako zinema jaialdiko Sail Ofizialean aurkeztuko dute, lehiatik kanpo, maiatzaren 22an zinema aretoetan estreinatu aurretik. Cada día nace un listo, Arantxa Echevarría bilbotar zinemagilearen film berria, Malagako zinema jaialdian estreinatuko dute; martxoaren 6tik 15era egingo dute jaialdia. Echevarriak eta Patricia Campok idatzia, Hugo Silva, Susi Sánchez, Dafne Fernández, Jaime Olías, Ginés García Millán, Diego Anido, Markos Marín, Marina Ostolaza, Sofía Otero eta Javier Tolosa dira aktoreak, eta Belen Rueda, Pedro Casablancek eta Gonzalo de Castrok ere hartu dute parte. EITBren parte-hartzea du Lazona Zinemaren eta Lamia Produccionesen ekoizpenak. Echevarriaren seigarren film luzea da Cada día nace un listo (2026), Carmen y Lola (2018), La Familia Perfecta (2021), Chinas (2023), Políticamente Incorrectos (2024) eta La infiltrada (2024) lanen ondoren.
Argazki zuzendaria letra handitan agertzen denean…
El cuento de una noche de verano film labur onenaren Goya sarirako izendatutako lanean, Ion de Sosa donostiarra ibili da argazki zuzendari.
Asier Altuna: "Jendea hunkitu egiten da 'Karmele' ikustean"
Donostiako Zinemalditik eta Euskal Herriko areotatik pasatu eta gero, Karmele filma Primeran plataformara iritsi da. Asier Altuna filmaren zuzendariarekin hitz egin dugu, hori dela eta.
Batman, FANT zinema jaialdiaren ikurra
Fantasiazko zinemaren Bilboko jaialdia maiatzaren 8tik 16ra arte egingo dute aurten. Gotham Cityko superheroia Bilbori begira ageri da kartelean.
“Las hijas”, manipulazioaren aurkako borroka pantailan
Daniel Romero madrildar zinemagilearen lehen lan luzea Bizkaian filmatu dute, eta Yune Nogueiras, Jone Laspiur, Edurne Azkarate, Ainara Elejalde eta Ainhoa Larrañaga ditu protagonista, baita Karra Elejalderen parte-hartzea ere.
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz etorkizunari itxaropenez eta motibazioz begiratzen diotela.