Maggie Smith aktore britainiarra hil da, 89 urterekin
Maggie Smith aktore britainiarra hil da, 89 urte zituela, haren familiak ostiral honetan jakitera eman duenez. Besteak beste, Harry Potterren filmetan eta "Downton Abbey" telesailean egindako lanagatik egin zen ezagun aktorea.
Toby Stephens eta Chris Larkin semeek ohar baten bidez azaldu dutenez, ama "bakean hil da" ospitalean, ostiral goizean.
"Tristura handiz iragarri behar dugu Maggie Smith damaren heriotza", idatzi dute haren bi semeek. "Dama" deitu diote 1990ean Elizabeth II.a erreginak titulu hori eman baitzion, "sir" tituluaren parekoa.
"Bakean hil da ospitalean, gaur, irailak 27, ostirala, goizeko lehen orduan. Oso pertsona isila zen, eta lagunek eta senideek lagundu diote amaieran. Bi seme eta bost iloba maitekor utzi ditu, eta lur jota gaude, ama eta amona aparta galdu dugulako", adierazi dute oharrean.
"Aukera hau aprobetxatu nahiko genuke Londres mendebaldeko Chelsea eta Westminster Ospitaleko langile zoragarriei azken egunetan emandako arreta eta eskuzabaltasuna eskertzeko", gaineratu dute.
"Eskerrak eman nahi dizkizuegu guztioi zuen mezu adeitsuengatik, eta erakutsitako babesagatik, eta gure pribatutasuna errespetatzeko eskatzen dizuegu", adierazi dute oharrean.
1934an Londres ekialdean jaioa, Smith britainiar zineman eta antzerkian ikono izan zen, baita telebistan ere, eta bi Oscar irabazi zituen bere ibilbidean zehar: 1970ean 'The Prime of Miss Jean Brodie' filmagatik eta 1979an 'California Suite' lanagatik.
1952an hasi zuen eta sei hamarkadatik gora izan duen ibilbide luzean, era guztietako roletan egin zuen lan, trebetasun miresgarriaz, eta komediarako duen graziagatik izan zen bereziki ezaguna.
Azken urteetan, Harry Potter magoaren zinema-sagan Minerva McGonagall gorpuztu zuen, J.K. Rowling idazleak pertsonaia hori Smithek antzeztea nahi izan baitzuen.
Albiste gehiago zinema
Biba Zinema eta Lege Berriak!
Begoña del Tesok gaur egun zinema kontsumitzeko moduaren analisia egin du.
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.